Senesi 26:25 - Tosi Tapu

²⁵ Na fakatuu loa e ia i le ganea lena se aletale, ti na faikole loa a ia i le suafa o le Eteleno, ti na fakatuu loa e ia i le ganea lena lona falela. Na kenu loa e tagata fakasausau a Isaake i ai se sosoni.

Senesi 26:25 ပူးပေါင်းရင်းမြစ်များ

Senesi 13:18

Na siki loa e Apalamo ona falela, ti na ano loa a ia o nofo i le ulu sene o Mamele, leia na ofi ki Epelone. Ti na fakatuu loa e ia i ai se aletale ki le Eteleno.

Senesi 13:4

le ganea leia na tuu ai le aletale leia na fakatuu e ia i mua. I ai, na faikole loa Apalamo i le suafa o le Eteleno.

Senesi 22:9

Na la kaku loa ki le ganea leia na pati ki ai le Atua, ti na fakatuu loa e Apalaamo se aletale, ti na fakatoka loa e ia le fafie i aluga. Na sai loa e ia lona vosa ko Isaake, o teki ki le aletale, i aluga o fafie.

Senesi 26:32

I le aso totonu lena, na kaku ake loa ni tagata fakasausau a Isaake, o masau kiate ia ki le sosoni leia na lotou kenu, ti na lotou pati loa : Kua motou maua se vai.

Senesi 33:20

Ti na fakatuu loa e ia se aletale i le ganea lena, o soli loa e ia ki ai le igoa ko Ele-Eloe-Isalaele : Atua, ko le Atua o Iselaele.

Senesi 35:1

Na pati loa le Atua kia Sakopo : Tuu ki aluga, o pale ki Petele, ti ke nofo i ai. E ke fakatuu loa i ai se aletale ki le Atua, leia na sa kiate koe i lau sola mei lou taina ko Esau.

Senesi 4:26

Na toe maua foki e Seti sona vosa, ti na fakaigoa loa e ia a ia ko Enosi. Na kamata loa i ai le toe masau ki le suafa o le Eteleno.

Senesi 8:20

Na fakatuu loa e Noe se aletale ki le Eteleno ; ti na too loa e ia ni manu i manu mea fuli mo manu lele mea fuli, ti na momoli loa e ia ni failaulau i le aletale.

Pesalemo 116:17

E kau momoli loa kiate koe se sakilifisio fakafetai, Ti e kau fetapa loa ki le suafa o le Eteleno ;

Ekesote 17:15

Ti na fakatuu loa e Moisese se aletale, o soli loa ki ai le igoa : ko Seova-Nisi (ko le Eteleno ko loku manumanu).