Senesi 22:3 - Tosi Tapu

³ Na tuu ake loa Apalaamo i le pogipogi usu, o teuteui lana asino, ti na too loa e ia ni tagata fakasausau e toka lua ke ano mo ia, ti mo lona vosa ko Isaake. Na taisi loa e ia se fafie ki le sakilifisio, ti na ano loa a ia ki le ganea leia na pati ki ai le Atua.

Senesi 22:3 ပူးပေါင်းရင်းမြစ်များ

Senesi 17:23

Na too loa e Apalaamo a Isemaele, lona vosa, mo latou fuli ala na tupu i lona fale, ti mo latou fuli ala na totogi paaga e ia, a tagata fuli o lona fale. Ti na silikosisio loa e ia latou i le aso lena, o mulimuli ki le fakatotonu leia na tuku e le Atua kiate ia.

Senesi 21:14

Na tuu ake loa Apalaamo koi usu ; ti na too loa e ia se pane mo se fagu vai o soli kia Akale, o teki ki lona tuauma ; ti na toe soli loa e ia kiate ia le tama, ti na kakau loa e ia Akale ke ano. Na ano loa Akale, ti na sese loa a ia i le toafa o Pele-Sepa.

Senesi 22:18

E tapuakina loa a puleaga fuli o le malama nei i lou sakoga, talie na ke fakalogo ki loku leo.

Senesi 22:2

Na pati loa le Atua : Too lou vosa, lou vosa fuatasi, leia e ke alofa ki ai, ko Isaake ; ano ki le fenua o Molisa, ti ke momoli loa a ia i le ganea lena ko se failaulau i aluga o se mauga leia e kau fakasa loa kiate koe.

Senesi 22:4

I le tolu o aso, na siki ake loa e Apalaamo ona mata, ti na tio loa a ia mei mamao ki le mauga.

Pesalemo 119:60

E kau fakavilivili, e leaise kau toe talitali O fai au fakatotonu.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Luka 14:26

Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo.

Kalate 1:16

ke fakasa lona Alo iate au, o tupu ke kau fakasa a ia i le kau pagani, na leaise kau afa fua se tokoi ki se kanofi mo se toto,

Epelo 11:8

Ko le tui leia na fakalogo ai loa Apalaamo ki le kalaga a le Atua, ti na ano ai loa a ia ki se fenua leia e tonu ke maua tofiga e ia, ti na ano loa a ia kae na leaise iloa e ia le ganea leia na ano a ia ki ai.

Sosue 3:1

Na tuu ake loa Sosue i le mafoata, a ia mo fanau fuli o Iselaele. Ti na lotou mavae loa i Sitime, o lotou ano loa o kaku ki le Solotane. Ti na lotou nonofo loa i ai i le pouli, i mua o le fakalaka i le Solotane.

Sosue 8:10

Na tuu ake loa Sosue i le mafoata o tanaki lana kau solia, ti na saele loa a ia ki Ai, i mua o le kakai, a ia mo le kau fakamatuatua o Iselaele.