Senesi 3:10 - Tosi Tapu

¹⁰ Na tali loa a ia : Na kau logo ki lou leo i le oloto, ti na kau i, talie e kau telefua, ti na kau mumuni loa.

Senesi 3:10 ပူးပေါင်းရင်းမြစ်များ

Senesi 2:25

Na la telefua toka lua, le tagata mo lona avaga, ti na leaise la luma i ai.

Senesi 3:11

Ti na pati loa le Eteleno Atua : Ko ai na fakasa ia kiate koe e ke telefua ? Pe kua ke kai ki le laakau leia na kau tapui atu kiate koe ?

Senesi 3:7

Ti na mavaa loa ola mata, ti na la iloa loa e la telefua. Na la tui loa ni lau fiki, o la lava loa ki ai.

Sopo 23:15

Koia e kau i ai i le tuu i ona mua ; Ti ka kau fakakaukau, e toe asilisili ake loku i kiate ia.

Sopo 31:33

Ti kapau, ofaipe tagata fuli, na kau fufu aku sala, Ti na kau kofu aku agaveli i loku manava,

Pesalemo 119:120

E lulu loku tino i loku i kiate koe, Ti e kau i ki au fakamaauaga.

Ekesote 20:18

Na logo le kakai katoa ki gugulu o le mana mo le tagi o le fakatagi pupusi ; ti na lotou tio ki le ulaula o le mauga mo lona kokofu. I le nea lena, na lulu loa le kakai i le i, ti na lotou solomuli, o tuu mei mamao.

Ekesote 20:19

Na lotou pati loa kia Moisese : Masau mai fua a koe totonu kia matou, ti e motou fakalogo atu loa ; kae ke aua na masau mai le Atua totonu kia matou, talie ke aua na motou mamate.

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Ekesote 32:25

Na tio loa Moisese kua telefua le kakai, ti na tuku latou e Alone i le telefua lena, ke katai latou e ona fili.

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Esaia 47:3

E fakasa loa lou telefua, Ti e tio loa ki lou luma. E kau tautea loa a koe, E leaise kau tuku loa ke sao se tasi.

Esaia 57:11

Ti ko ai na ke tuania ia mo ke i ki ai, ke ke agatuu ai, Ke aua na ke manatu ai kiate au, ke aua na ke tokaga ai kiate au ? Pe na leaise kau fakalologo talu mei fualoa ? Koia leia na leaise i ai kiate au.

Tetelonome 5:25

Kae kolea e tuku ai loa matou ke mamate i le aso nei ? E tutu loa matou e le afi lasi lena. Kapau e motou toe logo loa ki le leo o le Eteleno, lomatou Atua, ti e motou mamate loa.

Uluaki tosi a Soane 3:20

Talie kapau e fakalakasala tatou e otou loto, e lasi ake le Atua i otou loto, ti e iloa e ia a nea fuli.

Apokalipisi 16:15

Ko leinei, e kau au ofaipe se tagata kaia. Manuia leia e alaala, ti mo taupau ia ona kofu, o tupu ke aua na saele telefua ti ke aua na tio ki lona luma !