Senesi 26:24 - Tosi Tapu

²⁴ Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 26:24 ပူးပေါင်းရင်းမြစ်များ

Senesi 13:16

E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga.

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Senesi 22:17

E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Senesi 22:19

Na toe liliu loa Apalaamo ki ana tagata fakasausau, ti na lotou tutuu ake loa o toe liliu fakatasi ki Pele-Sepa. Talie na nofo Apalaamo i Pele-Sepa.

Senesi 24:12

Ti na pati loa a ia : Eteleno, Atua o loku aliki ko Apalaamo, e kau kole atu kiate koe ke ke alofa o fakafelavei au i le aso nei mo leia e kau loto ki ai. Ti e ke fakasa loa i ai lou alofa ki lau tagata fakasausau ko Apalaamo !

Senesi 28:13

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Senesi 28:3

Ke tapuaki le Atua Mafimafi kiate koe, o fakatuputupua mo liuliuga a koe, ke ke liliu ko ni kakai mauke ai !

Senesi 30:27

Na pati loa Lapane kiate ia : Kapau e ke alofa kiate au, ti ke nofo i leinei. E kau iloa malie na tapuaki le Atua kiate au o tupu ko koe ;

Senesi 31:5

Ti na pati loa a ia kia laua : E kau tio i mata o lokoulua tamana e leaise koi tatau a ia kiate au mo mua ; kae na kau mo au le Atua o loku tamana.

Senesi 39:2

Na nofo loa le Eteleno mo ia, ti na ano loa le manuia mo ia ; na nofo a ia i le fale o lona pule, le tagata Esipito.

Senesi 39:3

Na tio loa lona pule na nofo le Eteleno mo ia, ti na fakamanuia loa e le Eteleno a nea fuli i ona lima.

Senesi 46:1

Na ano loa Iselaele mo ana nea fuli. Na kaku loa a ia ki Pele-Sepa, ti na momoli loa e ia ni sakilifisio ki le Atua o lona tamana ko Isaake.

Uluaki tosi o Sau 17:13

Na pati loa Elia kiate ia : Aua na ke i, ulu ki fale, ti ke fai le nea leia kua ke pati ki ai ; kae i mua, teuteui mai se ga fa kato kiate au, ti ke aumai loa a ia kiate au ; ti oki, ti o ke teuteui loa se nea kiate koe mo lou tama.

Ekesote 14:13

Na tali loa Moisese ki le kakai : Aua na kotou i fua ki se nea e tasi, kotou nonofo mau, ti e kotou tio loa ki le saofaki leia ka fakasoko loa e le Eteleno kia koutou i le aso nei ; talie ko le kau Esipito leia e kotou tio ki ai i le aso nei, e leaise kotou toe tio loa ki ai i se aso.

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 44:2

Ko leinei le folafola a le Eteleno, leia na fakatupu ia a koe, Leia na fau ia a koe mei lou tupu, Leia ko lou fanakiaga : Aua na ke i ki se nea, ei laku tagata fakasausau ko Sakopo, Ei laku Iselaele, leia na kau filifili.

Esaia 51:12

Ko au, ko au leia e fakapelepele ia koutou. Ei loku kakai, kolea e ke i ai ki le tagata leia e mate, Ki le vosa o le tagata leia e tatau mo le mutie ?

Esaia 51:7

Kotou fakalogo mai kiate au, koutou ala e iloa ia le faitotonu, Kakai, leia e nofo mo laku lao i lou loto ! Aua na kotou i ki le valoki a tagata, Ti aua na kotou lulu i mua o alatou lauveli.

Tagi laulau a Selemia 3:57

I le aso leia na kau fetapa ai kiate koe, na ke fakafeofi mai kiate au, Na ke pati : Aua na ke i !

Levitiko 26:42

E kau toe manatui loa laku fakapapau kia Sakopo, mo Isaake, mo Apalaamo, ti e kau toe manatui loa le fenua.

Levitiko 26:45

E kau toe manatui loa loku alofa kia latou, ti mo laku sai i mua, leia na tupu ai laku fakamavae latou mei le fenua o Esipito, i mata o atu puleaga, o tupu ke kau liliu ko lolatou Atua. Ko au ko le Eteleno.

Mateo 22:32

Ko le Atua au o Apalaamo, le Atua o Isaake, le Atua o Sakopo ? Ko le Atua e leaise ko le Atua a ia o le kau mate, kae ko le Atua a ia o le kau mauli.

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Gaoi 7:32

Ko le Atua au o ou tamana, ko le Atua o Apalaamo, mo Isaake, ti mo Sakopo. Ti na lulu katoa Moisese, ti na leaise mafai ke tio a ia.

Tetelonome 13:17

Ke aua na ke too ia loa se nea i nea fuli ala kua tapui kiate koe, o tupu ke fimalie le sausau o le Eteleno, ti ke fakasa loa e ia lona manava alofa mo lona kalasia kiate koe, o fakaliliu loa a koe o api, o fai ki lana fakapapau ki ou tamana,

Tetelonome 31:6

Ke kotou fakamakeke ti ke kotou loto makeke ! Ke aua na kotou i ti ke aua na kotou lulu i olatou mua, talie e saele loa le Eteleno, lou Atua, mo koe ; e leaise mavae loa a ia meiate koe, e leaise tiaki loa e ia a koe.

Epelo 11:16

Kae ko leinei e lotou oli ki se fenua malie tukupau ake, leia i le lagi. Koia na leaise luma ai le Atua i lona fakaigoa a ia ko lolatou Atua, talie na teuteui e ia se kolo mo latou.

Epelo 13:6

Koia e mafai ai ke tou pati makeke ai : Ko le Aliki ko loku tokoi, e leaise kau i loa ki se nea ; Kolea e mafai e se tagata kiate au ?

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !

Lute 3:11

I le lakaga nei, ei loku taine, aua na ke i ; e kau fai loa kiate koe a nea fuli ala e ke pati loa ki ai, talie kua iloa e le kolo katoa ko se fafine mafi a koe.