Senesi 30:27 - Tosi Tapu

²⁷ Na pati loa Lapane kiate ia : Kapau e ke alofa kiate au, ti ke nofo i leinei. E kau iloa malie na tapuaki le Atua kiate au o tupu ko koe ;

Senesi 30:27 ပူးပေါင်းရင်းမြစ်များ

Senesi 12:3

E kau tapuaki loa kia latou ala e tapuaki loa kiate koe, ti e kau fakamalaia latou ala e lauveli loa kiate koe ; ti e tapuakina loa a famili fuli o le malama nei iate koe.

Senesi 18:3

Ti na pati loa a ia : Ei loku Aliki, kapau kua kau maua se kalasia i ou mua, ti ke alofa mai o leaise ke fakasili i lau tagata fakasausau.

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 30:30

talie kua tupu lasi ai le ga nea noa leia na ke maua i mua o laku kaku mai kiate koe ; ti kua tapuaki le Eteleno kiate koe i le aso leia na ulu ai oku vae i lou fale. Pe leaise ko le temi leinei e tonu ke kau gaoi ai ki loku famili totonu ?

Senesi 33:15

Ti na pati loa Esau : E kau loto loa ke tuku atu kiate koe se koga o loku kakai. Ti na tali loa Sakopo : Kolea lona tupuaga ? Kua lasi ai le alofa o loku aliki kiate au, i lau tali au i le loto alofa.

Senesi 34:11

Ti na pati loa Siseme ki le tamana mo tuagaane o Tina : Kotou fakamolemole mai kiate au, ti e kau soli atu loa kia koutou le nea leia e kotou pati mai loa ki ai.

Senesi 44:5

Pe leaise kotou nofo loa mo le ipu leia e inu ai loku aliki, leia e toe fakaaoga e ia ki le fai kikite ? E veli le nea leia kua kotou fai.

Senesi 47:25

Na lotou pati loa : E ke saofaki omatou mauli ! Ti ko leinei e ke toe fakasa lou alofa kia matou i le nea leinei, koia e motou tali ai ke motou popula kia Falaone.

Lua tosi a Samuele 6:11

Na nofo loa le aleka o le Eteleno i masina e tolu i le fale o Opeto-Etome mei Kate, ti na tapuaki loa le Eteleno kia Opeto-Etome mo lona fale katoa.

Uluaki tosi o Sau 11:19

Na maua loa e Atate se kalasia lasi i mua o Falaone, koia na soli loa e Falaone kiate ia le taina o lana avaga, le taina o le fafine sau ko Takepenese, ke avaga mo Atate.

Neemia 1:11

Ei Aliki, ke tokaga mai lou taliga ki le kole a lau tagata fakasausau, ti mo le kole a au tagata fakasausau ala e loto ke i ki lou suafa ! Tapuaki i le aso nei lau tagata fakasausau, o ke tuku ke maua e ia se manava alofa i mua o le tagata leinei ! I le temi aia na kau pule ki le vino a le sau.

Neemia 2:5

ti na kau tali loa ki le sau : Kapau e malie ki le sau, ti kapau kua maua e lau tagata fakasausau se kalasia i ou mua, kakau au ki Suta, ki le kolo o tanuma o oku tamana, ke kau toe lagai a ia.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Ekesote 3:21

E kau toe fakataga loa ki le kau Esipito, ke lotou fai ni nea alofa ki le kakai : koia i le aso leia e kotou mavae ai loa, e leaise kotou mavae ata loa.

Esaia 6:13

Ti kapau e toe loa se vaega kau agafulu o le kakai, E lotou toe liliu mai loa ke tutu latou e le afi. Kae ofaipe le telepate mo le sene ala e fakatologa ia ola tafito mo ka sele, E toe tupu loa se sakoga maokioki i le kakai lena.

Esaia 61:9

E iloa loa lolatou lanu i atu puleaga, Ti e logo loa lolatou sakoga i lotolotoga o kakai ; Ti ko latou fuli ala e tio loa kia latou e fakamaoki loa Ko latou ko se lanu tapuakina e le Eteleno.

Esaia 65:8

Ko leinei le folafola a le Eteleno : Ka maua se fui vite malie, ti e pati : Aua na maumaui a ia, Talie ko se tapuakina a ia ! E kau toe fai felaaki loa, o tupu ko loku alofa ki aku tagata fakasausau, Ke aua na maumaui nea fuli.

Taniela 1:9

Na fakatupu loa e le Atua i le loto o le pule o le kau enuke se loto malie mo se alofa kia Taniela.

Numelo 11:11

Na mamae ai le loto o Moisese, ti na pati loa a ia ki le Eteleno : Kolea e ke fakamamae ai le loto o lau tagata fakasausau ? Kolea e ke fakafiti ai kiate au lou agamalie ? Kolea e ke teki ai kiate au le kavega o le kakai fuli leinei ?

Numelo 11:15

Ti kapau e ke fai fenaaki kiate au, ti e malie ake ke ke tamate au ! E ke fakasa loa i ai lou agamalie kiate au, ti e leaise kau tio loa ki le malaia o loku kakai.

Gaoi 7:10

Kae na nofo loa le Atua mo Sosefo, o saofaki a ia i ona mamae fuli ; na soli loa e ia kia Sosefo le poto mo le kalasia i mua o Falaone, sau o Esipito, leia na fakanofo ia loa a ia ke kovana i Esipito, ti mo lona fale katoa.

Lute 2:13

Ti na pati loa a Lute : Oi, ke kau maua se kalasia i ou mata, ei loku aliki ! Talie kua ke fakapelepelei loku loto, ti kua ke masau ki le loto o lau fafine fakasausau ; logo ai e leaise kau faipe se tasi o au fafine fakasausau.

Uluaki tosi a Samuele 16:22

Na kakau loa e Saulo ke fakasa kia Isaia : E kau kole atu kiate koe ke tuku mai Tavite ke tausi kiate au, talie kua maua e ia loku alofa.