Senesi 24:53 - Tosi Tapu

⁵³ Ti na too loa e le tagata fakasausau ni nea fakateuteu siliva, mo ni nea fakateuteu aulo, ti mo ni kofu, o soli kia Lepeka ; ti na toe fai foki e ia ni nea alofa mauiga ki lona tuagaane mo lona tinana.

Senesi 24:53 ပူးပေါင်းရင်းမြစ်များ

Senesi 24:10

Na too loa e le tagata fakasausau ni kamelo e kau agafulu i kamelo a lona aliki, o teki ki ai a koloa malilie fuli o lona aliki, ti na ano loa a ia. Na fanoga loa a ia ki Mesopotamia, ki le kolo o Nakole.

Senesi 24:22

I le oki o le inu o kamelo, na too loa e le tagata se mama aulo, ko lona mamafa ko le vaelua o le fa paaga siliva e tasi, ti mo matemate aulo e lua, ko lola mamafa ko le kau agafulu fa paaga aulo.

Lua tosi o Koloniko 21:3

Na fai e lolatou tamana kia latou ni nea alofa lasi ai, ko ni siliva, mo ni aulo, mo ni nea mauiga, mo ni kolo tau i Suta ; kae na tuku loa e ia le puleaga kia Solame, talie ko le uluaki a ia.

Esetalasi 1:6

Ko latou fuli ala na nofo i olatou tafatafa na soli ia loa kia latou ni paaga, mo se aulo, mo ni koloa, mo ni manu, ti mo ni nea mauiga, kae na leaise lau a nea alofa.

Ekesote 11:2

Ke ke masau ki le kakai, ke tasi kole e le tagata mo le fafine ki leia i ona tafa, ni ipu siliva mo ni ipu aulo.

Ekesote 12:35

Na fai loa e fanau a Iselaele le nea leia na pati ki ai Moisese, ti na lotou kole loa ki le kau Esipito ni ipu siliva, mo ni ipu aulo, ti mo ni kofu.

Ekesote 3:22

E kole loa e le fafine taki toka tasi o Iselaele ki le fafine o Esipito leia e nofo i lona fale pe i ona tafatafa ni ipu siliva, mo ni ipu aulo, ti mo ni kofu ; ti kotou fakaamo loa latou ki okoutou vosa mo okoutou taineliki. Ti e kotou fakamativa loa le kau Esipito.

Katiko o Katiko 1:10

E fulumalie ou kalaafau i loto malie o kasoa, E fulumalie lou ua i loto malie o atu tuikasoa.

Katiko o Katiko 4:13

Ko ou tafe e fau ia se oloto, leia e to ai ni kelenati, Ti e maua i ai a fuai laakau suamalie kesekese, Mo toloene ti mo le nale ;

Esaia 39:2

Na fiafia loa Esekiasi i le nea lena, ti na fakasa loa e ia ki le kau fakafofoga o Papilone le ganea leia e tuku ai ona koloa mauiga, le paaga mo le aulo, mo nea fakamanogi, mo le lolo mauiga, mo ana masafu fuli, ti mo nea fuli ala na tanaki i ona fale koloa : Na leaise nea fua e tasi leia na leaise fakasa e Esekiasi kia latou i lona fale ti mo lona puleaga katoa.