Senesi 3:19 - Tosi Tapu

¹⁹ E ke kai loa lau pane i le kavakavaia o lou lae, o kaku ki le aso leia e ke toe liliu ai loa ki le kele, leia na ke too mei ai ; talie ko le efu a koe, ti e ke toe liliu loa ki le efu.

Senesi 3:19 ပူးပေါင်းရင်းမြစ်များ

Senesi 18:27

Na toe masau loa Apalaamo, o pati : Ke ke fakamalie mai kiate au leinei kua toa i le masau atu kiate koe, Aliki, a au leinei ko le ga efu noa ti ko le ga mugalafu noa.

Senesi 2:7

Na fau loa e le Eteleno Atua le tagata mei le efu o le kele, ti na pupusi loa a ia ki ona pogoisu se tukumanava o le mauli, ti na liliu loa le tagata ko se laumalie mauli.

Senesi 23:4

Ko au ko se matapule leia e nofo i lotolotoga o koutou ; kotou soli mai kiate au se tanuma i lokoutou kele, ke kau tanu ai loku mate, ti ke kau too a ia mei oku mua.

Senesi 3:18

E tupu loa i le kele ni laakau talatala mo ni vao veli, ti e ke kai loa le mutie o faisaga.

Senesi 5:5

Ko aso fuli o le mauli o Atama ko fetuu e kau lelau iva kau tolu ; ti na mate loa a ia.

Sopo 1:21

O pati : Na kau au telefua mei le manava o loku tinana, ti e kau toe liliu telefua loa ki le manava o le kele. Na soli e le Eteleno, ti kua toe too e le Eteleno ; ke fakafetai ki le suafa o le Eteleno !

Sopo 10:9

Manatui na ke gaoi au ofaipe le kele kula ; Pe ke loto ke ke toe fakaliliu au ko le efu ?

Sopo 19:26

Ka maumau loa loku kili, e tuu ake loa a ia ki aluga ; Ka oki loa le maumau o loku kili, e kau tio loa, a au totonu, ki le Atua.

Sopo 21:26

Kae ko latou fuli ana e momoe fakatasi i le kele, Ti e kai fuli latou e ilo.

Sopo 34:15

E mamate loa a nea fuli e mauli i le temi e tasi, Ti e toe liliu loa le tagata ki le kele.

Sopo 4:19

Ti e feaki ake loa latou ala e nonofo i ni fale kele, Latou ala na fakatupu mei le kele, Latou ala e feala ke takatakafi ofaipe ni kelemutu !

Pesalemo 103:14

Talie e iloa e ia le nea leia na fau tatou ki ai, E manatui e ia ko tatou ko le efu.

Pesalemo 104:23

E ulu le tagata ki fafo, o ano ki lana gaoi, Ti e gaoi a ia, o kaku ki le afiafi.

Pesalemo 104:29

E ke fufu ou mata : e lotou lulu ; E ke too lalatou tukumanava : e lotou mamate, O toe liliu ki le efu leia na lotou au mei ai.

Pesalemo 127:2

E leaise uiga o lakotou alaala usu, ti mo lakotou moe tausala, Ti mo lakotou kai le pane o le mamae : E soli fakatatau e ia a ia ki ona alofaaga i le lolotoga o lalatou moe.

Pesalemo 22:15

E kau faipe se vai leia e sali, Ti e mavete oku ivi fuli ; E fai loku mafu le fa silo, E okioki a ia i oku tootooga.

Pesalemo 22:29

Talie maua e le Eteleno le pule : E pule a ia ki atu puleaga.

Pesalemo 90:3

E ke fakaulu a tagata ki le efu, Ti e ke pati : Vosa o le tagata, kotou toe liliu ki le kele !

Taagapati 21:16

Ko le tagata leia e mavae i le ala o le poto E malolo loa i le fakatasiga o le kau mate.

Ekelesiasi 1:13

Na kau afa fakamalotoloto ti na kau oono ki le poto a nea fuli ala e fai i le lalo lagi ke kau matala ki le uiga totonu : Ko se kauga pakia a ia, leia kua tuku e le Atua ki vosa o le tagata.

Ekelesiasi 1:3

Kolea lona aoga ki se tagata o lona pakia i lalo o le laa ?

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Ekelesiasi 3:20

E ano nea fuli ki le ganea e tasi ; na fai a nea fuli ki le efu, ti e toe liliu nea fuli ki le efu.

Ekelesiasi 5:15

Ko se tasi foki lena nea veli lasi. E ano a ia ofaipe lana au ; ti kolea le malie kiate ia o lana gaoi ki le matagi ?

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Uluaki tosi ki le kau Kolinto 15:47

Ko le uluaki tagata, leia na tupu mei le kele, e fakakele ; ko le lua tagata ko le Aliki a ia mei lagi.

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Uluaki tosi ki le kau Tesalonika 2:9

Ke kotou manatui, fetaina, lamatou gaoi ti mo lomatou pakia : I le po mo le ao na motou gaoi o tupu ke aua na motou liliu ko se kavega ki se tasi ia koutou, i le temi leia na motou fakasa atu ai kia koutou le Evaselio o le Atua.

Lua tosi ki le kau Tesalonika 3:10

Talie i le temi leia na motou nonofo ai ia koutou, na motou fakasa fakaagatonu atu kia koutou : Kapau e leaise fia gaoi se tasi, ke aua na kai foki a ia.

Epelo 9:27

Kua fakatuutuu ke mate tua tasi a tagata fuli, ti o soko mai loa le fakamaau.