Senesi 30:39 - Tosi Tapu

³⁹ Na fia avavaga loa a ovi i tafa o laai laakau, ti na lotou feavavagaaki loa i ai, ti na fanaui loa e ovi fafine ni uviki sikasika mo ni uviki pulepule liliki mo pulepule lalasi.

Senesi 30:39 ပူးပေါင်းရင်းမြစ်များ

Senesi 30:38

Ti na tuku loa e ia a laai laakau ana kua oki i le foke ki loto o ganea inu o manu, o tupu ke tio ki ai a ovi fafine mo ka lotou au o iinu, ti ke lotou fia avavaga ai.

Senesi 30:40

Ti na vaei kese loa e Sakopo a akeno, o fakatasii e ia ala e pulepule mo la e fulu uli i le kau manu a Lapane. Na kamata fakatupu loa e Sakopo ana kau manu, o tuku kese loa e ia latou mei kau manu a Lapane.

Senesi 31:38

Ko leinei kua fetuu kau lua laku nofo i lou fale ; na leaise vilo fua se tinae o au ovi fafine mo au koti fafine, ti na leaise kau kai fua se ovi tagata o lau kau manu.

Senesi 31:40

Na kau tali le mamae o le vevela o le laa i le ao, mo le momoko i le pouli, ti na sola mamao le fia moe i oku mata.

Senesi 31:42

Kanapau na leaise tokoi mai le Atua o loku tamana ko Apalaamo kiate au, le Atua leia e i ki ai loku tamana ko Isaake, na ke aga loa o kapu au mo oku lima ata. Kae na tio le Atua ki loku mamae mo le pakia o oku lima i le gaoi ; koia i le aso nanafi na fakasa e ia lona faitotonu kiate au.

Senesi 31:8

Ka pati a ia : Ko lou totogi loa ko ovi pulepule, ti na fanaui loa e ovi fafine ni uviki pulepule. Ti ka pati a ia : Ko lou totogi loa ko ovi sikasika, ti na fanaui loa e ovi fafine fuli ni uviki sikasika.