Senesi 24:26 - Tosi Tapu

²⁶ Ti na tulolo loa le tagata ki le kele o atolasio ki le Eteleno,

Senesi 24:26 ပူးပေါင်းရင်းမြစ်များ

Senesi 22:5

Ti na pati loa Apalaamo ki ana tagata fakasausau : Kolua nonofo i leinei mo le asino ; ko au mo le tupulaga, e ma ano loa o kaku ki aluga o atolasio, ti o ma toe liliu mai loa kia koulua.

Senesi 24:25

Ti na toe pati loa a ia kiate ia : E maua i lomatou fale se mutie malo mo se nea kai lasi ki manu, ti mo se ganea leia ke lotou nonofo ai i le pouli.

Senesi 24:48

Ti na kau tulolo loa ki le kele o atolasio ki le Eteleno. Ti na kau fakafetai ki le Eteleno, le Atua o loku aliki ko Apalaamo, leia na agatonu o taki mai au, o tupu ke kau too ki lona vosa le taine o le taina o loku aliki.

Senesi 24:52

I le logo a le tagata fakasausau a Apalaamo ki ala masau, na tulolo loa a ia o kaku ki le kele i mua o le Eteleno.

Uluaki tosi o Koloniko 29:20

Na pati loa Tavite ki le fakatasiga katoa : Ke kotou fakafetai ki le Eteleno, lokoutou Atua ! Ti na fakafetai loa le fakatasiga katoa ki le Eteleno, le Atua o olatou tamana. Na lotou punou loa ki le kele i mua o le Eteleno, ti mo mua o le sau.

Lua tosi o Koloniko 20:18

Na punou loa Sosafate o fakatau ona mata ki le kele, ti na punou loa Suta katoa mo le kakai o Selusalemi i mua o le Eteleno, o su kiate ia.

Lua tosi o Koloniko 29:30

Ti na pati loa le sau ko Esekiasi mo pule ki le kau Levi ke sua mo fakafetai ki le Eteleno ki folafola a Tavite mo le polofeta ko Asafe ; ti na lotou sua fakafetai loa i le fiafia, ti na lotou punou loa ki le kele, o atolasio ki le Eteleno.

Neemia 8:6

Na fakafetai loa Esetalasi ki le Eteleno, le Atua lasi, ti na siki loa e le kakai katoa olatou lima ki aluga, o tali : Amene ! Ti na lotou tulolo loa ki le kele, o atolasio ki le Eteleno.

Pesalemo 22:29

Talie maua e le Eteleno le pule : E pule a ia ki atu puleaga.

Pesalemo 66:4

E atolasio le malama nei katoa kiate koe ti e sua e ia lou mauiga ; E sua e ia lou suafa. - Manava.

Pesalemo 72:9

I ona mua, e peluki loa e le kakai o le toafa olatou tuli, Ti e epo loa e ona fili le efu.

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Ekesote 12:27

E kotou tali loa : Ko le sakilifisio o le Pasikate ki le Eteleno, leia na fakasili i aluga o fale o fanau a Iselaele i Esipito, i lana taai Esipito kae saofaki otatou fale. Na punou loa le kakai ki le kele o atolasio.

Ekesote 34:8

I le lakaga fai lena, na fakamapee loa Moisese ki le kele, o su.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Mikea 6:6

Kolea le nea ke ano mo au ki mua o le Eteleno, Ke kau fakataulalo ai i mua o le Atua Taualuga ? Pe kau ano loa ki ona mua mo ni failaulau, Mo ni uviki pipi fetuu taki tasi ?

Filipe 2:10

o tupu ke tutuli i le igoa o Sesu a tuli fuli i le lagi, mo le kele, ti mo le lalo kele,

Tuifakamaau 7:15

I le logo a Setone ki le fakamatala o le moe miti mo lona uiga, na punou loa a ia ki le kele o fakafetai ki le Atua. Ti na toe liliu loa a ia ki le nofolaga tau o Iselaele, o pati : Kotou tutuu ki aluga, talie kua tuku e le Eteleno ki okoutou lima le nofolaga tau o Matiane.

Uluaki tosi a Samuele 1:28

Koia foki leia e kau loto ai ke soli a ia ki le Eteleno : e tuku loa a ia ki le Eteleno i lona mauli katoa. Ti na lotou atolasio loa ki le Eteleno i ai.