Senesi 3:14 - Tosi Tapu

¹⁴ Na pati loa le Eteleno Atua ki le gata : Talie na ke fai le nea lena, e ke malaia loa o lasi ake i manu lalasi mo manu liliki fuli o le vao, e ke totolo loa i lou manava, ti e ke kai loa le efu i aso fuli o lou mauli.

Senesi 3:14 ပူးပေါင်းရင်းမြစ်များ

Senesi 3:1

Na poto lasi ake le gata i manu fuli o le vao ala na fakatupu e le Eteleno Atua. Na pati loa a ia ki le fafine : Pe na pati maoki atu le Atua : E leaise kolua kai loa ki laakau fuli o le oloto ?

Senesi 4:11

Koia i le aso nei, e ke malaia ai loa i le kele lena, leia na fakamavaa ia lona gutu o tali mei lou lima le toto o lou taina.

Senesi 9:6

Kapau e liligi e se tasi le toto o se tagata, ti e toe liligi loa e le tagata lona toto ; talie kua fakatupu e le Atua le tagata o fakatatau kiate ia.

Pesalemo 72:9

I ona mua, e peluki loa e le kakai o le toafa olatou tuli, Ti e epo loa e ona fili le efu.

Esaia 29:4

E tuku loa a koe ki lalo, ti e ke masau loa mei le kele ; Ti e taomia loa lou leo i le efu ; E ulu loa lou leo mei le kele ofaipe se leo o se tuuola, Ti e ke fakamumusu loa au masau mei le efu.

Esaia 65:25

E kai fakatasi loa le lupo mo le akeno, E kai loa e le laione le mutie ofaipe le pipi tagata, Kae ko le nea kai a le gata ko le efu. E leaise toe fai loa se veli pe ko se maumau I loku mauga maokioki katoa, E pati le Eteleno.

Levitiko 20:25

Kotou tokaga loa o fakakesekese a manu mea mo manu kelekele, a manu lele mea mo manu lele kelekele, o tupu ke aua na kotou kelekele loa i le lave ki ni manu, mo ni manu lele, ti mo ni manu totolo i le kele. Na kau fai le fakatuutuu lena ke kotou popoto i le iloa o nea ala e kelekele.

Mikea 7:17

E lotou epo loa le efu, ofaipe le gata, Ofaipe manu totolo o le kele ; E maua loa latou e le i, i tafa olatou kolo tau ; E lotou lulu loa i mua o le Eteleno, lotatou Atua ; E lotou i loa kiate koe.