Senesi 27:41 - Tosi Tapu

⁴¹ Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Senesi 27:41 ပူးပေါင်းရင်းမြစ်များ

Senesi 27:42

Na fakasa loa kia Lepeka a masau o lona tama uluaki ko Esau. Ti na kalagai loa e ia lona tama muli ko Sakopo, o pati kiate ia : Ko leinei, e fia taui e lou taina ko Esau kiate koe, ti e afa e ia ke tamate a koe.

Senesi 32:11

E kau kole atu kiate koe, ke ke fakamauli au mei loku taina ko Esau, talie e kau i kiate ia, ti e kau mamae na au loa a ia o tamate au, mo fafine, mo toe.

Senesi 32:3

Na kakau loa e Sakopo ni tagata avelogo ke muamua iate ia ki lona taina ko Esau, i le fenua ko Seili, leia e kau ki Etome.

Senesi 32:6

Na toe liliu ake loa a tagata avelogo kia Sakopo, o pati : Na motou ano o fakafelavei ki lou taina ko Esau ; ti ko leinei kua saele mai a ia kiate koe mo tagata e tino lelau fa.

Senesi 35:29

Na tuku loa e Isaake lona laumalie, ti na mate loa a ia, ti na fakatasi loa a ia ki lona kakai, kua matua ai ti kua makona i aso. Na tanu loa a ia e ona vosa ko Esau mo Sakopo.

Senesi 37:18

Na lotou tio loa kiate ia mei mamao, kae i mua o lana kaku ake kia latou, na lotou fonofono loa ke tamate a ia.

Senesi 37:4

Na tio loa ona fetaina na alofa lasi ake lolatou tamana kia Sosefo ia latou fuli, ti na lotou vesia loa kiate ia. Na leaise feala ke lotou masau malie kiate ia.

Senesi 37:8

Na pati loa ona fetaina kiate ia : Pe maoki e ke pule loa kia matou ? Pe ke lagiaki loa kia matou ? Ti na lotou toe asilisili vesia loa kiate ia o tupu ko ana moe miti mo ana masau.

Senesi 50:15

I le tio loa o fetaina o Sosefo kua mate lolatou tamana, na lotou pati loa : Kapau e nofo Sosefo mo sona vesia kia tatou, ti e totogi loa e ia kia tatou a veli fuli ala na tou fai kiate ia !

Senesi 50:2

Ti na fakatotonu loa e ia ki toketa ala na gaoi kiate ia ke lotou fakatologa le tino o lona tamana, ti na fakatologa loa e toketa a Iselaele.

Lua tosi o Koloniko 35:24

Na ave loa a ia e ana tagata fakasausau mei lana saliote, o tuku ki se tasi ake saliote a ana, ti na lotou ave loa a ia ki Selusalemi. Na mate loa a ia, ti na tanu loa a ia i tanuma o ona tamana. Na tagi loa Suta katoa mo Selusalemi kia Sosiasi.

Pesalemo 142:3

E kau liligi laku tagi i ona mua, E kau fakamatala loku mamae kiate ia.

Pesalemo 35:14

Na kau tolotolo mamalie o sakinake ki soku kaukaunea pe ki soku taina ; O sakinake ki loku tinana, na kau mapelu ki lalo i le mamae.

Pesalemo 37:16

E malie ake le ganea ikiiki a le tagata agatonu I le mou koloa o se toka api o tagata agaveli ;

Taagapati 1:16

Talie e makape olatou vae ki le veli, Ti e lotou fakatavili o liligi le toto.

Taagapati 18:19

E faigataa ake ni fetaina e veliveli i le ulu ki se kolo makeke, Ti e tatau alatou felega mo ni ukamea fakamaumau o se fale sau.

Taagapati 6:14

E nofo le veli i lona loto, E fakakaukau e ia le veli i temi fuli, E fakasolosolo e ia a fefele.

Ekelesiasi 7:9

Aua na ke ita vave i lou loto, talie e nofo le ita i le fatafata o le kau vale.

Esekiele 35:5

O tupu na ke nofo fualoa mo lou vesia, O tupu na ke tamate ki le seleta a fanau a Iselaele, I le aso o lolatou mamae, I le aso leia na kaku ai le agaveli ki lona gatoaga,

Tetelonome 34:8

Na tagi loa kia Moisese a fanau a Iselaele i aso e kau tolu, i le toafa o Moape, o kaku ki le oki o le temi katoa o lona putu.

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.