Senesi 24:3 - Tosi Tapu

³ E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Senesi 24:3 ပူးပေါင်းရင်းမြစ်များ

Senesi 14:19

Na tapuaki loa a ia kia Apalamo, o pati : Ke tapuakina Apalamo e le Atua Taualuga, ko le pule o le lagi mo le kele !

Senesi 14:22

Na tali loa Apalamo ki le sau o Sotoma : E kau siki loku lima ki le Eteleno, ko le Atua Taualuga, ko le pule o le lagi mo le kele :

Senesi 21:23

Fakapapau mai kiate au i le aso leinei, i le ganea leinei, i le suafa o le Atua, e leaise ke kakai loa au i se aso, pe ko aku fanau, pe ko fanau o aku fanau, ti e ke agamalie loa kiate au mo le fenua leinei leia e ke nofo ai, ofaipe loku agamalie kiate koe.

Senesi 24:7

Ko le Eteleno, le Atua o le lagi, leia na fakamavae ia au mei le fale o loku tamana mo loku fenua, leia na masau mai kiate au o fakapapau feneeki mai : E kau soli loa le fenua leinei ki lou sakoga. E kakau loa e ia totonu lana aselo i ou mua ; ti e ke aumai loa mei le ganea lena se avaga ki loku vosa.

Senesi 27:46

Na pati loa Lepeka kia Isaake : Kua kau fakalialia ki le mauli o tupu ko oku fugao, a taineliki o Eti. Kapau e toe avaga loa Sakopo mo se taine o Eti, ofaipe laua anei, kolea loa le uiga o le mauli kiate au ?

Senesi 28:1

Na kalagai loa e Isaake a Sakopo, ti na tapuaki loa a ia kiate ia, o tuku kiate ia le fakatotonu leinei : Aua na ke avaga loa mo se taine o taineliki o Kanaane.

Senesi 28:8

Ti na matala loa Esau ki le veli o taineliki o Kanaane ki le loto o lona tamana ko Isaake.

Senesi 34:9

Ke kotou fakatasi loa mo matou : E kotou soli mai loa kia matou okoutou taineliki, ti e motou soli atu loa kia koutou omatou taineliki.

Senesi 38:2

I ai, na tio loa a Suta ki le taine o se tagata Kanaane na igoa ko Sua ; ti na avaga loa a ia mo le taine lena ; ti na ano loa a ia kiate ia.

Senesi 47:31

Ti na pati loa Sakopo : Fakapapau mai kiate au ! Ti na fakapapau ake loa Sosefo kiate ia. Ti na punou loa Iselaele ki le fugaulu o lona palepale.

Senesi 50:25

Ti na pati loa Sosefo ki fanau a Iselaele : Kotou fakapapau mai kiate au, e kotou ave loa oku ivi ke mamao i leinei, i le aso leia e fakatele ai loa le Atua kia koutou.

Senesi 6:2

ti na tio loa a vosa o le Atua na fulumalilie ai a taineliki o tagata, ti na lotou filifili loa ni iki o latou ko alatou avaga.

Senesi 6:4

I le temi lena, na tagata lalasi ai le malama nei. Ti na toe felaaki i le oki o le ano o vosa o le Atua ki taineliki o tagata, ti na tupu loa mei ai ni fanau : ko latou ana na logologona i le temi mua.

Lua tosi o Sau 19:15

ti na fai loa e ia le kole leinei kiate ia : Eteleno, Atua o Iselaele, leia e ekeeke i aluga o selupino ! Ko le Atua a koe e tasi i puleaga fuli o le kele, ko koe leia na fai ia le lagi mo le kele.

Lua tosi o Koloniko 2:12

Na toe pati foki Ilame : Ke fakafetai ki le Eteleno, le Atua o Iselaele, leia na fakatupu ia le lagi mo le kele, i lana soli ki le sau ko Tavite se vosa poto, mo fakapotopoto, ti mo atamai, leia ka fakatuu ia loa se fale ki le Eteleno ti mo se fale sau kiate ia !

Esetalasi 5:11

Ko leinei le tali na lotou fai mai kia matou : Ko matou ko tagata fakasausau a le Atua o le lagi mo le kele, ti e motou toe laga le fale leinei na kamata laga ti kua sili ki ai ni fetuu mauke ai ; io, na fau a ia e se sau lasi o Iselaele o oki malie.

Neemia 13:25

Na kau fai loa ni valoki kia latou ti na kau tutuku loa latou ; na kau lalava loa ni iki, ti na kau futi loa olatou lau ulu, ti na kau fakatotonu loa ke lotou fakapapau i le suafa o le Atua, ti na kau pati loa kia latou : E leaise kotou soli loa okoutou taineliki ki olatou tamaliki, ti e leaise kotou too loa olatou taineliki ke avaga mo okoutou vosa pe ko koutou totonu.

Neemia 9:6

Ko koe Eteleno, ko koe toka tasi, leia na fau ia le lagi, le lagi o atu lagi, ti mo olatou kau tau fuli, mo le kele ti mo nea fuli i ai, mo atu tai ti mo nea fuli i ai. E ke soli le mauli ki nea fuli ana, ti e atolasio kiate koe le kau tau katoa o le atu lagi.

Pesalemo 115:15

Ke tapuaki koutou e le Eteleno, Leia na fakatupu ia le lagi mo le kele !

Pesalemo 136:26

Kotou fakafetai ki le Atua o atu lagi, Talie e lee gato lona manava alofa !

Ekesote 20:7

Aua na ke takua noa loa le suafa o le Eteleno, ko lou Atua ; talie e tautea loa e le Eteleno leia e takua noa i lona suafa.

Ekesote 22:11

e fakapapau loa le tagata leia na taupau ia le manu, i mua o le Atua na leaise fafa lona lima ki le koloa o lona oloi ; ti e tali loa e le pule o le manu le fakapapau lena, ti e leaise totogi loa e le tagata leia na taupau ia le manu se nea.

Ekesote 23:13

E kotou taupau loa a nea fuli ala kua kau fakasa kia koutou, ti aua na kotou puaki ia loa se igoa o se atua kese : ke aua na sa i lou gutu lona igoa.

Ekesote 34:16

talie ke aua na ke too ia olatou taineliki ki ou vosa, ti ko olatou taineliki, ala e tausi ki olatou atua, ke aua na lotou toso ia ou vosa ke tausi ki olatou atua.

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Esaia 48:1

Kotou fakalogo mai ki le nea leinei, fale o Sakopo, Koutou ala e igoa ki le igoa o Iselaele, Koutou ala na ulu mei vai o Suta ; Koutou ala e fakapapau i le suafa o le Eteleno, Ti e faikole ki le Atua o Iselaele, Kae puli ai le maoki mo le loto sako !

Esaia 65:16

Talie ko leia e loto ke tapuakina i le fenua, E loto loa ke tapuakina a ia i le suafa o le Atua o le maoki ; Ti ko leia e fakapapau loa i le fenua, E fakapapau loa i le suafa o le Atua o le maoki ; Talie e galoi loa a mamae afea, E fufu loa latou ki oku mata.

Selemia 10:11

E kotou masau loa kia latou, o pati : Ko atua ala na leaise fakatupu ia le lagi mo le kele E pupuli loa i le kele mo le lalo lagi.

Selemia 12:16

Ti kapau e lotou ako a ala o loku kakai, Kapau e lotou fakapapau i loku suafa, o pati : E mauli le Eteleno ! Ofaipe lalatou ako ki loku kakai ke fakapapau i le igoa o Paale, Ti e lotou fiafia loa i le manuia i loto malie o loku kakai.

Selemia 29:6

Kotou too ni avaga kia koutou ti kotou fakatupu ni vosa mo ni taineliki ; kotou too ni avaga ki okoutou vosa, ti kotou soli ni avaga ki okoutou taineliki, o tupu ke lotou fakatupu ni vosa mo ni taineliki ; kotou liuliuga i le ganea leia e kotou nonofo ai, kae aua na kotou lavaki.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Levitiko 19:12

Aua na kotou fai loa se fakamaoki loi i loku suafa, talie e ke fakakelekele loa i ai le suafa o lou Atua. Ko au ko le Eteleno.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Numelo 5:21

ti e pati loa le tagata faisakilifisio ke fakapapau ki le malaia le fafine, ti e pati loa a ia ki le fafine : Ke tuku a koe e le Eteleno ki le malaia mo le takugai i loto malie o lou kakai, o fakamalo lou tega ti mo fakakita lou manava,

Uluaki tosi ki le kau Kolinto 7:39

Kua sai le fafine ki lona avaga i le temi katoa leia e mauli ai lona avaga ; ti kapau kua mate le tagata, e lauatea le fafine ke toe avaga mo leia e loto a ia ki ai ; ko leia fua ke fai i le Aliki.

Tetelonome 10:20

Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Epelo 6:16

Talie e maoki e fakapapau a tagata i se tasi leia e lasi ake ia latou ; ti ko le fakapapau ko se fakamaoki a ia, leia e fakagato ia a visi fuli.

Sosue 2:12

I le aso nei, ke kolua fakapapau mai kiate au, i le suafa o le Eteleno, e kolua toe liufaki loa ki loku famili se alofa e tatau mo leia na kau maua kia koulua. Ke kolua tuku mai kiate au se fakamailoga leia e fakasa ai loa lokoulua agatonu.

Tuifakamaau 14:3

Na pati loa lona tamana mo lona tinana kiate ia : Pe leaise maua se taine i taineliki o lou famili mo lou kakai katoa ke ke ano ai o too se taine i taineliki o le kau Filisitini lena e leaise silikosisio ? Ti na pati loa Samisoni ki lona tamana : Ke ke too a ia kiate au, talie ko ia leia e kau loto ki ai.

Uluaki tosi a Samuele 20:17

Ti na toe kole ake loa e Sonatane kia Tavite ke fakapapau ake i lona alofa kiate ia, talie na alofa Sonatane kiate ia ofaipe lona laumalie.

Uluaki tosi a Samuele 30:15

Na pati loa Tavite kiate ia : Pe mafai ke ke taki au ki le fa solia lena ? Ti na tali loa a ia : Fakapapau mai kiate au i le suafa o le Atua e leaise ke tamate loa au ti e leaise ke ave loa au ki loku pule, ti e kau taki loa a koe ki le solia lena.