Senesi 25:8 - Tosi Tapu

⁸ Na tuku loa e Apalaamo lona laumalie, ti na mate loa a ia i le oki o se temi matua manuia, na lasi ai ona fetuu, ti na tapuakina ona aso. Ti na fakatasi loa a ia ki lona kakai.

Senesi 25:8 ပူးပေါင်းရင်းမြစ်များ

Senesi 15:15

Ko koe, e ke ano loa i le tokamalie ki ou tamana, ti e tanu loa a koe i le oki o se temi matua malie.

Senesi 25:17

Ti ko nei a fetuu o le mauli o Isemaele : ko fetuu e kau lelau kau tolu. Na tuku loa e ia lona laumalie ti mate loa a ia, ti na fakatasi loa a ia mo lona kakai.

Senesi 25:7

Ko nei a aso o fetuu o le mauli o Apalaamo : na mauli loa a ia i fetuu e kau lelau kau fitu tupu lima.

Senesi 35:18

I le meimeiki ke mavae lona laumalie, talie kua lolotoga mate loa a ia, na soli loa e ia ki lona tama le igoa ko Pene-Oni (ko lona uiga : vosa o le mamae) ; kae na soli loa e le tamana ki le toe le igoa ko Pesamino, (ko lona uiga : vosa o loku lima atamai).

Senesi 37:35

Ti na nake loa ona vosa fuli mo ona taineliki fuli o fakapelepelei a ia, kae na leaise tali loa e ia se fakafimalie e tasi. Na pati loa a ia : E kau tagi loa ki loku vosa o kaku ki le aso leia e kau fakatasi ai loa mo loku vosa i le nofoaga o le kau mate ! Ti na tagi a ia ki lona vosa.

Senesi 49:29

Ti na tuku loa e ia kia latou le fakatotonu leinei : Ka kau ano loa ki loku kakai ; ke kotou tanu loa au i le tanuma o oku tamana, i le ana leia e tuu i le faisaga o le tagata Eti ko Efelone,

Senesi 49:33

I le oki o le tuku e Sakopo o ana fakatotonu ki ona vosa, na too loa e ia ona vae o tuku ki le palepale, ti na tukumanava fakaoki loa a ia, ti na ano loa a ia ki lona kakai.

Senesi 50:13

Na lotou ave loa lolatou tamana ki le fenua o Kanaane, ti na lotou tanu loa a ia i le ana o le faisaga o Makepela, leia na totogi e Apalaamo kia Efelone, ko le tagata Eti, mo ona tanuma fakafamili, ti na ofi ki Mamele.

Uluaki tosi o Koloniko 23:1

Na soko loa kua matua ai Tavite, ti na fakanofo loa e ia Salomone, lona vosa ke sau i Iselaele.

Uluaki tosi o Koloniko 29:28

Na mate loa Tavite i lona matua malie, kua lasi ona aso, mo lona koloa, ti mo lona kololia, ti na sau loa Salomone, lona vosa, o fetogi a ia.

Lua tosi o Koloniko 24:15

Kae na fakaau loa o matua a Seosata, ti na mate loa a ia i lona fetuu kau lelau kau tolu.

Sopo 42:17

Ti na mate matua loa a Sopo, kua makona i fetuu.

Sopo 5:26

E ke ulu loa ki le tanuma i le matua malie, ofaipe le ave o le fuiga fulumeto i lona temi totonu.

Taagapati 20:29

Ko le makeke ko le kololia o le kau tupulaga, Ti ko le ulu sina ko le pala o le kau matua.

Selemia 6:11

Kua kau apele i le sausau o le Eteleno, e leaise koi mafai ke kau taofi a ia i loku loto. Liligi a ia ki le toe ikiiki i le ala, Ti mo le fakatasiga a le kau tupulaga. Talie e too loa le tagata mo le fafine, Le matua ti mo leia kua mafaia i fetuu.

Numelo 20:24

Ka mate loa Alone. Talie e leaise ulu loa a ia ki le fenua leia e kau soli ki fanau a Iselaele, o tupu na leaise kolua fakalogo ki laku fakatotonu, i le vai o Melipa.

Numelo 27:13

E ke tio loa ki ai, kae ko koe foki, e tanaki loa a koe ki lou kakai, ofaipe lou taina ko Alone ;

Gaoi 12:23

I le temi fai lena na taai loa a ia e se aselo o le Aliki, talie na leaise fakakololia a ia ki le Atua, ti na kai loa a ia e ilo, o mate.

Gaoi 13:36

Kae ko Tavite, i le oki o lana fai i lona tautupu le finegalo o le Atua, na mate loa a ia ti kua tanu a ia mo ona tamana, ti kua pala lona tino.

Gaoi 5:10

I le lakaga fai lena, na teka loa a ia ki vae o le apositolo, o mate. Ti na ulu ake loa le kau tupulaga, o maua a ia kua mate ; ti na lotou ave loa a ia, o tanu i tafa o lona avaga.

Gaoi 5:5

I le logo a Ananiasi ki masau ana, na teka loa a ia ki lalo, o mate. Ti na soko loa se i lasi kia latou fuli ala na logo ki nea ana.

Tetelonome 32:50

E ke mate loa i aluga o le mauga lena ka ke pale loa ki ai, ti e ke ano loa o fakatasi mo ou tamana, ofaipe lou taina ko Alone leia na mate i le mauga ko Oli ti kua ano o fakatasi mo ona tamana.

Tuifakamaau 2:10

Ti na mamate fuli loa le tautupu katoa lena, ti na nake loa i ona muli se tasi ake tautupu leia na leaise iloa ia le Eteleno mo gaoiaga lalasi ala na fai e le Eteleno ki Iselaele.

Tuifakamaau 8:32

Na mate loa Seteone, vosa o Soasi, i lona matua malie. Na tanu loa a ia i le tanuma o lona tamana ko Soasi, i Ofala, leia e kau ki Apiesele.