Senesi 24:40 - Tosi Tapu

⁴⁰ Ti na tali mai loa a ia kiate au : Ko le Eteleno, leia na kau saele i ona mua, e kakau ia loa lona aselo i ou mua, ti e fakamanuia loa e ia lou fanoga, ti e ke filifili loa se avaga ki loku vosa i le famili mo le fale o loku tamana.

Senesi 24:40 ပူးပေါင်းရင်းမြစ်များ

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 24:56

Kae na tali loa a ia kia laua : Ke aua na kolua fakatuvai au, talie kua fakamanuia e le Eteleno loku fanoga ; ke kolua tuku au ke kau ano, ti ke kau toe liliu ki loku aliki.

Senesi 24:7

Ko le Eteleno, le Atua o le lagi, leia na fakamavae ia au mei le fale o loku tamana mo loku fenua, leia na masau mai kiate au o fakapapau feneeki mai : E kau soli loa le fenua leinei ki lou sakoga. E kakau loa e ia totonu lana aselo i ou mua ; ti e ke aumai loa mei le ganea lena se avaga ki loku vosa.

Senesi 48:15

Na tapuaki loa a ia kia Sosefo, o pati : E kau kole ki le Atua leia na saele i mua o oku tamana ko Apalaamo mo Isaake, ki le Atua leia na taki ia au mei loku tupu o kaku mai ki le aso nei,

Senesi 5:22

Ko Enoke, i le oki o le tupu o Metusela, na saele loa mo le Atua i fetuu e kau lelau tolu ; ti na fakatupu loa e ia ni vosa mo ni taineliki.

Senesi 5:24

Na saele loa Enoke mo le Atua ; ti na leaise toe maua loa a ia, talie na ave loa a ia e le Atua.

Senesi 6:9

Ko leinei le sakoga o Noe. Ko Noe ko se tagata agatonu mo maokioki a ia i lona tautupu. Na saele a Noe mo le Atua.

Uluaki tosi o Sau 2:3

Tausi a fakatotonu a le Eteleno, lou Atua, o ke saele i ona ala, ti mo taupau ana lao, mo ana fakatotonu, mo ana fakamaau, ti mo ana pelesepeto, o mulimuli ki le nea leia e tuu i le lao a Moisese, o tupu ke ke manuia i nea fuli ala e ke fai loa, ti mo ganea fuli ala e ke maliu loa ki ai,

Uluaki tosi o Sau 3:6

Na tali loa Salomone : Kua ke fakasa lou alofa ki lau tagata fakasausau ko Tavite, loku tamana, talie na saele a ia i ou mua i le agatonu, mo le maokioki, ti mo lona loto katoa kiate koe ; na ke taupau kiate ia le alofa lasi lena, ti na ke soli kiate ia se vosa leia kua ekeeke i lona ekeekeaga fakasau, ofaipe le nea kua tio ki ai i le aso nei.

Uluaki tosi o Sau 8:23

Ei Eteleno, Atua o Iselaele ! E leaise tasi ake Atua e toe tatau mo koe, i aluga i le lagi ti mo lalo i le kele : e ke taupau le sai mo lou manava alofa ki au tagata fakasausau ala e saele i lou agai mo le loto katoa !

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 16:8

E kau maua tuumau le Eteleno i oku mua. Ka nofo a ia i loku fetuu atamai, e leaise kau siga.

Pesalemo 91:11

Talie e fakatotonu loa e ia ki lana kau aselo Ke taupau ia a koe i ou ala fuli.

Ekesote 23:20

Ko leinei, e kau kakau se aselo i ou mua, ke puipui ia a koe i le ala, ti mo fakakaku ia a koe ki le ganea leia kua kau teuteui.

Ekesote 33:2

E kau kakau loa i ou mua se aselo, ti e kau kapu loa le kau Kanaane, mo le kau Amole, mo le kau Eti, mo le kau Felesi, mo le kau Evi, mo le kau Sepusi.

Taniela 3:28

Ti na masau loa Nepukatenesale, o pati : Ke manuia le Atua o Satalake, mo Mesake, mo Apeteneko, leia na kakau ia mai lona aselo ti na saofaki ia ana tagata fakasausau ala na fanaki kiate ia, kae na maumaui ia le fakatotonu a le sau. Na lotou malie ia ake le momoli o olatou tino i lalatou tausi mo atolasio ki se tasi ake atua kese.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Apokalipisi 22:16

Ko au Sesu, kua kau kakau mai laku aselo ke fakasa atu kia koutou a nea anei i atu Ekelesia. Ko au ko le afusa mo le sakoga o Tavite, ko le fetuu ao gigila.

Apokalipisi 22:8

Ko au Soane, leia na logo mo tio ki nea anei. Ti i laku logo mo tio, na kau fakamapee loa ki lalo i vae o le aselo leia na fakasa ia mai kiate au a nea anei, ke kau su kiate ia.