Senesi 3:16 - Tosi Tapu

¹⁶ Ti na pati loa a ia ki le fafine : E kau fakalasi loa le mamae o ou tinae, ti e ke fanau loa i le mamae, ti e ano loa ou oli ki lou avaga, kae e pule loa a ia kiate koe.

Senesi 3:16 ပူးပေါင်းရင်းမြစ်များ

Senesi 4:7

Kapau e ke fai le nea leia e totonu, ti e toe tuu loa ou mata ki aluga ; kae kapau e ke fai le nea leia e veli, ti e moe loa le agasala i lou mua matapa. E loto a ia ke pule kiate koe, kae ko koe, ke ke pulei a ia.

Uluaki tosi o Koloniko 4:9

Na logologona loa Saepete o lasi ake i ona fetaina ; na fakaigoa loa a ia e lona tinana ko Saepete, o pati : Talie na kau fanaui a ia i le mamae.

Esitele 1:20

E tonu ke iloa le lao a le sau i lona puleaga katoa, logo ai lona lasi, ti ke fakaapaapa a fafine fuli ki olatou avaga, mei leia e lasi ki leia e ikiiki.

Pesalemo 48:6

Na lotou tio, ti na lotou punamauli ; Na lotou i, ti na lotou sosola.

Esaia 13:8

Kua maua latou e le i ; Kua kaku kia latou le sosa mo le mamae ; Kua lotou mapelu ki lalo ofaipe se fafine e fanau ; Kua lotou fetioaki fakapunamauli, Ti kua fai olatou mata pe le ula o le afi.

Esaia 21:3

Koia kua kau logoi ai le mamae o oku vakavaka. Kua kau maua e ni mamae, Ofaipe ni mamae o se fafine leia kua laga lona ganea. Ku leaise koi logo oku taliga, o tupu ko le tautau laga o oku mamae, Ti e leaise koi tio oku mata i loku lulu.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Selemia 13:21

Kolea loa lau pati ki lou tautea e ia ? Ko koe totonu leia na ako ia latou ke liliu ko ou pule. Pe leaise maua fakafokifa loa a koe e mamae Ofaipe mamae o se fafine fanau ?

Selemia 22:23

A koe leia e nofo i aluga o le Lipane, Leia kua fau lou ofaga i sete, E ke tagi mamae loa mo ka kaku atu loa kiate koe a mamae, Io, a mamae ofaipe la o se fafine fanau !

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Selemia 49:24

Kua gaegae Tamaso, e maliu a ia ke sola, Talie kua kaku le i kiate ia ; Kua maua a ia e le i mo mamae Ofaipe se fafine leia e fanau.

Selemia 6:24

I le logo ki lalatou saele, E gaegae omatou lima, E maua matou e le i Ofaipe le mamae o se fafine leia e fanau.

Numelo 30:13

Kae kapau na fakafesagai le tagata ki le fakapapau a lona avaga i le aso totonu leia na logo ai ki ai, ti e leaise maua loa le fafine ke fai e ia lana fakapapau.

Soane 16:21

Ko le fafine, mo ka fanau, e logoi e ia le mamae, talie kua soko lona ola ; kae, ka fanaui loa e ia lona toe, e leaise toe manatui loa e ia lona mamae, i lona fiafia talie kua tupu se tagata ki le malama nei.

Uluaki tosi ki le kau Kolinto 11:3

Kae e kau loto ke kotou iloa ko Kilisito ko le pule a ia o tagata fuli ; ti ko le tagata ko le pule a ia o le fafine ; ti ko le Atua ko le pule a ia o Kilisito.

Uluaki tosi ki le kau Kolinto 14:34

ke fakalologo fafine i fakatasi, talie e leaise taga ke lotou masau i ai ; kae ke lotou fakataulalo, ofaipe lona fakasa foki e le lao.

Uluaki tosi ki le kau Kolinto 7:4

E leaise ko le fafine leia e pule ki lona tino, kae ko lona avaga. Ti e leaise ko le tagata foki leia e pule ki lona tino, kae ko le fafine.

Kolose 3:18

Fafine avaga, kotou fakataulalo ki okoutou avaga, talie e malie le nea lena i le Aliki.

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Uluaki tosi kia Timoteo 2:13

Talie na uluaki fakatupu Atama, kae na muli a Eva ;

Uluaki tosi kia Timoteo 2:15

Kae logo ai le nea a ia e fakamauli loa le fafine i lana liliu ko se tinana, mo kapau e kataki fualoa a ia i le fakapotopoto, mo le tui, mo le alofa, ti mo le maokioki.

Tito 2:5

ti ke lotou fakapotopoto, mo mea, mo tokaga ki gaoi fakalotofale, mo agamalie, mo fakataulalo ki olatou avaga, o tupu ke aua na lauvelii le folafola a le Atua.