Senesi 25:11 - Tosi Tapu

¹¹ I le oki o le mate o Apalaamo, na tapuaki loa le Atua kia Isaake, lona vosa. Na nofo a ia o ofi ki le sosoni o Lasai-Loi.

Senesi 25:11 ပူးပေါင်းရင်းမြစ်များ

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 12:3

E kau tapuaki loa kia latou ala e tapuaki loa kiate koe, ti e kau fakamalaia latou ala e lauveli loa kiate koe ; ti e tapuakina loa a famili fuli o le malama nei iate koe.

Senesi 16:14

Koia leia e igoa ai le sosoni lena, ko le sosoni o Lasai-Loi, sosoni o leia e tio kiate au ; e tuu a ia i le vasa o Katesi mo Paleti.

Senesi 17:19

Na pati loa le Atua : E maoki e fanaui loa e lau avaga ko Sala se vosa kiate koe ; ti e ke soli loa kiate ia le igoa ko Isaake. E kau fakatuu loa laku sai mo ia ti mo lona sakoga i ona muli. E tuu loa a ia ko se sai lee gato.

Senesi 22:17

E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Senesi 24:35

Kua tapuaki lasi ai le Eteleno ki loku aliki, ti kua liliu a ia o makeke. Na soli e le Eteleno kiate ia ni kau ovi mo ni kau pipi, mo se siliva ti mo se aulo, mo ni kau tagata fakasausau ti mo ni kau fafine fakasausau, mo ni kau kamelo ti mo ni kau asino.

Senesi 24:62

I le temi lena, na mavae ake loa Isaake i le sosoni o Lasai-Loi, ti na nofo loa a ia i le fenua o le potu saute.

Senesi 26:12

Na to loa e Isaake ni fakaili i le fenua lena, ti na utu loa e ia i le fetuu lena o liuga kau lelau ; talie na tapuaki loa le Eteleno kiate ia.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Pesalemo 112:2

E makeke loa lona sakoga i le malama nei, E tapuakina loa le tautupu o tagata agatonu.