Senesi 26:3 - Tosi Tapu

³ Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 26:3 ပူးပေါင်းရင်းမြစ်များ

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 13:15

talie ko le fenua katoa leia e ke tio ki ai, e kau soli atu loa a ia kiate koe mo lou sakoga, o tuumau.

Senesi 13:17

Tuu ki aluga, o foli takai le fenua i lona loa mo lona lau lasi, talie e kau soli loa a ia kiate koe.

Senesi 15:18

I le aso lena, na fakapapau loa le Eteleno kia Apalamo, o pati : E kau soli le fenua leinei ki lou sakoga, mei le vaitafe o Esipito o kaku ki le vaitafe lasi, ko le Eufalate :

Senesi 17:19

Na pati loa le Atua : E maoki e fanaui loa e lau avaga ko Sala se vosa kiate koe ; ti e ke soli loa kiate ia le igoa ko Isaake. E kau fakatuu loa laku sai mo ia ti mo lona sakoga i ona muli. E tuu loa a ia ko se sai lee gato.

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 20:1

Na mavae loa Apalaamo i le ganea lena, o ano ki le potu saute ; ti na fakatuu loa e ia lona nofoaga i Katesi mo Suli, ti na ano loa a ia ki Kela o nofo fakatemi i ai.

Senesi 25:11

I le oki o le mate o Apalaamo, na tapuaki loa le Atua kia Isaake, lona vosa. Na nofo a ia o ofi ki le sosoni o Lasai-Loi.

Senesi 26:12

Na to loa e Isaake ni fakaili i le fenua lena, ti na utu loa e ia i le fetuu lena o liuga kau lelau ; talie na tapuaki loa le Eteleno kiate ia.

Senesi 26:14

Na maua e ia ni kau manu liliki mo ni kau manu lalasi, ti mo ni tagata fakasausau toka api ai : Koia na finenonofo ai loa le kau Filisitini kiate ia.

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 28:13

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Senesi 31:3

Koia na pati ai loa le Eteleno kia Sakopo : Toe liliu ki le fenua o ou tamana, ti mo le ganea leia na ke tupu ai, ti e kau nofo loa mo koe.

Senesi 35:12

E kau soli loa kiate koe le fenua leia na kau soli kia Apalaamo mo Isaake, ti e kau soli loa le fenua leinei ki lou sakoga ki muli.

Senesi 39:2

Na nofo loa le Eteleno mo ia, ti na ano loa le manuia mo ia ; na nofo a ia i le fale o lona pule, le tagata Esipito.

Senesi 39:21

Na nofo loa le Eteleno mo Sosefo, ti na fakasa loa e ia lona agamalie kiate ia. Na tuku loa e ia kiate ia se kalasia i mua o le pule o le fale pilisoni.

Senesi 48:21

Na pati loa Iselaele kia Sosefo : Ko leinei ka kau mate loa ! Kae e nofo loa le Atua mo koutou, ti e toe fakaliliu loa koutou e le Atua ki le fenua o okoutou tamana.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Uluaki tosi o Koloniko 16:16

Mo le sai leia na fai e ia mo Apalaamo, Ti mo le fakapapau leia na fai e ia kia Isaake ;

Pesalemo 105:8

E manatui tuumau e ia lana sai, Ana fakapapau ki tautupu e afe,

Pesalemo 105:9

Le sai leia na fai e ia mo Apalaamo, Ti mo le fakapapau leia na fai e ia kia Isaake.

Pesalemo 32:8

E kau ako loa kiate koe ti e kau fakasa loa kiate koe le ala leia e tonu ke ke muli ai. E kau tokoi loa kiate koe, ti e kau tuku tuumau loa oku mata kiate koe.

Pesalemo 39:12

E ke ako le tagata o tautea a ia i lana agaveli ; E ke maumau ofaipe se ugogo, le nea leia e alofa lasi ki ai. Io, ko tagata fuli ko se tukumanava. - Manava.

Ekesote 2:24

Na logo loa le Atua ki alatou tagi, ti na manatui loa e ia lana fakapapau kia Apalaamo, mo Isaake, mo Sakopo.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 6:4

Na kau fakatuu foki laku sai mo latou, ke soli kia latou le fenua o Kanaane, le fenua leia e lotou fanoga ai, leia na lotou nofo fakatemi ai.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Ekesote 6:8

E kau fakaulu loa koutou ki le fenua leia na kau fakapapau ke soli kia Apalaamo, mo Isaake, mo Sakopo ; ti e kau soli loa a ia kia koutou, ko lokoutou fenua, ko au ko le Eteleno.

Esaia 43:2

Kapau e ke ano i atu vai, e kau nofo loa mo koe ; Ti kapau e ke ano i ni vaitafe lalasi, e leaise ke ogo loa ; Kapau e ke saele i le afi, e leaise ke vela loa, Ti e leaise tutu loa a koe e le ula.

Esaia 43:5

Aua na ke i ki se nea, talie e kau nofo mo koe ; E kau toe aumai loa mei le potu esite lou lanu, Ti e kau fakatasi mai loa a koe mei le potu uesite.

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 34:4

Na pati loa le Eteleno kiate ia : Ko lena le fenua leia na kau fakapapau kia Apalaamo, mo Isaake, mo Sakopo, o pati : E kau soli loa a ia ki okoutou sakoga. E kau fakatio a koe ki ai, kae e leaise ke ulu loa ki ai.

Filipe 4:9

Ko le nea leia na kotou ako, mo kotou tali, ti mo kotou logo ki ai meiate au, ti mo le nea leia na kotou tio ki ai iate au, kotou fai a ia, ti e nofo loa le Atua o le tokamalie ia koutou.

Epelo 11:9

Ko le tui leia na ano ai loa a ia o nofo i le kele o le fakapapau ofaipe i se kele matapule, o nofo i ni falela mo Isaake, mo Sakopo, ala na maua tofiga mo ia le fakapapau e tasi ;

Epelo 6:17

Koia, i le loto o le Atua ke fakasa lasi kia latou ala e tonu ke maua ia le tofiga o le fakapapau, e leaise toe fetogi loa e ia lana fakapapau, ti na fakamaoki loa e ia a ia ki se sai,