Senesi 31:34 - Tosi Tapu

³⁴ Kae na too loa e Lasele a atua, o tatao i lalo o le ekeekeaga kamelo ti na tonatona loa a ia i aluga. Na sufe loa e Lapane le falela katoa, kae na leaise maua loa e ia se nea.

Senesi 31:34 ပူးပေါင်းရင်းမြစ်များ

Senesi 31:17

Na tuu ake loa Sakopo ki aluga, o fakaeke ana fanau mo ana avaga ki ni kamelo.

Senesi 31:19

I le temi lena na ano Lapane o koti lana kau manu. Na kaia loa e Lasele a taulaatua o lona tamana.

Senesi 31:33

Na ulu loa Lapane ki le falela o Sakopo, mo le falela o Lea, ti mo le falela o fafine fakasausau, ti na leaise maua loa e ia se nea. Na mavae loa a ia i le falela o Lea, o toe ulu ki le falela o Lasele.

Senesi 31:35

Ti na pati loa Lasele ki lona tamana : Ke aua na ke ita, ei loku tamana, mo kapau e ke tio e leaise kau tuu ki aluga i ou mua, talie e kau maua le nea leia e soko masani ki fafine. Na fai loa e Lapane lana afa, kae na leaise maua loa e ia a atua.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Levitiko 15:9

Ti ko ekeekeaga i manu fuli ala e fanoga ai loa le tagata masaki, e kelekele loa.

Tuifakamaau 18:24

Na tali loa Mika kia latou : Kua kotou kaia ia a atua ala na kau aga o fai, ti kua kotou ave laku tagata faisakilifisio : E leaise nea fua e tasi e toe mai kiate au, ti e kotou matasoka o vesili mai kiate au pe kolea e kau kalaga ai ?

Uluaki tosi a Samuele 15:23

Talie e tatau le agasala o le patigataa mo le agasala o le tausi fakatemonio, ti e tatau le fakafefeka mo le tausi ki taulaatua mo fakatata. O tupu kua ke tiaki le folafola a le Eteleno, e toe tiaki loa a koe e le Eteleno ke aua na ke toe sau loa.