Senesi 27:29 - Tosi Tapu

²⁹ Ke fakalogo ni kakai kiate koe, Ti ke punou ni puleaga i ou mua ! Ke ke pule ki ou fetaina, Ti ke punou a vosa o lou tinana i ou mua ! Ke malaia leia e tutuku ia a koe, Ti ke tapuakina leia e tapuaki loa kiate koe.

Senesi 27:29 ပူးပေါင်းရင်းမြစ်များ

Senesi 12:3

E kau tapuaki loa kia latou ala e tapuaki loa kiate koe, ti e kau fakamalaia latou ala e lauveli loa kiate koe ; ti e tapuakina loa a famili fuli o le malama nei iate koe.

Senesi 25:33

Ti na pati loa Sakopo : Fakapapau mai kiate au i le aso nei. Ti na fakapapau loa a ia kiate ia, ti na fakatau loa e ia lona pule o le uluaki vosa kia Sakopo.

Senesi 27:30

I le oki o le tapuaki a Isaake kia Sakopo, ti nao mavae atu fua Sakopo i lona tamana, kae kaku ake loa Esau lona taina mei lana kapu manu.

Senesi 27:37

Na tali loa Isaake kia Esau : Ko leinei, kua kau fakanofo a ia ke pule kiate koe, ti kua kau tuku ke fakasausau ona fetaina fuli kiate ia. Kua kau tuku kiate ia le fulumeto mo le vino o lasi. Kolea le nea leia ke kau toe maua loa kiate koe, ei loku vosa ?

Senesi 27:40

E ke mauli loa ki lau seleta, Ti e ke fakasausau loa ki lou taina. Kae i se aso e ke lauatea loa meiate ia, Ti e ke fatii loa le laakau o le popula leia e teki loa e ia ki lou ua, Ti e ke tiaki loa a ia ki mamao.

Senesi 37:10

Ti na fakamatala loa e ia lana moe miti ki lona tamana mo ona fetaina. Ti na valoki loa a ia e lona tamana, o pati : Kolea le uiga o le moe miti lena kua ke fai ? Pe tonu loa ke motou au, a au ko lou tamana, mo lou tinana, ti mo ou fetaina fuli, o punou ki le kele i ou mua ?

Senesi 37:7

Na tou lolotoga sai a fuiga fulumeto i faisaga ; ti ko leinei, na malaga ake loa laku fuiga fulumeto, o tuu fakasako ki aluga, ti na nake loa akoutou fuiga fulumeto o takatakai a ia, ti na lotou punou loa kiate ia.

Senesi 9:27

Ke fakalasi e le Atua a koloa o Safeti, ti ke agai a ia i falela o Semi, ti ke fakasausau a Kanaane kia Safeti !

Uluaki tosi o Sau 22:47

Na too loa e ia mei le fenua a kau tagata mo kau fafine faiaga, latou ala na toe mei le temi o Asa, lona tamana.

Uluaki tosi o Sau 4:21

Na koi pule Salomone ki puleaga fuli mei le vaitafe ko le Eufalate o kaku ki le fenua o le kau Filisitini ti mo le koiga o Esipito ; na lotou aumai ni nea alofa, ti na tukusau kia Salomone i le temi katoa o lona mauli.

Uluaki tosi o Koloniko 5:2

Talie na makeke ake Suta i ona fetaina, ti na tupu mei lona sakoga se sau ; kae na nofo le pule o le uluaki mo Sosefo.

Pesalemo 72:8

E pule loa a ia mei se tasi a tai ki le tasi a tai, Ti mei le vaitafe lasi o kaku ki potupotu o le malama nei.

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Esaia 60:12

Talie ko le kakai mo le puleaga, ala e leaise tausi loa kiate koe, e mamate loa ; Io, e tuuti loa a puleaga ana.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Numelo 23:8

Pe feaki ke kau fakamalaia loa leia na leaise fakamalaia e le Atua ? Pe feaki ke kau ita kiate ia, kae na leaise ita le Eteleno kiate ia ?

Numelo 24:18

E pule a ia ki Etome, E pule a ia ki Seili, ko ona fili. E fakasa e Iselaele lona makeke.

Numelo 24:9

E peluki e ia ona tuli, ti e moe a ia ofaipe se laione tagata, ofaipe se laione fafine : Ko ai e toe fakatuu ia loa a ia ki aluga ? Ke tapuakina leia e tapuaki loa kiate koe, Ti ke malaia leia e fakamalaia loa a koe !

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Mateo 25:45

Ti e tali loa a ia kia latou : E kau pati maoki atu kia koutou, ko faiaga fuli ala na leaise kotou fai ai a nea ana ki se tasi o toe liliki oki ana, ko au leia na leaise kotou fai ki ai.

Loma 9:12

na pati kia Lepeka : E fakalogo loa le muamua ki le mulimuli, o mulimuli ki le nea na tosi :

Apokalipisi 19:16

Ti na tuu i lona pulupulu mo lona kauaga se igoa kua tosi : Sau o atu sau, mo Aliki o atu aliki.