Senesi 31:12 - Tosi Tapu

¹² Na pati loa a ia : Tio ou mata : E pulepule mo safesafe a ovi tagata fuli ana na ano ki ovi fafine ; talie na kau tio ki nea fuli ala na fai e Lapane kiate koe.

Senesi 31:12 ပူးပေါင်းရင်းမြစ်များ

Senesi 31:10

Na kau moe miti ti na kau tio ki ovi tagata ala na ano ki ovi fafine, na lotou pulepule mo ilaila ti mo safesafe.

Senesi 31:42

Kanapau na leaise tokoi mai le Atua o loku tamana ko Apalaamo kiate au, le Atua leia e i ki ai loku tamana ko Isaake, na ke aga loa o kapu au mo oku lima ata. Kae na tio le Atua ki loku mamae mo le pakia o oku lima i le gaoi ; koia i le aso nanafi na fakasa e ia lona faitotonu kiate au.

Pesalemo 10:14

Kae e ke tio maoki, talie e ke tio ki le pakia mo le mamae, Ti e ke tokaga ki olatou mauli. Ko koe leia e fanaki ki ai le tagata mativa ! Ko koe leia e tokoi ki le toe sala matua !

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 139:3

E ke iloa mo ka kau saele, ti mo ka kau moe, Ti e ke ulu ki oku ala fuli !

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Ekesote 3:9

Ko leinei, kua kaku mai a tagi a Iselaele kiate au, ti kua kau tio ki lolatou fakavelivelii e le kau Esipito.

Ekelesiasi 5:8

E malie ake ki le fenua ke maua e ia se sau leia e fakamuamua ia i nea fuli le gaoi ki faisaga.

Levitiko 19:13

Aua na ke pulei fakaveli loa lou oloi, ti aua na ke too fakamakeke loa se nea iate ia. Aua na ke taofi loa o kaku ki le apogipogi le totogi o le tagata gaoi.

Gaoi 7:34

Kua kau tio ki le mamae o loku kakai i Esipito, kua kau logo ki alatou tagi, ti kua kau ifo mai o fakamauli latou. Ano i le lakaga nei, e kau kakau loa a koe ki Esipito.

Efeso 6:9

Ti ko koutou, kau pule, kotou fai fenaaki kia latou, ti aua na kotou fakaii kia latou, ke kotou iloa e nofo i le lagi lolatou pule mo lokoutou, ti e leaise kese se tasi i ona mua.

Tetelonome 24:15

Kae e ke soli loa kiate ia le totogi o lona aso gaoi i mua o le vilo o le laa ; talie e mativa a ia ti e aoga ai lona totogi kiate ia. Kapau e leaise ke fai loa le nea lena, e tagi loa a ia ki le Eteleno, ti e ke maua loa i ai se agasala.