Senesi 30:43 - Tosi Tapu

⁴³ Na asilisili mou koloa loa le tagata lena : Na lasi loa ana kau ovi, mo ana kau koti, mo ana fafine fakasausau, mo ana tagata fakasausau, mo ana kau kamelo, ti mo ana kau asino.

Senesi 30:43 ပူးပေါင်းရင်းမြစ်များ

Senesi 12:16

Na agamalie loa Falaone kia Apalamo o tupu ko le fafine ; ti na soli loa e Falaone kia Apalamo ni ovi, mo ni pipi, mo ni asino, mo ni tagata fakasausau, mo ni fafine fakasausau, mo ni asino fafine, ti mo ni kamelo.

Senesi 13:2

Na lasi ai a koloa o Apalamo : Na lasi ai lana kau manu, mo lana paaga, ti mo lana aulo.

Senesi 24:35

Kua tapuaki lasi ai le Eteleno ki loku aliki, ti kua liliu a ia o makeke. Na soli e le Eteleno kiate ia ni kau ovi mo ni kau pipi, mo se siliva ti mo se aulo, mo ni kau tagata fakasausau ti mo ni kau fafine fakasausau, mo ni kau kamelo ti mo ni kau asino.

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Senesi 30:30

talie kua tupu lasi ai le ga nea noa leia na ke maua i mua o laku kaku mai kiate koe ; ti kua tapuaki le Eteleno kiate koe i le aso leia na ulu ai oku vae i lou fale. Pe leaise ko le temi leinei e tonu ke kau gaoi ai ki loku famili totonu ?

Senesi 30:42

Ti kapau ko ni manu gagae, e leaise tuku loa e ia ki ai a laai laakau : Koia na maua ai loa e Lapane a manu gagae, kae na maua loa e Sakopo ala na makeke.

Senesi 31:1

Na logo loa Sakopo ki masau o vosa o Lapane, ala na pati : Kua too e Sakopo a nea fuli o lotatou tamana, ti kua fakatupu e ia lona koloa fuli ki nea o lotatou tamana.

Senesi 31:42

Kanapau na leaise tokoi mai le Atua o loku tamana ko Apalaamo kiate au, le Atua leia e i ki ai loku tamana ko Isaake, na ke aga loa o kapu au mo oku lima ata. Kae na tio le Atua ki loku mamae mo le pakia o oku lima i le gaoi ; koia i le aso nanafi na fakasa e ia lona faitotonu kiate au.

Senesi 32:10

Eteleno, e leaise kau gali mo kalasia fuli ala na ke tuku mai kiate au, mo lou agatonu katoa kiate au ko lau tagata fakasausau ; talie na kau fakalaka i le Solotane leinei mo loku tokotoko, ti ko leinei kua kau nofo mo ni nofolaga e lua i le aso nei.

Senesi 32:14

Ko koti fafine e kau lelau lua, mo koti tagata e kau lua, mo ovi fafine e kau lelau lua, mo ovi tagata e kau lua,

Senesi 32:5

Kua kau maua ni aku kau pipi, mo ni kau asino, mo ni kau ovi, mo ni kau tagata fakasausau, mo ni kau fafine fakasausau ; ti e kau kakau atu kiate koe ni tagata avelogo ke fakasa ki loku aliki le nea lena, o tupu ke ke tali malie lau tagata fakasausau.

Senesi 33:11

Koia tali ai laku moliga kua fai atu kiate koe, talie kua fakaapele au e le Atua ki ona kalasia, ti e leaise nea fua e puli kiate au. I le kole fakamakeke a Sakopo kia Esau, na tali loa e Esau lana kole.

Senesi 36:7

Talie na lasi ai ola koloa, ti na leaise koi mafai ke la nofo fakatasi, ti na leaise koi feauga loa le fenua leia na la nofo ai ki ala kau manu.

Ekelesiasi 2:7

Na kau totogi loa ni tagata fakasausau mo ni fafine fakasausau, ti na kau maua loa olotou fanau ala na tupu i loku fale ; na kau maua loa ni kau pipi mo ni kau ovi, o lasi ake ia latou fuli ala na mua iate au i Selusalemi.

Esekiele 39:10

E leaise lotou too loa ni fafie i faisaga, Ti e leaise lotou tuuti loa ni fafie i vaomatua, Talie e lotou tafu loa a afi ki masafu. E lotou fakamativa loa latou ala na fakamativa ia latou, E lotou kaia loa latou ala na kaia ia latou ; E pati le Aliki, le Eteleno.

Luka 12:45

Kae, kapau e pati loa le tagata fakasausau lena i lona loto : E tuvai mai loku pule ; ti kapau e tamate loa e ia a tagata fakasausau mo fafine fakasausau, ti kapau e kai loa a ia mo inu ke kona,