Senesi 28:3 - Tosi Tapu

³ Ke tapuaki le Atua Mafimafi kiate koe, o fakatuputupua mo liuliuga a koe, ke ke liliu ko ni kakai mauke ai !

Senesi 28:3 ပူးပေါင်းရင်းမြစ်များ

Senesi 1:28

Na tapuaki loa le Atua kia laua, ti na pati loa le Atua kia laua : Kolua fanaunau, kolua liuliuga, kolua fakaapi le kele, ti kolua pulei a ai ; kolua pule ki ika o le tai, mo manu lele o le lagi, ti mo manu fuli ala e taka i le kele.

Senesi 13:16

E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga.

Senesi 17:20

Kia Isemaele, kua kau tali lau kole. Ko leinei, e kau tapuaki loa kiate ia, e kau liuliuga loa a ia, e kau liuliuga loa a ia o lasi ; e tupu loa meiate ia ni sau e kau agafulu tupu lua, ti e kau fakaliliu loa a ia ko se puleaga lasi.

Senesi 24:60

Na la tapuaki loa kia Lepeka, o pati kiate ia : Ei loma tuagaane, ke ke liliu ko le tinana o ni tino afe o miliate, ti ke pule lou sakoga ki le matapa o ona fili !

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 27:33

Na lulu katoa loa Isaake i le lasi o lona ofolele, ti na pati loa a ia : Ko ai leia na kapu ia se manu o aumai kiate au ? Talie kua kau kai ki nea fuli i mua o lau kaku mai, ti kua kau tapuaki kiate ia. Koia, e tapuakina maoki loa a ia.

Senesi 35:11

Ti na pati loa le Atua kiate ia : Ko au ko le Atua Mafimafi. Ke ke fanaunau, mo ke liuliuga : E tupu loa meiate koe se puleaga, mo ni puleaga lasi ai, ti e ulu loa ni sau mei ou ifiifi.

Senesi 41:52

Ti na soli loa e ia ki le vosa lua le igoa ko Efalaimi, talie na pati a ia : Kua soli mai e le Atua kiate au ni fanau i le fenua leinei na kau mamae lasi ai.

Senesi 43:14

Ke alofa le Atua mafimafi o tuku ke tali malie koutou e le tagata lena ti ke kotou toe liliu mai kiate au mo lokoutou taina ko Pesamino ti mo Simeone. Ti ko au, kapau e tonu ke kau nofo sala mo aku fanau, ti ke kau sala !

Senesi 48:3

Ti na pati loa Sakopo kia Sosefo : Na sa mai kiate au le Atua mafimafi i Luse, i le fenua o Kanaane, ti na tapuaki mai a ia kiate au.

Senesi 48:4

Ti na pati mai a ia kiate au : E kau fakaliliu loa a koe o fanaunau, ti e kau liuliuga loa a koe, ti e kau fakasoko loa a koe ko ni kakai toka api, ti e kau soli loa le fenua leinei ki lou sakoga i ou muli, ke maua e ia o lee gato.

Senesi 49:25

Ko le gaoi a ia a le Atua o lou tamana, leia e tokoi loa kiate koe ; Ko le gaoi a ia a le Mafimafi, leia e tapuaki loa kiate koe, Ki tapuakina o le lagi i aluga, Ki tapuakina o le vai i lalo, Ki tapuakina o u mo manava o fafine.

Senesi 9:1

Na tapuaki loa le Atua kia Noe mo ona vosa, o pati kia latou : Kotou fanaunau, mo kotou liuliuga, ti mo kotou fakaapele le kele.

Pesalemo 127:1

Katiko o le fanoga tapu. A Salomone. Kapau e leaise fau e le Eteleno le fale, Ko latou ala e fau ia a ia e gaoi noa ; Kapau e leaise leoleo e le Eteleno le kolo, Ko leia e leoleo ia a ia e alaala noa.

Pesalemo 127:3

Ko leinei, ko ni vosa ko se tofiga mei le Eteleno, Ko le fua o le manava ko se fakapale.

Ekesote 1:7

Na fanaunau loa fanau a Iselaele o lasi ai, ti na lotou liliu loa o makeke mo mauiga. Ti na apele loa le fenua ia latou.

Ekesote 6:3

Na kau fakasa au kia Apalaamo, mo Isaake mo Sakopo, i loku igoa leia ko le Atua Mafimafi ; kae na leaise lotou iloa au i loku igoa leia ko le Eteleno.

Lua tosi ki le kau Kolinto 6:18

E kau fai loa kia koutou pe se Tamana, Ti e kotou fai loa kiate au pe ni vosa mo ni taineliki, Efolafola le Aliki mafimafi.

Apokalipisi 21:22

Ti na leaise kau tio loa ki se fale tapu i le loto kolo ; talie ko lona fale tapu ko le Aliki Atua Mafimafi, ti mo le Akeno.

Lute 2:4

Ti ko leinei, na au loa Poase mei Peteleemi, ti na pati loa a ia ki le kau gaoi : Ke nofo le Eteleno mo koutou ! Na lotou tali loa kiate ia : Ke tapuaki le Eteleno kiate koe !