Senesi 31:11 - Tosi Tapu

¹¹ Ti na pati mai loa le aselo o le Atua kiate au i le moe : Sakopo ! Na kau tali : Ko leinei au !

Senesi 31:11 ပူးပေါင်းရင်းမြစ်များ

Senesi 18:1

Na sa loa le Eteleno kiate ia i le ulu sene o Mamele, kae na tonatona a ia i le matapa o lona falela, i le vevela o le aso.

Senesi 18:17

Ti na pati loa le Eteleno : Pe kau fufu loa kia Apalaamo le nea leia ka kau fai ?…

Senesi 22:1

Na sili loa ki nea ana, ti na asiasii loa e le Atua a Apalaamo, ti na pati loa a ia kiate ia : Apalaamo ! Ti na tali loa a ia : Ko leinei au !

Senesi 22:11

Kae na kalaga loa le Aselo o le Eteleno mei lagi, o pati : Apalaamo ! Apalaamo ! Ti na tali loa a ia : Ko leinei au !

Senesi 22:15

Na toe kalaga loa le aselo o le Eteleno mei lagi kia Apalaamo, ko lona tua lua a ia,

Senesi 31:10

Na kau moe miti ti na kau tio ki ovi tagata ala na ano ki ovi fafine, na lotou pulepule mo ilaila ti mo safesafe.

Senesi 31:13

Ko le Atua au o Petele, le ganea leia na ke pani lolo ai se fatu fakamanatu, leia na ke fai ai se fakapapau. I le aso nei, ke ke tuu ki aluga, ti ke mavae i le fenua leinei, o toe liliu ki le fenua leia na ke tupu ai.

Senesi 31:24

Kae na sa loa le Atua i le pouli i se moe miti kia Lapane, le tagata Alame, o pati kiate ia : Aua na ke masau loa kia Sakopo i se nea malie pe ko se nea veli !

Senesi 31:5

Ti na pati loa a ia kia laua : E kau tio i mata o lokoulua tamana e leaise koi tatau a ia kiate au mo mua ; kae na kau mo au le Atua o loku tamana.

Senesi 37:5

Na fai loa e Sosefo se moe miti, ti na fakamatala loa e ia a ia ki ona fetaina, ala na toe asilisili vesia loa kiate ia.

Senesi 46:2

Ti na masau loa le Atua kia Iselaele i se moe miti i le pouli, o pati : Sakopo ! Sakopo ! Ti na tali loa Iselaele : Ko leinei au !

Ekesote 3:4

Ti na tio loa le Eteleno kua afe Moisese ke tio ; ti na kalaga loa le Atua mei loto o le ulu vao, o pati : Moisese ! Moisese ! Ti na tali loa Moisese : Ko leinei au !

Esaia 58:9

Ti e ke kalaga loa, ti e tali atu loa le Eteleno kiate koe, E ke tagi loa, ti e pati loa a ia : Ko leinei au ! Kapau e ke fakamamao iate koe le kavega mamafa, Le ta fakaitaita o lima, ti mo le masau lauveli,

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Mateo 27:19

I lana nofo i le telepinale, na fakasa loa e lona avaga kiate ia : Ke aua na i ai fua se nea i le vasa o ou mo le tagata agatonu lena ; talie i le aso nei na kau mamae lasi ai i laku moe miti o tupu ko ia.

Uluaki tosi a Samuele 3:16

Kae na kalagai loa e Eli a Samuele, o pati : Samuele, loku vosa ! Na tali a ia : Ko leinei au !

Uluaki tosi a Samuele 3:4

Ti na fetapa loa le Eteleno kia Samuele. Na tali loa a ia : Ko leinei au !

Uluaki tosi a Samuele 3:6

Na toe fetapa loa le Eteleno kia Samuele. Ti na tuu ake loa Samuele ki aluga o ano kia Eli, o pati : Ko leinei au, talie na ke fetapa mai kiate au. Na tali loa a Eli : Na leaise kau fetapa atu kiate koe, ei loku vosa, toe liliu o moe.

Uluaki tosi a Samuele 3:8

Na toe fetapa loa le Eteleno kia Samuele, ko lona tua tolu a ia. Ti na tuu ake loa a Samuele ki aluga o ano kia Eli, o pati : Ko leinei au, talie na ke fetapa mai kiate au. Na matala loa a Eli ko le Eteleno leia na fetapa ki le fanau,