Senesi 24:17 - Tosi Tapu

¹⁷ Na makape loa le tagata fakasausau ki ona mua, o pati : E kau kole atu kiate koe, ke ke soli mai kau inu se ga vai i lau fagu vai.

Senesi 24:17 ပူးပေါင်းရင်းမြစ်များ

Senesi 24:45

Na leikiaise oki laku masau i loku loto, ko leinei na au loa Lepeka mo lana fagu e teki i lona tuauma. Na ifo loa a ia ki le sosoni o asu vai. Na kau pati loa kiate ia : E kau kole atu, ke ke soli mai ke kau inu !

Uluaki tosi o Sau 17:10

Na tuu ake loa Elia, o ano ki Salepeta. I lana kaku atu ki le matapa o le kolo, ko leinei, na i ai se fafine lokonui leia na tae fafie. Na kalagai loa e ia le fafine, o pati : E kau kolekole atu kiate koe, ke ke ano o afa mai se ga vai i se ipu, o tupu ke kau inu.

Esaia 21:14

Kotou ave se vai kia latou ala e fia inu ; E ave e le kakai o le fenua o Tema Se pane kia latou ala e sosola.

Esaia 30:25

I mauga taualuga fuli mo mauga liliki fuli, E i ai loa ni liua, mo ni vaitafe, I le aso o le tamatea lasi, I le sisiga o tule fuli.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Soane 4:7

Na au loa se fafine o Samalia, o asu vai. Na pati loa Sesu kiate ia : Soli mai ke kau inu.

Soane 4:9

Na pati loa le fafine samalia kiate ia : Kolea e ke kole mai ai kiate au ke ke inu, a koe leia ko le Sutea, kiate au leia ko se fafine Samalia ? Talie na leaise malilie le kau Sutea mo le kau Samalia.