Senesi 24:27 - Tosi Tapu

²⁷ o pati : E kau fakafetai ki le Eteleno, ko le Atua o loku aliki ko Apalaamo, talie kua fakasa mai e ia lona alofa mo lona agatonu ki loku aliki ! Kua taki e le Eteleno loku fanoga ke kau kaku totonu ki le fale o fetaina o loku aliki.

Senesi 24:27 ပူးပေါင်းရင်းမြစ်များ

Senesi 13:8

Na pati loa Apalamo kia Lote : E kau kole atu kiate koe, ke aua na i ai se fefele iate au mo koe, pe i le vasaa o aku tagata tausi manu mo au tagata tausi manu ; talie e ta tautaina.

Senesi 14:20

Ke tapusa le Atua Taualuga, leia kua tuku ia ou fili ki ou lima ! Ti na soli loa e Apalamo kiate ia le vaega kau agafulu o nea fuli.

Senesi 24:12

Ti na pati loa a ia : Eteleno, Atua o loku aliki ko Apalaamo, e kau kole atu kiate koe ke ke alofa o fakafelavei au i le aso nei mo leia e kau loto ki ai. Ti e ke fakasa loa i ai lou alofa ki lau tagata fakasausau ko Apalaamo !

Senesi 24:21

Na ofolele ai le tagata kiate ia, kae na leaise masau a ia, talie na fia iloa e ia pe kua fakamanuia maoki e le Eteleno lona fanoga pe leai.

Senesi 24:4

kae ke ke ano ki loku fenua, ki loku fale o filifili mei ai se avaga ki loku vosa ko Isaake.

Senesi 24:42

Na kau tau mai i le aso nei ki le matapuna vai, ti na kau pati : Eteleno, ko le Atua o loku aliki ko Apalaamo, kapau e ke alofa o fakamanuia loku fanoga,

Senesi 24:48

Ti na kau tulolo loa ki le kele o atolasio ki le Eteleno. Ti na kau fakafetai ki le Eteleno, le Atua o loku aliki ko Apalaamo, leia na agatonu o taki mai au, o tupu ke kau too ki lona vosa le taine o le taina o loku aliki.

Senesi 32:10

Eteleno, e leaise kau gali mo kalasia fuli ala na ke tuku mai kiate au, mo lou agatonu katoa kiate au ko lau tagata fakasausau ; talie na kau fakalaka i le Solotane leinei mo loku tokotoko, ti ko leinei kua kau nofo mo ni nofolaga e lua i le aso nei.

Senesi 32:11

E kau kole atu kiate koe, ke ke fakamauli au mei loku taina ko Esau, talie e kau i kiate ia, ti e kau mamae na au loa a ia o tamate au, mo fafine, mo toe.

Senesi 9:26

Na toe pati foki a ia : Ke manuia le Eteleno, ko le Atua o Semi ! Ti ke fakasausau a Kanaane kia Semi !

Lua tosi a Samuele 18:28

Na kalaga loa Asimaate, o pati ki le sau : Kua ano malie a nea fuli ! Na punou loa a ia ki le kele i mua o le sau, o pati : Ke fakafetai ki le Eteleno, lou Atua, leia kua tuku ia a tagata ala na siki ia olatou lima ke agatuu ki le sau, loku aliki !

Pesalemo 100:5

Talie e agamalie le Eteleno ; e lee gato lona agamalie, Ti e tuu lona agatonu i tautupu ki tautupu.

Pesalemo 68:19

Na ke pale ki le potu taualuga, ti na ke ave ni kau popula, Na ke tali ni nea alofa ko ni tagata ; Ko latou ala na agatuu kiate koe e toe nonofo foki o ofi ki le Eteleno Atua.

Pesalemo 98:3

Na manatui e ia lona agamalie mo lona agatonu ki le fale o Iselaele, Na tio a potupotu fuli o le malama nei ki le fakamauli a lotatou Atua.

Ekesote 18:10

Ti na pati loa Setelo : Ke fakafetai ki le Eteleno leia na fakamauli ia koutou mei le lima o le kau Esipito mo le lima o Falaone ; ko ia leia na fakamauli ia koutou mei le lima o le kau Esipito !

Ekesote 2:11

I le temi lena, kua tagata loa Moisese, ti na ano loa a ia o fakatele ki ona fetaina, ti na tio loa a ia ki gaoi pakia ala kua teki kia latou. Na tio loa a ia ki se tagata Esipito leia na ta ia se tagata Epeleo i ona fetaina.

Ekesote 2:13

Na toe ano loa a ia i leia ake a aso, ti ko leinei na fefele ni tagata Epeleo e toka lua. Ti na pati loa a ia ki leia na sala : Kolea e ke tamate ai lou taina ?

Ekesote 34:6

Ti na ano loa le Eteleno i ona mua, o kalaga : Eteleno, Eteleno, Atua manava alofa mo loto alofa, mo kataki fualoa, mo mou koloa i le agamalie mo le agatonu,

Taagapati 3:6

Ke ke fanaki kiate ia i ou ala fuli, Ti e fakatokatoka loa e ia ou ala.

Taagapati 8:20

E kau saele i le ala o le faitotonu, I loto malie o ala o le maokioki,

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Luka 1:68

Fakafetai ki le Aliki, le Atua o Iselaele, Talie kua asiasi a ia ki lona kakai ti kua totogi e ia a ia,

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Lute 4:14

Na pati loa a fafine kia Naomi : Ke tapuaki le Eteleno, leia na leaise tiaki ia a koe ke ke sala tagata leia e kaiga feofi mo koe i le aso nei, ti e mauiga loa lona igoa i Iselaele !

Uluaki tosi a Samuele 25:32

Na pati loa Tavite kia Apikaile : Ke fakafetai ki le Eteleno, le Atua o Iselaele, leia na kakau ia mai a koe kiate au i le temi nei !

Uluaki tosi a Samuele 25:39

Na logo loa Tavite kua mate Napale, ti na pati loa a ia : Ke fakafetai ki le Eteleno leia na puipui ia au i le nea veli leia na fai mai e Napale kiate au, leia na taofi ia lana tagata fakasausau ke fai ia le veli ! Kua fakavilo e le Eteleno le agaveli a Napale ki lona ulu. Na kakau loa e Tavite ke fakaafe ake Apikaile ke liliu ko lana avaga.