Senesi 24:7 - Tosi Tapu

⁷ Ko le Eteleno, le Atua o le lagi, leia na fakamavae ia au mei le fale o loku tamana mo loku fenua, leia na masau mai kiate au o fakapapau feneeki mai : E kau soli loa le fenua leinei ki lou sakoga. E kakau loa e ia totonu lana aselo i ou mua ; ti e ke aumai loa mei le ganea lena se avaga ki loku vosa.

Senesi 24:7 ပူးပေါင်းရင်းမြစ်များ

Senesi 13:15

talie ko le fenua katoa leia e ke tio ki ai, e kau soli atu loa a ia kiate koe mo lou sakoga, o tuumau.

Senesi 15:18

I le aso lena, na fakapapau loa le Eteleno kia Apalamo, o pati : E kau soli le fenua leinei ki lou sakoga, mei le vaitafe o Esipito o kaku ki le vaitafe lasi, ko le Eufalate :

Senesi 16:7

Na maua loa a ia e le aselo o le Eteleno i tafa o se matapuna vai i le toafa leia e tuu i le ala o Sua.

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Senesi 22:11

Kae na kalaga loa le Aselo o le Eteleno mei lagi, o pati : Apalaamo ! Apalaamo ! Ti na tali loa a ia : Ko leinei au !

Senesi 24:3

E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Senesi 24:40

Ti na tali mai loa a ia kiate au : Ko le Eteleno, leia na kau saele i ona mua, e kakau ia loa lona aselo i ou mua, ti e fakamanuia loa e ia lou fanoga, ti e ke filifili loa se avaga ki loku vosa i le famili mo le fale o loku tamana.

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Esetalasi 1:2

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le malama nei, ti kua fakatotonu mai e ia kiate au ke fakatuu kiate ia se fale i Selusalemi i Suta.

Pesalemo 103:20

Kotou fakafetai ki le Eteleno, koutou ko ana kau aselo, Ala e mafimafi i le makeke, ti e fakasoko ia ana fakatotonu, O fakalogo ki le leo o lana folafola !

Pesalemo 136:26

Kotou fakafetai ki le Atua o atu lagi, Talie e lee gato lona manava alofa !

Pesalemo 32:8

E kau ako loa kiate koe ti e kau fakasa loa kiate koe le ala leia e tonu ke ke muli ai. E kau tokoi loa kiate koe, ti e kau tuku tuumau loa oku mata kiate koe.

Pesalemo 34:7

Ka tagi se tagata e mamae, e logo le Eteleno, Ti e fakamauli e ia a ia i ona mamae fuli.

Pesalemo 73:24

E ke taki loa au i lou poto, Ti e ke tali loa au i lou kololia.

Ekesote 13:5

Ka fakaulu loa a koe e le Eteleno ki le fenua o le kau Kanaane, mo le kau Eti, mo le kau Amole, mo le kau Evi, ti mo le kau Sepusi, fenua leia na fakapapau e ia ki ou tamana ke soli kiate koe, fenua leia e tafe ai le sua manu mo le meli, e ke fai loa ki le Eteleno le atolasio leinei i le masina totonu leinei.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Ekesote 33:2

E kau kakau loa i ou mua se aselo, ti e kau kapu loa le kau Kanaane, mo le kau Amole, mo le kau Eti, mo le kau Felesi, mo le kau Evi, mo le kau Sepusi.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Sonasi 1:9

Na tali loa a ia kia latou : Ko se Epeleo au, ti e kau i ki le Eteleno, le Atua o le atu lagi, leia na fakatupu ia le tai mo le kele.

Numelo 11:12

Pe ko au leia na fakatupu ia le kakai fuli leinei ? Pe ko au leia na fanaui ia a ia, ke ke pati mai ai kiate au : luluku a ia i lou fatafata, ofaipe se fafine leia e puaki ia se toe, ti ke ave a ia ke kaku ki le fenua leia na ke fakapapau ki ona tamana ke soli kiate ia ?

Numelo 14:16

Na leaise mafai loa e le Eteleno ke ave e ia le kakai leinei ki le fenua leia na fakapapau e ia ke soli kiate ia : koia leia kua tamate ai e ia a ia i le toafa.

Numelo 14:30

e leaise kotou ulu loa ki le fenua leia na kau fakapapau ke fakanonofo ai koutou, gato fai kia Kalepo, vosa o Sefune, mo Sosue, vosa o Nune.

Numelo 32:11

Ko tagata ala na pale mei Esipito, mei le fetuu kau lua o fai ki aluga, e leaise tio loa ki le fenua leia na kau fakapapau ke soli kia Apalaamo, mo Isaake, mo Sakopo, talie na leaise lotou mulimuli katoa i loku ala,

Gaoi 7:5

Ti na leaise soli loa e ia kiate ia se ga kele i le fenua leinei, pe ko se ganea fua ke teki ai lona vae, kae na fakapapau loa e ia ke soli le fenua katoa ma ana, ti mo lona sakoga ki muli iate ia, kae na leikiai fua sana fanau.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 34:4

Na pati loa le Eteleno kiate ia : Ko lena le fenua leia na kau fakapapau kia Apalaamo, mo Isaake, mo Sakopo, o pati : E kau soli loa a ia ki okoutou sakoga. E kau fakatio a koe ki ai, kae e leaise ke ulu loa ki ai.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 11:9

Ko le tui leia na ano ai loa a ia o nofo i le kele o le fakapapau ofaipe i se kele matapule, o nofo i ni falela mo Isaake, mo Sakopo, ala na maua tofiga mo ia le fakapapau e tasi ;

Sosue 1:6

Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.

Sosue 24:3

Na kau too loa lokoutou tamana ko Apalaamo i le kauvai o le vaitafe ti na kau fakafoli a ia i le fenua katoa o Kanaane ; na kau soli loa kiate ia se sakoga mauke, ti na kau soli loa kiate ia Isaake.

Apokalipisi 11:13

I le ola lena, na to loa se mafuike lasi, ti na solo loa ki lalo le vaega kau agafulu o le kolo ; ti na mamate loa a tagata e tino fitu afe i le mafuike lena, ti ko le toega o le kakai na lulu loa i le i, ti na lotou fakakololia loa ki le Atua o le lagi.

Tuifakamaau 2:1

Na pale loa se aselo o le Eteleno mei Kilikale ki Pokimi, o pati : Na kau fakamavae koutou mei Esipito ti na kau aumai koutou ki le fenua leia na kau fakapapau ke soli ki okoutou tamana. Na kau fakasa loa kia latou : E leaise kau motusi loa i se aso laku fakapapau kia koutou,