Senesi 23:9 - Tosi Tapu

⁹ ke tuku mai e ia kiate au le ana o Makepela, leia e maua e ia, i le potupotu o lana faisaga, ke soli mai e ia kiate au ke kau totogi paaga a ia, ti ke liliu a ia ko loku tanuma i loto malie o koutou.

Senesi 23:9 ပူးပေါင်းရင်းမြစ်များ

Senesi 23:10

Na tonatona loa Efelone mo vosa o Eti. Ti na tali loa Efelone, ko le tagata Eti, kia Apalaamo, i mua o vosa o Eti mo latou fuli ala na ulu i le matapa o lona kolo :

Senesi 23:4

Ko au ko se matapule leia e nofo i lotolotoga o koutou ; kotou soli mai kiate au se tanuma i lokoutou kele, ke kau tanu ai loku mate, ti ke kau too a ia mei oku mua.

Senesi 23:8

Ti na masau loa a ia kia latou, o pati : Kapau e kotou fakataga mai ke kau tanu loku mate, ti ke kau too a ia i oku mata, ke kotou fakalogo mai kiate au ti ke kotou kole kia Efelone, vosa o Tesokale,

Senesi 25:10

Ko le faisaga lena leia na totogi e Apalaamo ki vosa o Eti. Na tanu loa i ai Apalaamo mo Sala, lana avaga.

Senesi 49:29

Ti na tuku loa e ia kia latou le fakatotonu leinei : Ka kau ano loa ki loku kakai ; ke kotou tanu loa au i le tanuma o oku tamana, i le ana leia e tuu i le faisaga o le tagata Eti ko Efelone,

Senesi 50:13

Na lotou ave loa lolatou tamana ki le fenua o Kanaane, ti na lotou tanu loa a ia i le ana o le faisaga o Makepela, leia na totogi e Apalaamo kia Efelone, ko le tagata Eti, mo ona tanuma fakafamili, ti na ofi ki Mamele.

Uluaki tosi o Koloniko 21:22

Na pati loa Tavite kia Alavana : Tuku mai le ganea leia e tuu ai le sasaaga fulumeto ke kau fakatuu ai se aletale ki le Eteleno ; tuku mai a ia ke kau totogi paaga, o tupu ke mavae le malaia i aluga o le kakai.

Uluaki tosi o Koloniko 21:24

Kae na pati loa le sau kia Alavana : Leai ! E kau loto ke totogi paaga, ki lona totogi totonu, talie e leaise kau ave loa ki le Eteleno le nea leia a au, ti e leaise kau momoli loa se failaulau leia e leaise mauiga kiate au.

Loma 12:17

Aua na kotou totogi ki se tasi le veli ki le veli. Kotou afa le nea e malie i mua o tagata fuli.

Loma 13:8

Aua na kotou tuu maua ki se tasi, kae ke kotou maua fealofani i okoutou vasaa, talie ko leia e alofa ki la ake kua fai ia le lao.