Senesi 3:5 - Tosi Tapu

⁵ kae e iloa e le Atua, i le aso leia e kolua kai loa ki ai, e mavaa loa okoulua mata, ti e kolua tatau loa mo le Atua, o kolua iloa loa le malie mo le veli.

Senesi 3:5 ပူးပေါင်းရင်းမြစ်များ

Senesi 2:17

kae e leaise ke kai loa ki le laakau o le iloa o le malie mo le veli, talie ko le aso leia e ke kai ai loa ki le laakau lena, e ke mate loa.

Senesi 2:9

Ti na fakasosomo loa e le Eteleno Atua i le kele a laakau kesekese fuli e fulumalie ki le mata ti mo malie ki le kai. Ti na fakatuu loa e ia, i loto malie o le oloto, le laakau o le mauli mo le laakau o le iloa o le malie mo le veli.

Senesi 3:10

Na tali loa a ia : Na kau logo ki lou leo i le oloto, ti na kau i, talie e kau telefua, ti na kau mumuni loa.

Senesi 3:22

Ti na pati loa le Eteleno Atua : Ko leinei, kua liliu le tagata ofaipe se tasi o tatou, talie kua iloa e ia le malie mo le veli. Koia ke tou taofi a ia i le aso nei ke aua na falo lona lima, o tau le laakau o le mauli o kai, ti ke mauli loa a ia o lee gato.

Senesi 3:7

Ti na mavaa loa ola mata, ti na la iloa loa e la telefua. Na la tui loa ni lau fiki, o la lava loa ki ai.

Uluaki tosi o Sau 22:6

Na tanaki loa e le sau o Iselaele le kau polofeta, ko tino lelau e fa, ti na pati loa a ia kia latou : Pe kau ano loa o taui Lamoti i Kalaate, pe tonu ke kau fakafiti ki ai ? Ti na lotou tali loa : Pale, talie e tuku loa a ia e le Aliki ki lima o le sau.

Lua tosi o Koloniko 32:15

Ke aua na kakaai koutou e Esekiasi, ti ke aua na fakasese koutou e ia ; aua na kotou fanaki kiate ia ! Talie e leaise atua, pe ko se puleaga, pe ko se fenua, na mafai ke saofaki ia lona kakai mei loku lima, mo le lima o oku tamana : Ko ai ake loa lokoutou Atua, ke saofaki ia koutou mei loku lima !

Pesalemo 12:4

Ke fakapuli e le Eteleno a laugutu fakalapulapu fuli, Mo le alelo leia e masau matasoka,

Ekesote 20:7

Aua na ke takua noa loa le suafa o le Eteleno, ko lou Atua ; talie e tautea loa e le Eteleno leia e takua noa i lona suafa.

Ekesote 5:2

Na tali loa Falaone : Ko ai le Eteleno ke kau fakalogo ki lona leo, ti ke kau tuku ke ano Iselaele ? E leaise kau iloa fua le Eteleno, ti e leaise kau tuku loa ke ano Iselaele.

Esaia 14:14

E kau pale loa ki le tumutumu o ao ; E kau tatau loa mo le Taualuga.

Esekiele 13:22

O tupu e kotou fakamamae le loto o le tagata agatonu ki ni loi, Leia na leaise kau fakamamaei, Ti e tupu e kotou fakamakeke a lima o le tagata agaveli Ke aua na mavae a ia i lona ala veli ke mauli ai,

Esekiele 28:12

Vosa o le tagata, Fai se tagi laulau ki le sau o Tile ! E ke pati loa kiate ia : E folafola le Aliki, le Eteleno, o pati : Na ke liliu ko se paaki totonu o le malie tukupau, Na ke apele i le poto, na ke malie tukupau i le fulumalie.

Esekiele 28:2

Vosa o le tagata, pati ki le sau o Tile : E folafola le Aliki, le Eteleno, o pati : Kua malaga ki aluga lou loto, ti kua ke pati : E kau Atua, E kau ekeeke i le ekeekeaga o le Atua, i le manava o atu tai ! Ko koe, e ke tagata kae e leaise ke Atua, Ti e ke too lou finegalo ki le finegalo o le Atua.

Esekiele 28:9

Pe ke pati loa i mua o le tagata leia e tamate ia loa a koe : E kau Atua ? E ke tagata loa kae e leaise ke Atua, I le lima o leia e tamate ia loa a koe.

Esekiele 29:3

Masau, ti ke pati loa : E folafola le Aliki, le Eteleno, o pati : Ko leinei, e kau mamafa kiate koe, Falaone, sau o Esipito, Kolokotile lasi, leia e moe i loto malie o ou vaitafe, Leia e pati : Ko loku vaitafe, ko au leia na fai ia a ia !

Taniela 4:30

ti na masau loa le sau, o pati : Pe leaise ko Papilone leinei, le kolo lasi leia na kau laga ko se nofoaga fakasau, ke fakasa ai le lasi o loku makeke, mo le kololia o laku pule.

Taniela 6:7

Kua loto tasi fuli a pule o le puleaga, mo le kau minisi, mo le kau aliki, mo le kau fono, ti mo kovana, ke fai se fakatotonu fakapuleaga e le sau ti mo se tapu mamafa leia e fakasa ia, ko le tagata leia, i lolotoga o aso e kau tolu e faikole loa ki se atua kese pe ko se tagata kese, e ti loa ki le popoko o laione ; e gato tasi fai kiate koe, ei sau, e faikole loa ki ai.

Mateo 6:23

kae kapau e veli lou fa mata, e fakapouli loa lou tino katoa. Kapau loa ko le malama leia e maua iate koe e fakapouli, e feaki loa le lasi o le fakapouli lena !

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Lua tosi ki le kau Kolinto 11:3

Kae, ofaipe le gata leia na kakai ia a Eva i lana puleaki kaka, e kau i na kua fakasalai okoutou fakakaukau ke kotou maliu kese i le faigaofie leia e mau ia Kilisito.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.

Apokalipisi 13:14

Ti na kakaai e ia a kakai o le malama nei ki ana nea fakaofolele ala na soli ke fai e ia i mua o le uluaki manu fekai. Ti na pati a ia ki kakai o le malama nei ke fau se fakatata o le manu leia na lavea i le seleta ti na mauli.

Apokalipisi 13:4

Ti na lotou atolasio loa ki le gata, talie na soli e ia le pule ki le manu ; na lotou atolasio loa ki le manu, o pati : Ko ai e tatau mo le manu, ti ko ai e feala ke tau kiate ia ?

Tuifakamaau 3:2

Na loto loa le Eteleno ke tau a tautupu foou o Iselaele, o tupu ke lotou ako ia le fai o le tau, tafito ala na leikiaise kau ki se tau i mua.