Senesi 28:22 - Tosi Tapu

²² Ko le fatu leinei kua kau fakatuu ti kua kau fakatapui, e liliu loa ko le fale o le Atua ; ti e kau soli loa kiate ia le vaega kau agafulu o nea fuli ala e soli mai loa e ia kiate au.

Senesi 28:22 ပူးပေါင်းရင်းမြစ်များ

Senesi 12:8

Ti na siki loa a ia i lena o ano ki le mauga, i le potu esite o Petele, ti na fakatuu loa e ia ona falela i le vasa o Petele i le potu esite mo Ai i le potu uesite. Na toe fakatuu loa e ia i lena se tasi aletale ki le Eteleno, ti na faikole loa a ia i le suafa o le Eteleno.

Senesi 14:20

Ke tapusa le Atua Taualuga, leia kua tuku ia ou fili ki ou lima ! Ti na soli loa e Apalamo kiate ia le vaega kau agafulu o nea fuli.

Senesi 21:33

Na to loa e Apalaamo ni tamalisi i Pele-Sepa ; ti na kalagai loa e ia le suafa o le Eteleno, ko le Atua o le lee gato.

Senesi 28:17

Na i loa Sakopo, ti na pati loa a ia : E fakaii ai le ganea leinei ! Ko le fale leinei o le Atua ! Ko le matapa leinei o Selo !

Senesi 33:20

Ti na fakatuu loa e ia se aletale i le ganea lena, o soli loa e ia ki ai le igoa ko Ele-Eloe-Isalaele : Atua, ko le Atua o Iselaele.

Senesi 35:1

Na pati loa le Atua kia Sakopo : Tuu ki aluga, o pale ki Petele, ti ke nofo i ai. E ke fakatuu loa i ai se aletale ki le Atua, leia na sa kiate koe i lau sola mei lou taina ko Esau.

Senesi 35:7

Ti na fakatuu loa e ia i ai se aletale, ti na tuku loa e ia le igoa ko Ele-Petele ki le ganea lena ; talie ko le ganea lena leia na sa ai le Atua kiate ia i lana sola mei lona taina.

Senesi 47:24

Kae i le temi tanaki o le fulumeto, e kotou soli loa kia Falaone le vaega lima o le fulumeto. E fakalogo loa ala ake vaega e fa kia koutou, ke to ai akoutou faisaga, ti ke fagai ai akoutou fanau mo latou fuli ala e nofo i okoutou fale.

Senesi 47:26

Na fakatuu loa e Sosefo le nea lena ko se lao o kaku mai ki le aso nei : E soli loa le vaega lima o fua o le kele kia Falaone. Na gato fai ki kele o le kau pelepitelo na leaise maua loa e Falaone.

Malakia 3:10

Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.