Na siki ake loa e ia ona mata, o tio : ti ko leinei, kua tutuu ni tagata e toka tolu o ofi kiate ia. I lana tio kia latou, na makape loa a ia ki olatou mua, mei le matapa o le falela, o punou ki le kele.
Na kaku loa aselo e toka lua ki Sotoma i le afiafi ; kae na tonatona loa a Lote i le matapa o Sotoma. I le tio a Lote kia laua, na tuu ake loa a ia o ano o fakafelavei kia laua, ti na punou loa a ia o kaku ki le kele.
Aliki, fakalogo mai kiate au, e leaise kau tali ke ke totogi. E kau tuku atu le faisaga, ti e kau tuku atu mo le ana leia e tuu i ai. E kau soli noa atu a nea ana kiate koe, i mua o vosa o loku kakai : ke ke tanu i ai lou mate.
Ti na masau loa a ia kia Efelone i mua o le kakai o le fenua, o pati : E kau kole atu kiate koe ke ke fakalogo mai kiate au : E kau soli atu le totogi o le faisaga, ke ke tali a ia, ti e kau tanu loa i ai loku mate.
