Senesi 31:30 - Tosi Tapu

³⁰ Ko leinei, kua ke ano talie kua ke mamae ki le fale o lou tamana, kolea na ke kaia ai oku atua ?

Senesi 31:30 ပူးပေါင်းရင်းမြစ်များ

Senesi 31:19

I le temi lena na ano Lapane o koti lana kau manu. Na kaia loa e Lasele a taulaatua o lona tamana.

Senesi 31:31

Na tali loa Sakopo kia Lapane : Na kau i, ti na kau manatu : e lagi ke too loa ou taineliki.

Senesi 35:2

Ti na pati loa Sakopo ki lona famili, mo latou fuli ala na nonofo mo ia : Kotou too ia koutou a atua kese fuli ala e maua ia koutou, ti kotou fakamea mo fetogi okoutou kofu.

Lua tosi a Samuele 5:21

Na lotou tuku loa i ai olatou taulaatua, ti na ave loa latou e Tavite mo lana kau tau.

Ekesote 12:12

I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Esaia 37:19

ti na lotou laku olatou atua ki le afi ; kae na leaise ko ni atua latou, ko ni nea na fau e lima o le tagata ki ni laakau mo ni fatu ; ti kua lotou fakapuli latou.

Selemia 10:11

E kotou masau loa kia latou, o pati : Ko atua ala na leaise fakatupu ia le lagi mo le kele E pupuli loa i le kele mo le lalo lagi.

Selemia 43:12

E tuku loa e ia le afi ki fale o atua o Esipito ; e tutu loa e Nepukatenesale a taulaatua, pe ave popula loa e ia latou ; ti e pulupulu loa a ia ki le fenua o Esipito ofaipe le tagata tausi ovi leia e takatakai ki lona taupulupulu, ti e mavae loa a ia mei Esipito i le tokamalie.

Esekiele 21:21

Ta ki le fetuu atamai, Ta ki le fetuu sema, Seleta matakakai, Maliu saele lou tumutumu ki potu fuli !

Numelo 10:30

Na tali loa Opapi kiate ia : E leaise kau ano loa mo koutou ; kae kau toe liliu loa ki loku fenua mo loku famili.

Numelo 33:4

Kae na tanu loa e le kau Esipito i le aso lena latou ala na tautea e le Eteleno ia latou, a uluaki fuli ; na fai foki e le Eteleno ni fakamaau ki atua o Esipito.

Sosue 24:2

Na pati loa Sosue ki le kakai katoa : Ko leinei le folafola a le Eteleno, le Atua o Iselaele : Na nonofo okoutou tamana, a Telake, tamana o Apalaamo mo tamana o Nakole, i mua i le kauvai o le vaitafe lasi ko le Eufalate, ti na lotou tausi ki ni atua kese.

Tuifakamaau 18:17

Ti na pale loa a tagata e toka lima, ala na ano o sivisivi le fenua, ti na lotou ulu loa ki le fale ; na lotou too loa le fakatata ta, mo le efoti, mo telafimi, ti mo le fakatata ukamea saka, kae tuu loa le tagata faisakilifisio i mua o le matapa mo le kau tagata e tino lelau ono ala na too ia alatou masafu tau.

Tuifakamaau 18:24

Na tali loa Mika kia latou : Kua kotou kaia ia a atua ala na kau aga o fai, ti kua kotou ave laku tagata faisakilifisio : E leaise nea fua e tasi e toe mai kiate au, ti e kotou matasoka o vesili mai kiate au pe kolea e kau kalaga ai ?

Tuifakamaau 6:31

Na tali loa Soasi kia latou fuli ala na tutuu i ona tafa : Pe ko koutou ala e tonu ke puipui ia Paale ? Pe ko koutou ala e tonu ke saofaki ia a ia ? Ko le tagata leia e puipui ia loa Paale e mate loa a ia i mua o le usu apogipogi. Kapau ko Paale ko se atua, ti ke puipui loa e ia a ia totonu, talie ko lona aletale leia na maumaui.