Senesi 25:34 - Tosi Tapu

³⁴ Ti na soli loa e Sakopo kia Esau se pane mo se pa lenitili. Na kai loa a ia mo inu, ti na tuu ake loa a ia o ano. Na fakanoai loa e Esau lona pule o le vosa uluaki i le nea lena.

Senesi 25:34 ပူးပေါင်းရင်းမြစ်များ

Senesi 25:29

I se aso leia na fai ai e Sakopo se supa, na ifo ake loa Esau mei le vao kua gaegae ai.

Senesi 25:33

Ti na pati loa Sakopo : Fakapapau mai kiate au i le aso nei. Ti na fakapapau loa a ia kiate ia, ti na fakatau loa e ia lona pule o le uluaki vosa kia Sakopo.

Senesi 26:1

Na to loa se oge i le fenua, na kese a ia mo le uluaki oge leia na to i le temi o Apalaamo. Ti na ano loa Isaake kia Apimeleke, ko le sau o le kau Filisitini, i Kela.

Senesi 27:32

Na pati loa lona tamana ko Isaake kiate ia : Ko ai a koe ? Ti na tali loa a ia : Ko au Esau, lou vosa uluaki.

Pesalemo 106:24

Na lotou vesia loa ki le fenua o nea malilie ; Na leaise lotou tui loa ki le folafola a le Eteleno.

Ekelesiasi 8:15

Ti na kau fakavikiviki loa ki le fiafia, talie e leaise tasi ake manuia ki le tagata i le lalo laa i le kai, mo le inu, mo le fakafiafia ; talie ko le nea a ia leia e tonu ke maua tuumau e ia i lana gaoi, i lona mauli leia e soli e le Atua kiate ia i le lalo laa.

Esaia 22:13

Kae ko leinei kua kotou katakata ti kua kotou fiafia ! Kua tamate ni pipi tagata mo ni ovi ; Kua kai ni inati ti kua inu le vino : Tou kakai ti tou iinu, talie e tou mamate loa apogipogi !

Sakalia 11:13

Na pati mai loa le Eteleno kiate au : Ti le siliva ki le tagata fai ipu, le totogi fulumalie lena na lotou fakafuafua au ki ai ! Ti na kau too loa a fa sikele paaga e kau tolu, ti na kau ti loa latou ki le fale o le Eteleno, ki le tagata fai ipu.

Mateo 22:5

Kae na leaise tuatua fua le kau fakaafe ki le fakaafe, ti na lotou tasi ano loa, ko leia ki lona faisaga, ti ko leia ake ki lona koloa ;

Mateo 26:15

o pati : Kolea e kotou loto ke soli mai kiate au, ti e kau tuku atu loa Sesu kia koutou ? Ti na lotou totogi loa a ia ki ni fa piesi paaga e kau tolu.

Gaoi 13:41

Kotou tio, koutou kau fia matasoka, Kotou punamauli ti kotou pupuli ; Talie e kau fai loa i okoutou aso se gaoi, Se gaoi leia e leaise kotou tui loa ki ai mo ka fakamatala atu loa a ia kia koutou.

Uluaki tosi ki le kau Kolinto 15:32

Kapau ko ni tio fakatagata ala na kau tau ai ki manu fekai i Efeso, kolea lona aoga mai kiate au ? Kapau e leaise toe tuuake le kau mate, Tou kai ti tou inu, talie e tou mamate loa apogipogi.