Senesi 26:34 - Tosi Tapu

³⁴ Ko Esau, i lona fetuu kau fa, na avaga loa mo Sutita, ko le taine o le tagata Eti ko Peeli, ti mo Pasamati ko le taine o le tasi tagata Eti ko Eloni.

Senesi 26:34 ပူးပေါင်းရင်းမြစ်များ

Senesi 24:3

E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Senesi 27:46

Na pati loa Lepeka kia Isaake : Kua kau fakalialia ki le mauli o tupu ko oku fugao, a taineliki o Eti. Kapau e toe avaga loa Sakopo mo se taine o Eti, ofaipe laua anei, kolea loa le uiga o le mauli kiate au ?

Senesi 28:8

Ti na matala loa Esau ki le veli o taineliki o Kanaane ki le loto o lona tamana ko Isaake.

Senesi 28:9

Ti na loto loa a ia ke toe filifili se tasi ona avaga. Koia na ano ai loa Esau kia Isemaele, ko le vosa o Apalaamo, ti na avaga loa a ia mo lona taine ko Maalate, le tuagaane o Nepasote.

Senesi 36:13

Ko nei a vosa o Leuele : Ko Naate, mo Selake, mo Sama, mo Misa. Ko vosa ana o Esau ki lana avaga ko Pasemati.

Senesi 36:2

Na avaga loa Esau mo ni taineliki o Kanaane : Ko Ata, taine o le tagata Eti ko Eloni ; mo Olipama, taine o Ana, taine o le tagata Evi ko Sipeoni ;

Senesi 36:5

Na fanaui loa e Olipama a Seuse, mo Saelame, mo Kole. Ko vosa ana o Esau ala na tupu kiate ia i le fenua o Kanaane.

Ekesote 34:16

talie ke aua na ke too ia olatou taineliki ki ou vosa, ti ko olatou taineliki, ala e tausi ki olatou atua, ke aua na lotou toso ia ou vosa ke tausi ki olatou atua.

Uluaki tosi ki le kau Kolinto 7:2

Kae, o tupu ko le fai feauaki, ke tasi maua e le tagata sona avaga, ti ke tasi maua e le fafine sona avaga.

Epelo 12:16

Ke kotou tokaga na i ai se tasi e fai feauaki, pe ko se tasi e lee fakaapaapa ki nea tapu ofaipe Esau, leia na fakatau ia lona tapuaki o le uluaki vosa ki se nea kai e tasi.

Uluaki tosi a Samuele 26:6

Na pati loa Tavite kia Asimeleke, le tagata Eti, mo Apisai, ko le vosa o Teselusa, le taina o Soape : Ko ai leia e fia ifo mo au ki le nofolaga tau kia Saulo ? Ti na tali loa Apisai : Ko au, e kau ifo loa mo koe.