Senesi 23:2 - Tosi Tapu

² Na mate loa a Sala i Kiliate-Alepa, leia ko Epelone, i le fenua o Kanaane ; ti na fai loa e Apalaamo le putu o Sala, ti na tagi loa a ia kiate ia.

Senesi 23:2 ပူးပေါင်းရင်းမြစ်များ

Senesi 13:18

Na siki loa e Apalamo ona falela, ti na ano loa a ia o nofo i le ulu sene o Mamele, leia na ofi ki Epelone. Ti na fakatuu loa e ia i ai se aletale ki le Eteleno.

Senesi 23:1

Ko le mauli o Sala na fetuu kau lelau kau lua tupu fitu : ko le lasi a ia o fetuu o le mauli o Sala.

Senesi 23:19

I le oki o le nea lena, na tanu loa e Apalaamo a Sala, lana avaga, i le ana lena na tuu i le faisaga o Makepela, i le potu esite o Mamele leia ko Epelone, i le fenua o Kanaane.

Senesi 24:67

Ti na taki loa e Isaake a Lepeka ki le falela o lona tinana ko Sala ; na too loa e Isaake a Lepeka ke liliu ko lana avaga. Na alofa loa Isaake kiate ia, ti na fimalie loa lona loto i le puli o lona tinana.

Senesi 27:41

Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Senesi 35:27

Na kaku loa Sakopo ki lona tamana ko Isaake i Mamele, ofi ki Kiliate-Alepa, leia kua igoa i le temi nei ko Epelone, ganea leia na nofo ai foki Apalaamo mo Isaake.

Senesi 37:14

Na pati loa Iselaele kiate ia : E kau kole atu kiate koe ke ke ano o fakatele ki ou fetaina, o tio pe lotou malolo mo le kau manu ; ti ke au loa mo ni logo kiate au. Ti na kakau loa e Sakopo lona vosa ko Sosefo mei le vaivailiua o Epelone ; ti na ano loa Sosefo ki Siseme.

Senesi 50:1

Na punou loa Sosefo ki mata o lona tamana o tagi mo sogi kiate ia.

Senesi 50:10

I le kaku o le fanoga ki le ganea sasa fulumeto o Atati, leia na tuu i leia atu kauvai o le Solotane, na lotou fai loa i ai ni tagi lasi mo fakamamae ; ti na fai loa e Sosefo se putu ki lona tamana i aso e fitu.

Lua tosi a Samuele 1:12

Na lotou putu loa, mo fetagisi, ti mo sesunio o kaku ki le afiafi, o tupu ko Saulo mo Sonatane, lona vosa, mo le kakai o le Eteleno, mo le fale o Iselaele, talie kua lotou mamate i le seleta.

Lua tosi a Samuele 1:17

Ko leinei le laumate leia na fatu e Tavite kia Saulo mo Sonatane, lona vosa,

Lua tosi a Samuele 2:11

Ko le fualoa o le temi na sau ai Tavite i Epelone ki le fale o Suta ko fetuu e fitu mo masina e ono.

Lua tosi a Samuele 5:3

Koia na au loa le kau matua fuli o Iselaele kia Tavite i Epelone, ti na fai loa e le sau ko Tavite se sai mo latou i mua o le Eteleno. Na lotou pani lolo loa Tavite ko le sau o Iselaele.

Lua tosi a Samuele 5:5

Na sau loa a ia i Epelone ki Suta i fetuu e fitu mo masina e ono, ti na sau loa a ia i Selusalemi i fetuu e kau tolu ki Iselaele katoa mo Suta.

Uluaki tosi o Koloniko 6:57

Na soli loa ki vosa o Alone le kolo ulufaga ko Epelone, mo Lipina mo ona tafatafa, mo Satili, mo Esetemoa mo ona tafatafa,

Lua tosi o Koloniko 35:25

Na fai loa e Selemia se lau mate o Sosiasi ; na masau a tagata sua fuli mo fafine sua fuli kia Sosiasi i alatou sua o kaku mai ki le aso nei, ti na lotou fakatuu loa a ia ko se agai fenua i Iselaele. Kua tosi a sua ana i tosi o tagi laulau.

Neemia 11:25

Na nofo foki ni iki a vosa o Suta i ni kolo liliki mo olatou tafatafa, i Kiliate-Alepa ti mo ona tafatafa, mo Tiponi mo ona tafatafa, mo Sekapeteseele mo ona tafatafa,

Selemia 22:10

Aua na kotou tagi ki leia kua mate, Ti aua na kotou tagi laulau kiate ia ; Kotou tagi, kotou tagi ki leia e ano, Talie e leaise toe liliu mai loa a ia, E leaise toe tio loa a ia ki le fenua leia na tupu ai.

Selemia 22:18

Koia e folafola le Eteleno, o pati kia Sosakimi, vosa o Sosiasi, sau o Suta : E leaise tagi loa kiate ia, o pati : Oiau, loku taina ! Oiau loku tuagaane ! E leaise tagi loa kiate ia, o pati : Oiau, aliki ! Oiau, lona agai !

Numelo 13:22

Na lotou ulu loa ki le potu Saute ti na lotou ano loa o kaku ki Epelone, leia na nonofo ai a vosa o Anake ko Asimani, mo Sesai, mo Talamai. Na laga Epelone i ni fetuu e fitu i mua o le laga o Tesoane i Esipito.

Numelo 20:29

Na tio loa le fakatasi katoa kua mate Alone, ti na tagi loa le fale katoa o Iselaele kia Alone i aso e kau tolu.

Soane 11:31

I le tio a le kau Sutea, ala na nonofo mo Malia i le fale o fakapelepelei a ia, ki le tuu fakatavili a Malia o ulu ki fafo, na lotou muli loa iate ia, o pati : E ano a ia ki le tanuma, o tagi i ai.

Soane 11:35

Na tagi loa Sesu.

Gaoi 8:2

Na tanu loa e ni tagata lotu malie a Setefano, ti na lotou tagi lasi loa ki lona mate.

Tetelonome 34:8

Na tagi loa kia Moisese a fanau a Iselaele i aso e kau tolu, i le toafa o Moape, o kaku ki le oki o le temi katoa o lona putu.

Sosue 10:39

Ti na lotou too loa le kolo mo lona sau, ti mo kolo ala na feofi ki ai. Na lotou tamate loa le kakai fuli, o leaise toe sao se fa toka tasi. Ti na fai loa e Sosue ki Tepile mo lona sau o tatau mo lana fai ki Epelone ti mo lana fai ki Lipina mo lona sau.

Sosue 15:13

Na soli loa kia Kalepo, vosa o Sefune, se tofiga i loto malie o vosa o Suta, o mulimuli ki le nea leia na fakatotonu e le Eteleno kia Sosue. Na soli loa kiate ia le kolo ko Kiliate-Alepa, leia ko Epelone : ko Alapa ko le tamana o le kau Anake.

Sosue 15:54

mo Umeta, mo Kiliate-Alepa, leia ko Epelone, mo Tesioli ; kolo e iva mo olatou kolo liliki.

Sosue 20:7

Na lotou filifili loa Ketesi i Kalilea, i le mauga o Nefetali ; mo Siseme, i le mauga o Efalaimi ; mo Kiliate-Alepa, leia ko Epelone, i le mauga o Suta.

Sosue 21:11

Na lotou soli loa kia latou Kiliate-Alepa, leia ko Epelone, i le mauga o Suta, ti mo faisaga ala na tuu i olatou tafatafa. Ko Alapa ko le tamana o Anake.

Tuifakamaau 1:10

Na saele loa Suta ki le kau Kanaane leia na nofo i Epelone, leia na igoa i mua ko Kiliate-Alepa. Ti na tamate loa e ia Sesai, mo Asimani ti mo Talamai.

Uluaki tosi a Samuele 20:31

Talie i le temi katoa leia e mauli ai loa le vosa o Isaia i le malama nei, e leaise i ai loa se fimalie kiate koe mo lou puleaga. I le lakaga nei, kakau se tasi ke ano, o afa mai a ia, mo aumai a ia kiate au, talie e tonu ke mate a ia.

Uluaki tosi a Samuele 25:1

Na mate loa Samuele. Na fakatasi loa Iselaele katoa, o tagi kiate ia, ti na lotou tanu loa a ia i lona fale i Lama. Ti na tuu ake loa Tavite, o ifo ki le toafa o Palani.

Uluaki tosi a Samuele 28:3

Kae kua mate loa Samuele ; ti na tagi Iselaele katoa kiate ia, ti na lotou tanu a ia i Lama, i lona kolo. Ti kua oki foki lona too e Saulo mei le fenua latou ala e felogoi mo le kau mate, mo latou ala e fai kikite.