Senesi 3:17 - Tosi Tapu

¹⁷ Ti na pati loa a ia ki le tagata : O tupu na ke fakalogo ki le leo o lau avaga, ti na ke kai ki le fua o le laakau leia na kau fakatotonu atu kiate koe : E leaise ke kai loa ki ai ! E malaia loa le kele o tupu ko koe. E ke gaoi pakia loa ke maua ai lau nea kai i aso fuli o lou mauli.

Senesi 3:17 ပူးပေါင်းရင်းမြစ်များ

Senesi 3:11

Ti na pati loa le Eteleno Atua : Ko ai na fakasa ia kiate koe e ke telefua ? Pe kua ke kai ki le laakau leia na kau tapui atu kiate koe ?

Senesi 3:18

E tupu loa i le kele ni laakau talatala mo ni vao veli, ti e ke kai loa le mutie o faisaga.

Senesi 3:6

Ti na tio loa le fafine na malie le laakau ki le kai, mo fulumalie ki le mata, ti mo mauiga ki le fakamavaa o le atamai. Na taui loa e ia se fa fuai laakau, o kai, ti na toe soli foki e ia ki lona avaga, leia na tuu i ona tafa, ti na kai loa a ia ki ai.

Senesi 5:29

Ti na soli loa e ia kiate ia le igoa ko Noe, o pati : Ko ia leinei e fakafimalie ia loa tatou i atatou gaoi pakia, talie kua fakamalaia le kele leinei e le Eteleno.

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Sopo 14:1

E tupu le tagata mei le fafine ! E toetoe fua lona mauli, ti e apele a ia i mamae.

Sopo 21:17

Pe kua tamate tua fia le malama o lolatou mauli ? Pe kua maua tua fia latou e le mativa ? Pe kua fakatuaa tua fia latou e le Atua i lona sausau ?

Pesalemo 127:2

E leaise uiga o lakotou alaala usu, ti mo lakotou moe tausala, Ti mo lakotou kai le pane o le mamae : E soli fakatatau e ia a ia ki ona alofaaga i le lolotoga o lalatou moe.

Ekelesiasi 2:11

Ti na kau fakakaukau loa ki gaoi fuli ala na fai e oku lima, ti mo loku pakia i gaoi ana ; ti ko leinei, e vaiga nea fuli mo tuli o le matagi, ti e leaise sona aoga i le lalo laa.

Ekelesiasi 2:17

Ti na kau fakalialia loa ki le mauli, talie na kau tio e fakalialia a nea fuli ala e fai e le tagata i malama nei, o tupu e vaiga nea fuli mo tuli o le matagi.

Ekelesiasi 5:17

Ko leinei le nea kua kau tio ki ai : Ko se nea malie mo fulumalie ki le tagata le kai mo le inu, ti mo le fiafia i nea malilie fuli o lana gaoi leia na fai e ia i le lalo laa, i aso fuli o lona mauli, ala kua soli e le Atua kiate ia ; talie ko lona vaega a ia.

Mateo 22:12

Na pati loa le sau kiate ia : Ei loku kaukau nea, na feaki lau ulu mai ki leinei kae e leaise ke maua le kofu o le faiavaga ? Na leaise gu loa le tagata lena.

Mateo 25:45

Ti e tali loa a ia kia latou : E kau pati maoki atu kia koutou, ko faiaga fuli ala na leaise kotou fai ai a nea ana ki se tasi o toe liliki oki ana, ko au leia na leaise kotou fai ki ai.

Luka 19:22

Na pati loa le sau kiate ia : E kau fakamaaui loa a koe ki au masau totonu, tagata fakasausau agaveli ; na ke iloa ko se tagata itaita au, leia e too ia le nea leia na leaise kau tuku, ti e utu ia le nea leia na leaise kau to.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Loma 3:19

Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.

Epelo 6:8

kae kapau e fakatupu e ia ni malualoi mo ni laakau talatala, e leaise aoga a ia, ti e leaise tuvai lona fakamalaia ; ti e fakaoki loa a ia o tutu i le afi.