Senesi 30:4 - Tosi Tapu

⁴ Ti na tuku loa e Lasele lana fafine fakasausau ko Pila ke avaga mo ia, ti na ano loa Sakopo kia Pila.

Senesi 30:4 ပူးပေါင်းရင်းမြစ်များ

Senesi 16:2

Ti na pati loa Salai kia Apalamo : Ko leinei, kua fakapaa au e le Eteleno ; e kau kole atu kiate koe ke ke ano ki laku fafine fakasausau ; e lagi feala loa ke kau maua iate ia ni fanau. Na fakalogo loa Apalamo ki le leo o Salai.

Senesi 21:10

Ti na pati loa a ia kia Apalaamo : Kapu le fafine fakasausau lena mo lona vosa, talie e leaise maua tofiga loa le vosa o le fafine fakasausau lena mo loku vosa ko Isaake.

Senesi 22:24

Ko le lua avaga o Nakole na igoa ko Leuma, na fanaui loa e ia Tepaki, mo Kaami, mo Taasi, ti mo Maaka.

Senesi 25:1

Na toe avaga loa Apalaamo mo se tasi ake fafine na igoa ko Ketula.

Senesi 25:6

Kae na fai loa e ia ni nea alofa ki vosa o ana tinifu ; i lona koi mauli na kakau loa e ia latou ke lotou ano ki le fenua o le potu Esite, ke mamao mei lona vosa ko Isaake.

Senesi 29:29

Ti na soli foki e Lapane ki lona taine ko Lasele le fafine fakasausau ko Pila ke kaunaga kiate ia.

Senesi 30:5

Na tinae loa a Pila, ti na fanaui loa e ia se tama kia Sakopo.

Senesi 33:2

Na tuku loa e ia ki mua a fafine fakasausau mo ola toe, ti na olo atu loa ki ai a Lea mo ona toe, ti na muli loa Lasele mo Sosefo.

Senesi 35:22

I le nofo a Iselaele i le fenua lena, na ano loa Lupeni o momoe mo Pila, ko le avaga o lona tamana. Ti na iloa loa e Iselaele le nea lena, ti na mamae ai lona loto. Ko vosa o Sakopo na tino agafulu tupu lua.

Senesi 46:25

Ko vosa ana ala na fanaui e Pila, leia na tuku e Lapane ki lona taine ko Lasele ; ti na fanaui e ia latou kia Sakopo. Na lotou fakatasi ko le toka fitu.

Lua tosi a Samuele 12:11

Ko leinei le folafola a le Eteleno : E kau fakamapuna loa mei lou fale le malaia kiate koe, ti e kau too loa i ou mua au avaga o soli ki se tasi, ke momoe loa mo ia i mua o le malama o le laa.