Senesi 31:53 - Tosi Tapu

⁵³ Ke tuu le Atua o Apalaamo mo Nakole ko le tui fakamaau ia taua. Na fakapapau loa Sakopo i le suafa o le Atua leia na i ki ai Isaake.

Senesi 31:53 ပူးပေါင်းရင်းမြစ်များ

Senesi 11:31

Na too loa e Telake lona vosa ko Apalamo, mo Lote, vosa o Alane, vosa o lona vosa, ti mo Salai, lona fugao, avaga o Apalamo lona vosa. Ti na lotou mavae fakatasi loa mei Ulu i Kaletea, o ano ki le fenua o Kanaane. Na lotou kaku loa ki Salani, ti na lotou nofo loa i ai.

Senesi 14:22

Na tali loa Apalamo ki le sau o Sotoma : E kau siki loku lima ki le Eteleno, ko le Atua Taualuga, ko le pule o le lagi mo le kele :

Senesi 16:5

Ti na pati loa Salai kia Apalamo : Ke vilo kiate koe loku mamae. Na kau tuku laku fafine fakasausau ki lou fatafata ; ti na talu lana tio kua tinae a ia mo lana tio fakaveli mai kiate au. Ke nofo le Eteleno ko le tui fakamaau iate au mo koe !

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Senesi 28:13

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Senesi 31:42

Kanapau na leaise tokoi mai le Atua o loku tamana ko Apalaamo kiate au, le Atua leia e i ki ai loku tamana ko Isaake, na ke aga loa o kapu au mo oku lima ata. Kae na tio le Atua ki loku mamae mo le pakia o oku lima i le gaoi ; koia i le aso nanafi na fakasa e ia lona faitotonu kiate au.

Senesi 31:52

E tuu loa le tuuga fatu lena mo le fatu lena ko ni fakamaoki kia taua : E leaise kau toe fakalaka loa i le tuuga fatu leinei ki lou fetuu, ti e leaise ke toe fakalaka mai loa i le tuuga fatu lena mo le fatu lena ki loku fetuu, o fai se nea leia e veli.

Senesi 47:31

Ti na pati loa Sakopo : Fakapapau mai kiate au ! Ti na fakapapau ake loa Sosefo kiate ia. Ti na punou loa Iselaele ki le fugaulu o lona palepale.

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Ekesote 5:21

Na lotou pati loa kia laua : Ke tio mai le Eteleno kia koulua, ti ke fakamaaui e ia ! Kua kolua fakaliliu matou o fakalialia ki mata o Falaone mo ana tagata fakasausau, ti kua kolua teki se seleta ki olatou lima ke tamate ai matou.

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Sosue 24:2

Na pati loa Sosue ki le kakai katoa : Ko leinei le folafola a le Eteleno, le Atua o Iselaele : Na nonofo okoutou tamana, a Telake, tamana o Apalaamo mo tamana o Nakole, i mua i le kauvai o le vaitafe lasi ko le Eufalate, ti na lotou tausi ki ni atua kese.

Tuifakamaau 11:27

E leaise ko au leia kua agaveli kiate koe, ko koe leia kua agaveli mai kiate au, o taui au. Ke tuu i le aso nei le Eteleno, leia ko le tui fakamaau o tagata fuli, o fakamaaui a fanau a Iselaele mo fanau a Amone !

Uluaki tosi a Samuele 20:23

E tuu loa le Eteleno ko le tagata fakamaoki o le masau kua ta feaveaki ia taua o lee gato.

Uluaki tosi a Samuele 24:12

Ti ko leinei, ei loku tamana, tio mai ki le tapatapa o lou taupulupulu i loku lima. Talie na kau tuuti le tapatapa o lou taupulupulu, ti na leaise kau tamate a koe, o tupu ke ke iloa mo ke fakamaoki e leaise kau nofo mo se manatu ke afa lou malaia pe fakatutuu kiate koe, ti na leaise kau agasala fua kiate koe. Kae ko koe, e ke tuli au ke too loku mauli !