Senesi 30:2 - Tosi Tapu

² Na ita loa Sakopo kia Lasele, o pati : Pe ko le Atua au, leia na tapono ia a koe ke aua na ke fanaunau ?

Senesi 30:2 ပူးပေါင်းရင်းမြစ်များ

Senesi 16:2

Ti na pati loa Salai kia Apalamo : Ko leinei, kua fakapaa au e le Eteleno ; e kau kole atu kiate koe ke ke ano ki laku fafine fakasausau ; e lagi feala loa ke kau maua iate ia ni fanau. Na fakalogo loa Apalamo ki le leo o Salai.

Senesi 20:18

Talie na fakapaa e le Eteleno a fafine fuli o le fale o Apimeleke, o tupu ko Sala, avaga o Apalaamo.

Senesi 25:21

Na faikole loa Isaake ki le Eteleno o tupu ko lana avaga, talie na paa a ia. Ti na tali loa e le Eteleno lana kole, ti na tinae loa lana avaga ko Lepeka.

Senesi 29:31

Na tio loa le Eteleno na leaise alofa Sakopo kia Lea ; ti na fakafanaunau loa e ia a Lea, kae fakapaa loa e ia a Lasele.

Senesi 31:36

Na ita loa Sakopo, o masau fakaveli kia Lapane. Na pati loa a ia : Kolea laku sala, kolea laku agasala, ke ke afa fakamakeke ai au ?

Senesi 50:19

Ti na pati loa Sosefo kia latou : Aua na kotou tuania. E leaise ko au leia e tonu ke nofo i le tuulaga o le Atua !

Lua tosi o Sau 5:7

I le oki o lana lau le tosi, na sae loa e le sau o Iselaele ona kofu, o pati : Pe ko le Atua au, ke kau fakamate ia pe ke kau fakamauli ia, ke tupu ai lana pati mai kiate au ke kau fakamauli se tagata mei lona kilia ? Ke kotou iloa ti ke kotou matala e afa e ia se nea ke tupu ai se tokaveli ia maua.

Pesalemo 113:9

E soli e ia se fale ki le fafine leia e paa, E fakaliliu e ia a ia ko se tinana fiafia i loto malie o ana fanau. Kotou fakafetai ki le Eteleno !

Pesalemo 127:3

Ko leinei, ko ni vosa ko se tofiga mei le Eteleno, Ko le fua o le manava ko se fakapale.

Ekesote 32:19

I lala kaku loa ki le nofolaga, na la tio loa ki le uviki pipi mo mako. Na mu loa le sausau o Moisese, ti na tiaki loa e ia a fatu mei ona lima, o momo i lalo o le mauga.

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Maleko 3:5

Ti na tio fakaita loa a ia kia latou, i le lasi o lona mamae o tupu ko le fefeka o latou loto ; ti na pati loa a ia ki le tagata : Falo lou lima. Na falo loa e le tagata lona lima, ti na mauli loa a ia.

Luka 1:42

Ti na kalaga loa a ia o leo lasi : E ke manuia a koe i fafine fuli, ti e manuia le fua o lou manava.

Efeso 4:26

Kapau e kotou ita, ke aua na kotou agasala ; ti ke aua na galo le laa i aluga o lokoutou ita,

Uluaki tosi a Samuele 1:5

Kae na soli e ia kia Ana a vaega e lua ; talie na alofa a ia kia Ana leia na fakaliliu e le Eteleno o paa.