Senesi 3:22 - Tosi Tapu

²² Ti na pati loa le Eteleno Atua : Ko leinei, kua liliu le tagata ofaipe se tasi o tatou, talie kua iloa e ia le malie mo le veli. Koia ke tou taofi a ia i le aso nei ke aua na falo lona lima, o tau le laakau o le mauli o kai, ti ke mauli loa a ia o lee gato.

Senesi 3:22 ပူးပေါင်းရင်းမြစ်များ

Senesi 1:26

Ti na pati loa le Atua : Ke tou fakatupu le tagata o fakatatau kia tatou, ti ke pule a ia ki ika o le tai, mo manu lele o le lagi, mo manu lalata, ti mo manu totolo o le kele.

Senesi 2:9

Ti na fakasosomo loa e le Eteleno Atua i le kele a laakau kesekese fuli e fulumalie ki le mata ti mo malie ki le kai. Ti na fakatuu loa e ia, i loto malie o le oloto, le laakau o le mauli mo le laakau o le iloa o le malie mo le veli.

Senesi 3:21

Na fau loa e le Eteleno Atua ni kofu mei ni kilii manu kia Atama mo Eva, ti na fakakofu loa e ia laua ki ai.

Senesi 3:23

Ti na tuku loa e le Eteleno Atua le tagata i le oloto o Eteni, ke gaoi ki le kele, leia na too a ia mei ai.

Senesi 3:5

kae e iloa e le Atua, i le aso leia e kolua kai loa ki ai, e mavaa loa okoulua mata, ti e kolua tatau loa mo le Atua, o kolua iloa loa le malie mo le veli.

Pesalemo 22:26

E ke liliu loa ko le tupuaga o aku fakafetai i le fakatasi lasi. E kau fakasoko loa aku fakapapau i mua o latou ala e i kiate koe.

Taagapati 3:18

Ko se laakau a ia o le mauli kia latou ala e too ia a ia, Ti e manuia latou ala e kukumi mau ia a ia.

Selemia 22:23

A koe leia e nofo i aluga o le Lipane, Leia kua fau lou ofaga i sete, E ke tagi mamae loa mo ka kaku atu loa kiate koe a mamae, Io, a mamae ofaipe la o se fafine fanau !

Apokalipisi 2:7

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia. Ki leia e malo loa, e kau soli loa kiate ia ke kai ki le fua o le laakau o le mauli, leia e tuu i le Palatiso o le Atua.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !

Apokalipisi 22:2

ti na tafe i loto malie o le ala lasi o le kolo. I ona kauvai e lua na tuu ai le laakau o le mauli, leia na fua tua kau agafulu tupu lua i le fetuu, o tua tasi i le masina ; ti na fakaaoga ona lau ki le fakamauli o atu puleaga.