Senesi 3:6 - Tosi Tapu

⁶ Ti na tio loa le fafine na malie le laakau ki le kai, mo fulumalie ki le mata, ti mo mauiga ki le fakamavaa o le atamai. Na taui loa e ia se fa fuai laakau, o kai, ti na toe soli foki e ia ki lona avaga, leia na tuu i ona tafa, ti na kai loa a ia ki ai.

Senesi 3:6 ပူးပေါင်းရင်းမြစ်များ

Senesi 3:12

Na tali loa le tagata : Ko le fafine leia na ke tuku mai ki oku tafa, na soli ia mai kiate au se fa fua o le laakau, ti na kau kai ki ai.

Senesi 3:17

Ti na pati loa a ia ki le tagata : O tupu na ke fakalogo ki le leo o lau avaga, ti na ke kai ki le fua o le laakau leia na kau fakatotonu atu kiate koe : E leaise ke kai loa ki ai ! E malaia loa le kele o tupu ko koe. E ke gaoi pakia loa ke maua ai lau nea kai i aso fuli o lou mauli.

Senesi 39:7

I le sili o nea ana, na laukau loa le avaga o lona pule kia Sosefo, ti na pati loa a ia kiate ia : Au ke ta momoe !

Senesi 6:2

ti na tio loa a vosa o le Atua na fulumalilie ai a taineliki o tagata, ti na lotou filifili loa ni iki o latou ko alatou avaga.

Lua tosi a Samuele 11:2

I se afiafi, na malaga ake loa Tavite i lona moeaga ; ti na evaeva loa a ia i aluga o le ato o le fale sau, ti na tio loa a ia mei ai ki se fafine na maanu, ti na fulumalie ai le fafine.

Uluaki tosi o Sau 13:19

Na toe liliu loa le tagata a le Atua mo ia ki lona fale, ti na kai loa e ia se pane mo inu se vai.

Sopo 31:1

Na kau fai se fakapapau mo oku mata, E leaise kau tio manumanu loa ki se taine taupoou.

Esekiele 24:16

Vosa o le tagata, ko leinei, e kau too iate koe ki se mate fakaofolele, le fiafiaaga o ou mata. Aua na ke tagi laulau loa, aua na ke tagi loa, ti aua na sali loa ou loimata.

Esekiele 24:21

Pati ki le fale o Iselaele : E folafola le Aliki, le Eteleno, o pati : Ko leinei, e kau fakakelekele loa loku fale tapu, leia ko le nekenekeaaga o lokoutou makeke, ko le fiafiaaga o okoutou mata, ti ko le tauaga o lokoutou alofa ; ti e tamate loa e le seleta okoutou vosa mo okoutou taineliki ala na toe i Selusalemi.

Esekiele 24:25

Ti ko koe, vosa o le tagata, i le aso leia e kau too ai loa le nea leia e fakatupu ia lolatou makeke, mo lolatou fiafia, ti mo lolatou kololia, e kau toe too ai foki le fiafiaaga o olatou mata ti mo le tauaga o olatou alofa, olatou vosa mo olatou taineliki.

Oseo 6:7

Kua lotou maumaui laku sai ofaipe la ake tagata ; Koia leia kua lotou agatuu ai kiate au.

Mateo 5:28

Kae ko au, e kau pati atu kia koutou, ko leia e tio ki se fafine ti manumanu a ia ki ai, kua tono a ia mo le fafine lena i lona loto.

Uluaki tosi kia Timoteo 2:14

Na leaise kakaai a Atama, kae ko le fafine leia na kakaai ti na vilo ki le patigataa.

Sosue 7:21

Na kau tio i le koloa o le tau ki se taupulupulu fulumalie mei Mesopotamia, mo ni fa sikele paaga e kau lelau lua, ti mo se potu aulo e kau lima sikele. Na kau manumanu loa ki nea ana, ti na kau too loa latou. Ko leinei latou kua tanu i le kele, i loto o loku falela, ti kua tautafa le paaga ki lalo.

Uluaki tosi a Soane 2:16

talie ko nea fuli ala e maua i le malama nei, a oli o le kanofi, mo le manumanu o mata, ti mo le fia nealasi o le mauli, e leaise au mei le Tamana, kae au mei le malama nei.

Tuifakamaau 14:17

Na tagi loa le avaga o Samisoni i ona mua i aso e fitu o le fai avaga ; i le fitu o aso, na fakamatala loa e Samisoni le mate, talie na fakafiu loa e lona avaga lona loto o mamae veli. Ti na fakamatala loa a ia e le fafine ki vosa o lona kakai.