Senesi 31:18 - Tosi Tapu

¹⁸ Ti na ave loa e ia lana kau manu katoa mo ana nea fuli ala na maua e ia, ala na gaoi ki ai i Patane-Alame ; ti na ano loa a ia ki lona tamana ko Isaake i le fenua o Kanaane.

Senesi 31:18 ပူးပေါင်းရင်းမြစ်များ

Senesi 25:20

Na fakatupu loa e Apalaamo a Isaake. Na fetuu kau fa Isaake i le aso leia na avaga ai loa a ia mo Lepeka, taine o Petuele, ko le tagata Silia o Patane-Alame, ti ko le tuagaane o Lapane, ko le tagata Silia.

Senesi 27:41

Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Senesi 28:21

ti kapau e kau toe liliu i le tokamalie ki le fale o loku tamana, ti e liliu loa le Eteleno ko loku Atua.

Senesi 31:17

Na tuu ake loa Sakopo ki aluga, o fakaeke ana fanau mo ana avaga ki ni kamelo.

Senesi 32:6

Na toe liliu ake loa a tagata avelogo kia Sakopo, o pati : Na motou ano o fakafelavei ki lou taina ko Esau ; ti ko leinei kua saele mai a ia kiate koe mo tagata e tino lelau fa.

Ekelesiasi 3:6

se temi ke afa ai, ti mo se temi ke puli ai ; se temi ke taupau ai, ti mo se temi ke tiaki ai ;