Senesi 25:23 - Tosi Tapu

²³ Ti na pati loa le Eteleno kiate ia : E nofo ni puleaga e lua i lou manava, ti e mavae loa ni kakai e lua mei lou manava, o tasi mo ia lana aga, ti e makeke ake loa se tasi i le tasi. Ti e fakasausau loa le uluaki ki le muli.

Senesi 25:23 ပူးပေါင်းရင်းမြစ်များ

Senesi 17:16

E kau tapuaki loa kiate ia, ti e kau soli loa kiate koe se vosa iate ia. E kau tapuaki loa kiate ia, ti e liliu loa a ia ko le tinana o ni puleaga ; e tupu loa meiate ia ni sau o ni kakai.

Senesi 17:4

Ko leinei laku sai leia e kau fai kiate koe. E ke liliu loa ko le tamana o ni puleaga mauke.

Senesi 24:60

Na la tapuaki loa kia Lepeka, o pati kiate ia : Ei loma tuagaane, ke ke liliu ko le tinana o ni tino afe o miliate, ti ke pule lou sakoga ki le matapa o ona fili !

Senesi 25:24

Na kaku loa ki le aso leia kua tonu ke fanau ai Lepeka, ti ko leinei na i ai se ata i lona manava.

Senesi 25:27

Na lalasi ake loa a toe. Ti na poto loa Esau i le kapu manu, ko se tagata taka uta a ia. Kae na liliu loa Sakopo ko se tagata agamalu, leia na nofo mau i falela.

Senesi 27:29

Ke fakalogo ni kakai kiate koe, Ti ke punou ni puleaga i ou mua ! Ke ke pule ki ou fetaina, Ti ke punou a vosa o lou tinana i ou mua ! Ke malaia leia e tutuku ia a koe, Ti ke tapuakina leia e tapuaki loa kiate koe.

Senesi 27:33

Na lulu katoa loa Isaake i le lasi o lona ofolele, ti na pati loa a ia : Ko ai leia na kapu ia se manu o aumai kiate au ? Talie kua kau kai ki nea fuli i mua o lau kaku mai, ti kua kau tapuaki kiate ia. Koia, e tapuakina maoki loa a ia.

Senesi 27:37

Na tali loa Isaake kia Esau : Ko leinei, kua kau fakanofo a ia ke pule kiate koe, ti kua kau tuku ke fakasausau ona fetaina fuli kiate ia. Kua kau tuku kiate ia le fulumeto mo le vino o lasi. Kolea le nea leia ke kau toe maua loa kiate koe, ei loku vosa ?

Senesi 27:40

E ke mauli loa ki lau seleta, Ti e ke fakasausau loa ki lou taina. Kae i se aso e ke lauatea loa meiate ia, Ti e ke fatii loa le laakau o le popula leia e teki loa e ia ki lou ua, Ti e ke tiaki loa a ia ki mamao.

Senesi 32:6

Na toe liliu ake loa a tagata avelogo kia Sakopo, o pati : Na motou ano o fakafelavei ki lou taina ko Esau ; ti ko leinei kua saele mai a ia kiate koe mo tagata e tino lelau fa.

Senesi 33:3

Na ano loa a ia totonu i olatou mua, ti na punou loa a ia ki le kele o tua fitu i mua o lana kaku ki lona taina.

Senesi 36:31

Ko nei a sau ala na pule i le fenua o Etome, i mua o le fakanofo o se sau ki fanau o Iselaele.

Senesi 48:19

Kae na fakafiti loa lona tamana, o pati kiate ia : E kau iloa, ei loku vosa, e kau iloa ! Mo ia foki e liliu loa a ia ko se kakai toka api, mo ia foki e liliu loa a ia ko se puleaga lasi ; kae e liliu loa lona taina muli o lasi ake iate ia, ti e liliu loa lona sakoga ko ni puleaga mauke.

Lua tosi a Samuele 8:14

Na tuku loa e ia ni kau solia i Etome, na tuku loa e ia ni kau solia i Etome katoa. Ti na popula loa Etome katoa kia Tavite. Na puipui e le Eteleno a Tavite i ganea fuli ala na ano a ia ki ai.

Uluaki tosi o Sau 22:47

Na too loa e ia mei le fenua a kau tagata mo kau fafine faiaga, latou ala na toe mei le temi o Asa, lona tamana.

Uluaki tosi o Koloniko 18:13

Na tuku loa e ia ni solia i Etome, ti na popula loa Etome katoa kia Tavite. Na puipui loa Tavite e le Eteleno i ganea fuli ala na ano a ia ki ai.

Apetiasi 1:21

E pale ake loa ni tagata fakamauli ki le mauga o Sione, O fakamaaui le mauga o Esau ; Ti e maua loa e le Eteleno le pule fakasau.

Numelo 20:14

Mei Katesi, na kakau loa e Moisese ni tagata avelogo ki le sau o Etome, o pati kiate ia : Ko leinei le masau o lou taina ko Iselaele : E ke iloa a mamae fuli ala na motou felavei ia.

Tetelonome 2:4

Tuku le fakatotonu leinei ki le kakai : Ka kotou fakalaka loa i le fenua o Seili, leia e nofo ai okoutou fetaina, vosa o Esau. E lotou fakaapaapa loa kia koutou ; kae ke kotou tokaga.

Tetelonome 2:8

Na leaise tou fakalaka loa i le fenua o Seili, leia e nonofo ai otatou fetaina, vosa o Esau. Na leai foki se tou fakalaka i Alapa, mo Elati, mo Etesoni-Kepele. Ti na tou maliu loa o too le ala leia e ano ki le toafa o Moape.

Uluaki tosi a Samuele 17:14

Ko Tavite ko le muli. Ti na mulimuli loa ia Saulo a taokete e toka tolu,