Senesi 23:4 - Tosi Tapu

⁴ Ko au ko se matapule leia e nofo i lotolotoga o koutou ; kotou soli mai kiate au se tanuma i lokoutou kele, ke kau tanu ai loku mate, ti ke kau too a ia mei oku mua.

Senesi 23:4 ပူးပေါင်းရင်းမြစ်များ

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 23:5

Na tali loa a vosa o Eti kia Apalaamo, o pati :

Senesi 3:19

E ke kai loa lau pane i le kavakavaia o lou lae, o kaku ki le aso leia e ke toe liliu ai loa ki le kele, leia na ke too mei ai ; talie ko le efu a koe, ti e ke toe liliu loa ki le efu.

Senesi 47:9

Na tali loa Sakopo kia Falaone : Ko fetuu o loku mauli, i le temi leia na kau feanoaki ai, ko le kau lelau kau tolu. E teiki fua fetuu o loku mauli mo veveli, e leaise lotou kaku ki fetuu o oku tamana.

Senesi 49:30

I le ana o Makepela, leia e ofi ki Mamele, i le fenua o Kanaane. Na totogi le faisaga lena e Apalaamo ki le tagata Eti ko Efelone, ke liliu ko lona tanuma.

Senesi 50:13

Na lotou ave loa lolatou tamana ki le fenua o Kanaane, ti na lotou tanu loa a ia i le ana o le faisaga o Makepela, leia na totogi e Apalaamo kia Efelone, ko le tagata Eti, mo ona tanuma fakafamili, ti na ofi ki Mamele.

Uluaki tosi o Koloniko 29:15

Ko matou ko ni matapule kae kua motou nonofo i le fenua, ofaipe omatou tamana fuli ; ko omatou aso i le kele e tatau mo le malu, ti e leai se amanaki malie.

Sopo 30:23

Talie e kau iloa e ke taki au ki le mate, Ki le ganea leia e fakatasi ai latou fuli e mauuli.

Pesalemo 119:19

Ko au ko se matapule i le malama nei : Aua na ke fufu mai kiate au au folafola !

Pesalemo 39:12

E ke ako le tagata o tautea a ia i lana agaveli ; E ke maumau ofaipe se ugogo, le nea leia e alofa lasi ki ai. Io, ko tagata fuli ko se tukumanava. - Manava.

Ekesote 2:22

Na fanaui loa e Sefola se tama, leia na fakaigoa loa e Moisese ko Kelesomi, talie na pati loa a ia, e kau nofo i se fenua kese.

Ekelesiasi 12:5

le temi leia e lulu ai loa a tagata leo o le fale, leia e pipiko ai loa a tagata makeke, leia e tuu ai loa a fafine ala e fakamaluu ia a magiti talie kua lotou lavaki, leia e fakapouli ai loa latou ala e tio i matapa,

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Ekelesiasi 6:3

Kapau e maua loa e se tagata ni vosa e kau lelau, ti e mauli loa a ia i ni fetuu mauke, kae na leaise fiafia lona laumalie i lona mauli loa lena, ti na leaise fai sona putu i lona mate, e kau pati e malie ake le toe leia kua mate i lona fanaui i le tagata lena.

Levitiko 25:23

Aua na ke fakatau loa se kele o tukupau : talie ko le fenua a aku, talie e kotou nonofo i loku kaiga ofaipe ni matapule, mo ni iki ala e nonofo fakatemi.

Gaoi 7:16

Ti na ave loa latou ki Siseme, o tuku ki le tanuma leia na totogi paaga e Apalaamo ki vosa o Amole i Siseme.

Gaoi 7:5

Ti na leaise soli loa e ia kiate ia se ga kele i le fenua leinei, pe ko se ganea fua ke teki ai lona vae, kae na fakapapau loa e ia ke soli le fenua katoa ma ana, ti mo lona sakoga ki muli iate ia, kae na leikiai fua sana fanau.

Epelo 11:9

Ko le tui leia na ano ai loa a ia o nofo i le kele o le fakapapau ofaipe i se kele matapule, o nofo i ni falela mo Isaake, mo Sakopo, ala na maua tofiga mo ia le fakapapau e tasi ;

Uluaki tosi a Petelo 2:11

Alofaaga, e kau kole atu kia koutou, ofaipe ni matapule mo ni tagata fanoga i le malama nei, kotou fakamamao mei oli o le tino ala e tau ki le laumalie.