Senesi 27:28 - Tosi Tapu

²⁸ Ke tuku e le Atua kiate koe le sasau o le lagi, Mo le gako o le kele, Mo le fulumeto, ti mo le vino o lasi ai !

Senesi 27:28 ပူးပေါင်းရင်းမြစ်များ

Senesi 27:37

Na tali loa Isaake kia Esau : Ko leinei, kua kau fakanofo a ia ke pule kiate koe, ti kua kau tuku ke fakasausau ona fetaina fuli kiate ia. Kua kau tuku kiate ia le fulumeto mo le vino o lasi. Kolea le nea leia ke kau toe maua loa kiate koe, ei loku vosa ?

Senesi 27:39

Na tali loa lona tamana ko Isaake kiate ia : Ko leinei ! E sala loa lou nofoaga i le gako o le kele Mo le sasau o le lagi, i aluga.

Senesi 45:18

Kotou too loa lokoutou tamana, ti mo okoutou famili, ti kotou au loa kiate au. E kau soli loa kia koutou le koga fenua malie tukupau o Esipito, ti e kotou kai loa a fua malilie o le fenua.

Senesi 49:20

Ko Asele, e fakatupu loa e ia se nea kai malie ai, ti e teuteui loa e ia a nea kai fakaeteete a sau.

Senesi 49:25

Ko le gaoi a ia a le Atua o lou tamana, leia e tokoi loa kiate koe ; Ko le gaoi a ia a le Mafimafi, leia e tapuaki loa kiate koe, Ki tapuakina o le lagi i aluga, Ki tapuakina o le vai i lalo, Ki tapuakina o u mo manava o fafine.

Lua tosi a Samuele 1:21

Mauga o Kilipoa ! Ke aua na toe to kia koutou le sasau mo le ua, Ke aua na i ai ni faisaga e tuku ia ni uluaki fua ki moliga ! Talie ko le ganea lena na vivilo ai a paletau a le kau toa, Le paletau a Saulo ; Na leaise toe pani loa latou ki le lolo.

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 5:11

Ti na soli loa e Salomone kia Ilame a tane fulumeto e ono afe i le fetuu, ti mo liti lolo olive e valu afe ki le tausi o lona fale.

Lua tosi o Koloniko 2:10

E kau soli loa ki au tagata fakasausau ala e sele ia loa le laakau ni fua fulumeto e kau lua afe, mo ni fua fulumeto olese e kau lua afe, mo ni fua vino e kau lua afe, mo ni fua lolo e kau lua afe.

Pesalemo 104:15

Le vino leia e fakafiafia ia le loto o le tagata, Ti mo le lolo leia ke fakagigila ia ona mata, Ti mo le pane leia ke fakamakeke ia le mafu o le tagata.

Pesalemo 133:3

E fai a ia pe le sasau o le Elemoni, Leia e ifo ki mauga o Sione ; Talie ko le ganea lena e kakau mei ai e le Eteleno le tapuakina, Le mauli, ki le lee gato.

Pesalemo 36:8

E lasi ai lou agamalie, ei Atua ! E afa e vosa o le tagata se mumuniaga i le malu o ou kapakau.

Taagapati 19:12

Ko le ita o le sau e faipe le gugulu o le laione, Ti ko lona agamalie e faipe le sese i le mutie.

Taagapati 3:20

Ko lona poto leia na mavaa ai a vanu loloto, Ti na vilo ai le sasau mei ao.

Esaia 45:8

Ke ifo a atu lagi mei aluga Ti ke tuku e ao ke sali le faitotonu ! Ke mavaa le kele, ke tupu i ai le fakamauli, Ti ke toe tupu foki i ai le faitotonu ! Ko au, le Eteleno, e kau fakatupu ia a nea ana.

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Soele 2:19

E tali le Eteleno, ti e pati a ia ki lona kakai : Ko leinei, e kau soli atu loa kia koutou se fulumeto, Mo se vino, mo se lolo, Ti e kotou makona loa ; Ti e leaise kau toe tuku loa koutou ki le luma i lotolotoga o atu puleaga.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Sakalia 8:12

Talie e mauli loa a pulapula ala na to, ti e fua loa le vite, ti e soli loa e le kele ona fua, ti e tuku loa e le lagi lona sasau ; e kau fakafiafia loa le loto o le toega o loku kakai ki nea fuli ana.

Sakalia 9:17

Io ! Kua lasi ai lona manuia ! Kua lasi ai lona fulumalie ! E tupu lalasi loa a tamaliki tupulaga i le fulumeto, Ti taineliki tupulaga i le vino.

Numelo 13:20

Pe feaki le kele, pe malie pe veli, pe mauli ai ni laakau pe leai. Kotou loto toa. Kotou too loa ni fua o le fenua o aumai. Ko le temi lena o uluaki fua o le vite.

Numelo 18:12

E kau soli kiate koe a uluaki fua ala e lotou momoli loa ki le Eteleno : le lolo leia e malie tukupau, mo le vino foou leia e malie tukupau, ti mo le falina leia e malie tukupau.

Loma 11:17

Kae kapau na tuuti ni iki o laa, ti kapau ko koe, leia na olive vao, kua fakapipiki a koe ki lolatou pikiaga, ti kapau kua ke kau ki le aka leia e fagai ia le oliveto,

Tetelonome 32:2

Ke vilo laku akonaki ofaipe se ua, Ke vilo laku masau ofaipe se sese, Ofaipe se sasau ki le vao sesega, Ofaipe ni motii vai ki le mutie !

Tetelonome 33:13

Kia Sosefo, na pati a ia : E tapuaki loa le Eteleno ki lona fenua, Ti e maua loa e ia le alofa malie tukupau o le lagi, le sese, Mo vai malilie o le lalo lagi,

Tetelonome 33:28

E fimalie Iselaele i lona nofoaga, E tuu kese le matapuna vai o Sakopo I se fenua o le fulumeto mo le vino foou, Ti e tufa e lona lagi le sese.

Tetelonome 7:13

E alofa loa a ia kiate koe, ti e tapuaki loa a ia kiate koe, ti e liuliuga loa e ia a koe. E tapuaki loa a ia ki fua o lou manava mo fua o lou kele, ki lau fulumeto, mo lau vino foou, mo lau lolo, ki le fua o lau kau pipi fafine, mo le fua o lau kau ovi fafine, i le fenua leia na fakapapau e ia ki ou tamana ke soli atu kiate koe.

Epelo 11:20

Ko le tui leia na tapuaki ai loa Isaake kia Sakopo mo Esau o uiga mo nea ka soko mai.

Sosue 5:6

Talie na saele a fanau a Iselaele i le toafa i le fetuu e kau fa o kaku ki le maumaui o le puleaga katoa o tagata tau ala na mavae mei Esipito ti na leaise fakalogo ki le leo o le Eteleno ; na fakapapau loa e le Eteleno kia latou ke aua na fakatio latou ki le fenua leia na fakapapau e ia ki olatou tamana ke soli kia tatou, fenua leia e tafe ai le sua manu mo le sua meli.