Senesi 28:20 - Tosi Tapu

²⁰ Ti na fai loa e Sakopo lana fakapapau, o pati : Kapau e nofo le Atua mo au, o taupau au i le fanoga leia e kau fai, kapau e tuku mai e ia kiate au se pane ke kau kai mo ni teu ke kau lava,

Senesi 28:20 ပူးပေါင်းရင်းမြစ်များ

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Senesi 31:13

Ko le Atua au o Petele, le ganea leia na ke pani lolo ai se fatu fakamanatu, leia na ke fai ai se fakapapau. I le aso nei, ke ke tuu ki aluga, ti ke mavae i le fenua leinei, o toe liliu ki le fenua leia na ke tupu ai.

Senesi 35:3

E tou tutuu loa ki aluga, ti e tou pale loa ki Petele. E kau fakatuu loa i ai se aletale ki le Atua, leia na tali ia laku kole i le aso o loku mamae, ti na nofo mo au i ala na kau fanoga ai.

Lua tosi a Samuele 15:8

Talie na fai e lau tagata fakasausau se fakapapau i le temi leia na kau nofo ai i Kesuli i Silia ; na kau pati : Kapau e toe fakaliliu loa au e le Eteleno ki Selusalemi, e kau momoli loa ni sakilifisio ki le Eteleno.

Uluaki tosi o Koloniko 4:10

Na tagi loa Saepete ki le Atua o Iselaele, o pati : Kapau e ke tapuaki mai loa kiate au, mo ke fakalaulasi loa oku koiga, kapau e kau loa lou lima mo au, ti kapau e ke puipui loa au mei le malaia ke aua na kau nofo i le mamae !… Ti na tali loa e le Atua le nea leia na kole e ia.

Pesalemo 116:14

E kau fai loa aku fakapapau ki le Eteleno, I mua o lona kakai katoa.

Pesalemo 116:18

E kau fai loa aku fakapapau ki le Eteleno, I mua o lona kakai katoa,

Pesalemo 119:106

E kau fakapapau, ti e kau fai loa a ia, Ke kau tausi a lao o lou faitotonu.

Pesalemo 132:2

Na fakapapau loa a ia ki le Eteleno, Na fai loa e ia le fakapapau leinei ki le mafimafi a Sakopo :

Pesalemo 22:25

Talie e leaise vesia a ia pe fakanoai e ia a mamae o leia e mamae, Ti e leaise fufu e ia ona mata kiate ia. Kae e fakalogo a ia kiate ia mo ka tagi a ia kiate ia.

Pesalemo 56:12

E kau fanaki ki le Atua, ti e leaise kau tuania ia se nea : Kolea e mafai ke fai mai e se tagata kiate au ?

Pesalemo 61:5

E kau fia nofo tuumau i lou falela o lee gato, O fakamalumalu i le malu o ou kapakau. - Manava.

Pesalemo 61:8

Ke eke a ia i le ekeekeaga fakasau o lee gato i mua o le Atua ! Ke ke tuku ke tokaga lou agamalie mo lou agatonu kiate ia !

Pesalemo 66:13

E kau ano loa ki lou fale mo ni failaulau, E kau fai loa aku fakapapau kiate koe :

Pesalemo 76:11

Io, e toe fakafetai foki kiate koe le tagata i lona itaita, Mo ka ke kofu ki lou sausau katoa.

Esaia 19:21

Ti e iloa loa le Eteleno e le kau Esipito, Ti e iloa loa le kau Esipito e le Eteleno i le aso lena ; E lotou fai loa ni sakilifisio mo ni moliga, Ti e lotou fai loa ni fakapapau ki le Eteleno ti e lotou fakasoko loa latou.

Soane 1:16

Ti kua tou tali fuli mei lona apele katoa le kalasia ki le kalasia ;

Gaoi 18:18

Na toe nofo loa Paulo i Kolinito o fualoa. Ti oki, na mavae loa a ia mei fetaina, o ano vaka ki Silia mo Pelesila mo Akilasi ; kae na tele mua lona ulu i Senikelea, talie na fai e ia se fakapapau.

Uluaki tosi kia Timoteo 6:8

koia kapau e tou maua ai le nea kai mo le nea lava, ti e tou feauga loa i ai.

Uluaki tosi a Samuele 1:11

Na fai loa e ia se fakapapau, o pati : Eteleno o kau tau ! kapau e ke alofa loa o tagaki mai ki le mamae o lau fafine fakasausau, kapau e ke manatui loa au ti e leaise ke galoi loa lau fafine fakasausau, ti kapau e ke soli loa ki lau fafine fakasausau se vosa, e kau momoli loa a ia ki le Eteleno i lona mauli katoa, ti e leaise fakalaka loa le tele i lona ulu.

Uluaki tosi a Samuele 1:28

Koia foki leia e kau loto ai ke soli a ia ki le Eteleno : e tuku loa a ia ki le Eteleno i lona mauli katoa. Ti na lotou atolasio loa ki le Eteleno i ai.

Uluaki tosi a Samuele 14:24

I le aso lena, na veli ai le gagae o tagata o Iselaele. Na fai loa e Saulo ki le kakai le fakapapau leinei : Malaia le tagata leia e kai ia loa se nea i mua o le afiafi, i mua o laku totogi ki oku fili ! Ti na leaise kai loa se tasi fua.