Senesi 24:10 - Tosi Tapu

¹⁰ Na too loa e le tagata fakasausau ni kamelo e kau agafulu i kamelo a lona aliki, o teki ki ai a koloa malilie fuli o lona aliki, ti na ano loa a ia. Na fanoga loa a ia ki Mesopotamia, ki le kolo o Nakole.

Senesi 24:10 ပူးပေါင်းရင်းမြစ်များ

Senesi 11:26

Ko Telake, na fetuu kau fitu, na fakatupu ia loa Apalamo, mo Nakole, mo Alane.

Senesi 11:29

Na avaga loa Apalamo ti mo Nakole : Ko le igoa o le avaga o Apalamo ko Salai, ti ko le igoa o le avaga o Nakole ko Milika, taine o Alane. Ko Alane ko le tamana foki a ia o Siseka.

Senesi 11:31

Na too loa e Telake lona vosa ko Apalamo, mo Lote, vosa o Alane, vosa o lona vosa, ti mo Salai, lona fugao, avaga o Apalamo lona vosa. Ti na lotou mavae fakatasi loa mei Ulu i Kaletea, o ano ki le fenua o Kanaane. Na lotou kaku loa ki Salani, ti na lotou nofo loa i ai.

Senesi 11:32

Ko aso o Telake ko fetuu e kau lelau lua tupu lima ; ti na mate loa Telake i Salani.

Senesi 22:20

I le sili o nea ana, na fakasa loa kia Apalaamo, o pati : Ko leinei, kua fanaui foki e Milika ni tamaliki kia Nakole, lou taina.

Senesi 24:2

Na pati loa Apalaamo ki lana tagata fakasausau, leia na matua i lona fale, leia na pule ki ana nea fuli. E kau kole atu kiate koe, ke ke velo mai lou lima ki lalo o loku tega ;

Senesi 24:22

I le oki o le inu o kamelo, na too loa e le tagata se mama aulo, ko lona mamafa ko le vaelua o le fa paaga siliva e tasi, ti mo matemate aulo e lua, ko lola mamafa ko le kau agafulu fa paaga aulo.

Senesi 24:53

Ti na too loa e le tagata fakasausau ni nea fakateuteu siliva, mo ni nea fakateuteu aulo, ti mo ni kofu, o soli kia Lepeka ; ti na toe fai foki e ia ni nea alofa mauiga ki lona tuagaane mo lona tinana.

Senesi 27:43

Koia ei loku tama, i le aso nei fakalogo mai ki loku leo ! Tuu o sola ki loku tuagaane ko Lapane, i Salani ;

Senesi 29:1

Na soko atu loa e Sakopo lona fanoga, ti na ano loa a ia ki le fenua o vosa o le potu Esite.

Senesi 29:2

I se aso, na tio loa a ia ki se sosoni leia na tuu i loto o faisaga ; ti na i ai ni kau ovi e tolu ala na malolo i ona tafatafa, talie na fakainu i le sosoni lena a kau manu. Ti na lasi ai le fatu leia na tapono ki ai le sosoni.

Uluaki tosi o Koloniko 19:6

Na tio loa a vosa o Amone ki le fakalialia o le nea leia na lotou aga o fai kia Tavite, ti na ave loa e Anune mo vosa o Amone ni fa tenalio siliva e afe ke totogi ai ni saliote mo ni tagata ekeosi mei le kau Silia o Mesopotamia, ti mo le kau Silia o Maaka mo Tesopa.

Gaoi 2:9

Ko tatou ko kau Palete, mo kau Mete, mo kau Elame ; mo la e nonofo i Mesopotamia, mo Sutea, mo Kapatose, mo Potuse, mo Asia,

Tetelonome 23:4

O tupu na leaise lotou au ki okoutou mua mo se pane mo se vai i le aso leia na kotou fanoga ai i le ala, i le oki o lakotou mavae mei Esipito, kae na lotou totogi paaga Palaami, vosa o Peoli, mei Petoli i Mesopotamia, ke tuku ia se malaia kiate koe.