Senesi 28:5 - Tosi Tapu

⁵ Ti na kakau loa e Isaake a Sakopo ke ano : Ti na ano loa a ia ki Patane-Alame, kia Lapane, ko le vosa o le tagata Asilia ko Petuele, ti ko le tuagaane o Lepeka, tinana o Sakopo mo Isaake.

Senesi 28:5 ပူးပေါင်းရင်းမြစ်များ

Senesi 22:23

Na fakatupu loa e Petuele a Lepeka. Ko vosa ana e valu na fanaui e Milika kia Nakole, ko le taina o Apalaamo.

Senesi 24:54

I le oki o le nea lena, na lotou kai loa mo inu, a ia mo le kakai leia na ano mo ia, ti na lotou malolo loa i le pouli. I le ala usu ake, na lotou tutuu ake loa, ti na pati loa le tagata fakasausau : Ke kolua tuku ke kau toe liliu ki loku aliki.

Senesi 25:20

Na fakatupu loa e Apalaamo a Isaake. Na fetuu kau fa Isaake i le aso leia na avaga ai loa a ia mo Lepeka, taine o Petuele, ko le tagata Silia o Patane-Alame, ti ko le tuagaane o Lapane, ko le tagata Silia.

Senesi 27:43

Koia ei loku tama, i le aso nei fakalogo mai ki loku leo ! Tuu o sola ki loku tuagaane ko Lapane, i Salani ;

Senesi 28:2

Tuu a koe ki aluga, o ano ki Patane-Alame, ki le fale o Petuele, ko le tamana o lou tinana, ti ke filifili loa i ai sau avaga i taineliki o Lapane, ko le tuagaane o lou tinana.

Senesi 29:1

Na soko atu loa e Sakopo lona fanoga, ti na ano loa a ia ki le fenua o vosa o le potu Esite.

Senesi 29:12

Na fakasa loa e Sakopo kia Lasele ko le famili totonu a ia o lona tamana, ko le tama a ia o Lepeka. Ti na makape loa Lasele o fakasa ki lona tamana.

Senesi 31:24

Kae na sa loa le Atua i le pouli i se moe miti kia Lapane, le tagata Alame, o pati kiate ia : Aua na ke masau loa kia Sakopo i se nea malie pe ko se nea veli !

Senesi 35:27

Na kaku loa Sakopo ki lona tamana ko Isaake i Mamele, ofi ki Kiliate-Alepa, leia kua igoa i le temi nei ko Epelone, ganea leia na nofo ai foki Apalaamo mo Isaake.

Esekiele 27:16

Na fai koloa Silia mo koe, O tupu ko le lasi o ou koloa ; Na fakatau e ia kiate koe Le emelote, ni kie kula, ni kie tui fakamailoga, Ni kie tea, ni feo, mo ni fatu mauiga kula.

Oseo 12:12

Ko le kakai o Kalaate ko se kakai kaia i le temi mua, kua lotou puli noa i le temi nei. Na lotou momoli ni pipi i Kilikale : Kae kua fai olatou aletale pe ni tuuga fatu I ganea popoko o faisaga.

Tetelonome 26:5

Ti e ke toe masau loa o fakasa i mua o le Eteleno, lou Atua : ko loku tamana ko se tagata Alame leia na taka fenua ; na ifo loa a ia ki Esipito mo se ga kakai toka teiki, o nofo i ai. Kae na liliu loa a ia i ai ko se puleaga lasi, mo makeke, mo api.