Senesi 22:2 - Tosi Tapu

² Na pati loa le Atua : Too lou vosa, lou vosa fuatasi, leia e ke alofa ki ai, ko Isaake ; ano ki le fenua o Molisa, ti ke momoli loa a ia i le ganea lena ko se failaulau i aluga o se mauga leia e kau fakasa loa kiate koe.

Senesi 22:2 ပူးပေါင်းရင်းမြစ်များ

Senesi 17:19

Na pati loa le Atua : E maoki e fanaui loa e lau avaga ko Sala se vosa kiate koe ; ti e ke soli loa kiate ia le igoa ko Isaake. E kau fakatuu loa laku sai mo ia ti mo lona sakoga i ona muli. E tuu loa a ia ko se sai lee gato.

Senesi 21:12

Kae na pati loa le Atua kia Apalaamo : Aua na mamae lou loto, o tupu ko le toe mo lau fafine fakasausau. Tuku kia Sala a nea fuli ala e kole atu loa e ia kiate koe ; talie ko Isaake leia e au loa mei ai lou sakoga totonu.

Senesi 21:3

Na soli loa e Apalaamo le igoa ko Isaake ki le vosa leia kua tupu kiate ia, leia na fanaui e Sala kiate ia.

Senesi 22:12

Na pati loa le aselo : Aua na fafa lou lima ki le fanau, ti aua na ke fai se nea kiate ia ; talie e kau iloa i le aso nei e ke i ki le Atua, ti na leaise ke fakafiti mai kiate au lou vosa, lou fuatasi.

Senesi 22:16

o pati : E kau fakapapau iate au totonu, folafola a le Eteleno ! Talie na ke fai le nea lena, ti na leaise ke fakafiti mai kiate au lou vosa, lou fuatasi,

Senesi 22:3

Na tuu ake loa Apalaamo i le pogipogi usu, o teuteui lana asino, ti na too loa e ia ni tagata fakasausau e toka lua ke ano mo ia, ti mo lona vosa ko Isaake. Na taisi loa e ia se fafie ki le sakilifisio, ti na ano loa a ia ki le ganea leia na pati ki ai le Atua.

Senesi 22:9

Na la kaku loa ki le ganea leia na pati ki ai le Atua, ti na fakatuu loa e Apalaamo se aletale, ti na fakatoka loa e ia le fafie i aluga. Na sai loa e ia lona vosa ko Isaake, o teki ki le aletale, i aluga o fafie.

Senesi 8:20

Na fakatuu loa e Noe se aletale ki le Eteleno ; ti na too loa e ia ni manu i manu mea fuli mo manu lele mea fuli, ti na momoli loa e ia ni failaulau i le aletale.

Lua tosi o Sau 3:27

Koia na too ai loa e ia lona vosa uluaki, leia na tonu ke sau o fetogi a ia, ti na momoli loa e ia a ia i se failaulau i aluga o le paa o le kolo. Ti na i lasi loa Iselaele, leia na fakamamao loa mei le sau o Moape, o toe liliu ki lona fenua.

Lua tosi o Koloniko 3:1

Na kamata laga loa e Salomone le fale o le Eteleno i Selusalemi, i le mauga o Molisa, leia na fakasa kia Tavite, lona tamana, i le ganea leia na teuteui e Tavite i le sasaaga fulumeto a Alavana, le tagata Sepusi.

Mikea 6:7

Pe tali loa e le Eteleno ni ovi tagata e afe mo afe, Mo ni vaitafe lolo e miliate mo miliate ? Pe kau soli loa loku vosa uluaki ki aku agatuu ? Le fua o loku manava ki le agasala o loku laumalie ?

Soane 3:16

Talie na alofa lasi ai le Atua ki le malama nei, na soli e ia lona Alo fuatasi, o tupu ko se tasi fua e tui kiate ia ke aua na mate, kae ke maua e ia le mauli lee gato.

Loma 5:8

Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Epelo 11:17

Ko le tui leia na momoli ai loa e Apalaamo a Isaake, i lona asiasii, ti na momoli loa e ia lona vosa fuatasi, leia na tuku ki ai a fakapapau,

Tuifakamaau 11:31

ti ko leia e ulu mai loa ki fafo mei le matapa o loku fale o fakafetaulaki mai kiate au, i le aso leia e kau liliu mai ai loa mo le malo i vosa o Amone, e fakatapui loa ki le Eteleno, ti e kau momoli loa a ia i se failaulau.

Tuifakamaau 11:39

I le oki o masina e lua, na toe liliu loa a ia ki lona tamana, ti na fakasoko loa e Sefete kiate ia le fakapapau leia na fai e ia. Na leikiaise iloa e ia se tagata. Mei le aso lena, na tuu loa i Iselaele le lekula leinei :