Senesi 26:22 - Tosi Tapu

²² Na siki loa a ia i le ganea lena o kenu se tasi ake sosoni ; ti na leaise lotou toe fakavisi loa kiate ia : Ti na soli loa e ia le igoa ko Leopoti ki le sosoni lena, talie na pati a ia : Kua tuku matou e le Eteleno i le aso nei ki le lau lasi, ke motou mou koloa i le fenua nei.

Senesi 26:22 ပူးပေါင်းရင်းမြစ်များ

Senesi 17:6

E kau liuliuga loa a koe o lasi, e kau fakatupu loa meiate koe ni puleaga ; ti e tupu loa ni sau meiate koe.

Senesi 26:21

Ti na toe kenu loa e tagata fakasausau a Isaake se tasi ake sosoni, ti na lotou toe fakavisi foki ki ai ; ti na soli loa e Isaake le igoa ko Sitina ki le sosoni lena.

Senesi 28:3

Ke tapuaki le Atua Mafimafi kiate koe, o fakatuputupua mo liuliuga a koe, ke ke liliu ko ni kakai mauke ai !

Senesi 41:52

Ti na soli loa e ia ki le vosa lua le igoa ko Efalaimi, talie na pati a ia : Kua soli mai e le Atua kiate au ni fanau i le fenua leinei na kau mamae lasi ai.

Pesalemo 118:5

Mei le manava o le mamae na kau fetapa ki le Eteleno : Na tali mai le Eteleno kiate au, ti na tuku e ia au ki le lau lasiga.

Pesalemo 119:32

E kau makape i le ala o au lao, Talie e ke fakalaulasi loku loto.

Pesalemo 18:19

Na lotou mauatoka au i le aso o loku mamae ; Kae na tokoi loa le Eteleno kiate au.

Pesalemo 4:1

Ki le pule o le kau sua. Mo nea faimusika va. Pesalemo a Tavite.

Ekesote 1:7

Na fanaunau loa fanau a Iselaele o lasi ai, ti na lotou liliu loa o makeke mo mauiga. Ti na apele loa le fenua ia latou.

Esaia 54:2

Fakalasi lou falela ; Folasi a puipui o lou nofoaga : Aua na ke tataofi ! Fakaloloa ou maea, Ti fakamakeke ou pou !

Esaia 54:3

Talie e ke mafolafola loa ki le fetuu atamai mo le fetuu sema ; E maua loa e lou sakoga ni puleaga, Ti e fakakakai ia loa ni kolo lavaki.