Senesi 28:1 - Tosi Tapu

¹ Na kalagai loa e Isaake a Sakopo, ti na tapuaki loa a ia kiate ia, o tuku kiate ia le fakatotonu leinei : Aua na ke avaga loa mo se taine o taineliki o Kanaane.

Senesi 28:1 ပူးပေါင်းရင်းမြစ်များ

Senesi 24:3

E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Senesi 24:37

Na fakatotonu mai e loku aliki kiate au ke kau fakapapau ake kiate ia le nea leinei ; na pati mai loa a ia : Aua na ke filifili loa se avaga ki loku vosa i taineliki o le kau Kanaane, i le fenua leia e kau nofo ai ;

Senesi 24:4

kae ke ke ano ki loku fenua, ki loku fale o filifili mei ai se avaga ki loku vosa ko Isaake.

Senesi 27:4

Teuteui mai loa kiate au se nea kai leia e kau manako ki ai, ti ke aumai loa a ia kiate au ke kau kai, o tupu ke kau tapuaki loa kiate koe i mua o loku mate.

Senesi 27:46

Na pati loa Lepeka kia Isaake : Kua kau fakalialia ki le mauli o tupu ko oku fugao, a taineliki o Eti. Kapau e toe avaga loa Sakopo mo se taine o Eti, ofaipe laua anei, kolea loa le uiga o le mauli kiate au ?

Senesi 28:6

Na tio loa Esau ki le tapuaki a Isaake kia Sakopo ti mo lana kakau a ia ke ano ki Patane-Alame, o filifili i ai sana avaga, ti mo le fakatotonu leia na fai e ia i le temi leia na tuku ai lana tapuaki : Ke aua na ke too loa sau avaga i taineliki o Kanaane.

Senesi 34:16

E motou soli atu loa omatou taineliki ke avaga mo koutou, ti e motou too loa okoutou taineliki ke avaga mo matou. E motou nonofo loa mo koutou, ti e tou fakatasi loa ko se kakai e tasi.

Senesi 34:9

Ke kotou fakatasi loa mo matou : E kotou soli mai loa kia matou okoutou taineliki, ti e motou soli atu loa kia koutou omatou taineliki.

Senesi 38:2

I ai, na tio loa a Suta ki le taine o se tagata Kanaane na igoa ko Sua ; ti na avaga loa a ia mo le taine lena ; ti na ano loa a ia kiate ia.

Senesi 48:15

Na tapuaki loa a ia kia Sosefo, o pati : E kau kole ki le Atua leia na saele i mua o oku tamana ko Apalaamo mo Isaake, ki le Atua leia na taki ia au mei loku tupu o kaku mai ki le aso nei,

Senesi 49:28

Ko latou fuli ana, na tupu mei ai a famili e tino agafulu tupu lua o Iselaele. Ti ko masau ana, na tuku kia latou e lolatou tamana, i lana tapuaki kia latou. Na tuku e ia lana tapuaki ki le tagata taki toka tasi.

Senesi 6:2

ti na tio loa a vosa o le Atua na fulumalilie ai a taineliki o tagata, ti na lotou filifili loa ni iki o latou ko alatou avaga.

Selemia 29:6

Kotou too ni avaga kia koutou ti kotou fakatupu ni vosa mo ni taineliki ; kotou too ni avaga ki okoutou vosa, ti kotou soli ni avaga ki okoutou taineliki, o tupu ke lotou fakatupu ni vosa mo ni taineliki ; kotou liuliuga i le ganea leia e kotou nonofo ai, kae aua na kotou lavaki.

Tetelonome 33:1

Ko leinei le tapuaki na tuku e Moisese, tagata a le Atua, i le aso leia na tapuaki ai a ia ki fanau a Iselaele, i mua o lona mate.

Sosue 22:7

Na soli e Moisese ki se tasi vaelua o le faasiga o Manase se tofiga i Pasani, i le fetuu esite o le Solotane, ti na soli loa e Sosue ki leia ake vaelua se tofiga i le fetuu uesite o le Solotane, i tafa o ona fetaina. I le temi leia na kakau ai loa latou e Sosue ke toe liliu ki olatou falela, na tapuaki loa a ia kia latou,